Бешикташ – Kurir.mk

Бешикташ го врати Деле Али во Евертон

Бошко Тасиќ — Mon, 10 Apr 2023 04:45:58 +0000

Деле Али најверојатно го одигра својот последен меч за Бешикташ, откако турскиот клуб му дозволи да се врати во Велика Британија по мускулната повреда на десната нога. Првите проценки велат дека тој ќе паузира најмалку 10 недели поради повредата, што значи дека нема да биде достапен за клубот до крајот на сезоната. Али имаше кошмарна позајмица во Турција, каде што во 13 настапи имаше 2 гола, но последен пат беше во игра во февруари, а тренерот Шенол Ѓунеш воопшто не сметаше на него. Поранешниот англиски репрезентативец има уште една сезона од договорот со Евертон, каде што пристигна како големо засилување од Тотенхем во јануари 2022.

Навивачите во Истанбул побараа оставка од турската Влада

Ивана Ефремовски — Mon, 27 Feb 2023 06:42:52 +0000

Навивачите на истанбулските фудбалски клубови „Бешикташ“, синоќа, и на „Фенербахче, ден претходно, побараа од турската Влада да поднесе оставка, скандирајќи и фрлајќи стотици плишани играчки на теренот во спомен на децата жртви од земјотресот на 6 февруари. „Владо, оставка!“ се пееше додека Бешикташ одигра 0:0 со Анталијаспор. Протестот, што се одржа за време на натпреварот, следи по протестот на навивачите на колегите од истанбулскиот клуб Фенербахче на нивниот стадион во саботата. Навивачите на Фенербахче изразија слични чувства по земјотресот со јачина од 7,8 степени според Рихтер во кој сано во Турција загинаа повеќе од 44.000 лица. „Дваесет години лаги и мамење, оставка“, скандираа навивачите на Фенербахче за време на победата над Коњаспор од 4:0. Противниците на турската Влада го критикуваа, како што сметаат, несоодветниот одговор на владејачките власти на природната катастрофа. Инаку, на 14 мај во Турција треба да се одржат претседателски и парламентарни избори. Се смета дека навивачите на Бешикташ се поблиски до опозицијата отколку до владејачката коалиција на Реџеп Таип Едоган. Но, ваквите скандирања станаа се поретки откако Ердоган ги прегази своите противници по неуспешниот пуч во 2016 година. Девлет Бахчели, шеф на националистичката партија МХП, помал партнер во владејачката коалиција на Ердоган, ги повика властите да ги играат натпреварите зад затворени врати доколку има повеќе вакви изрази на негодувања. (МИА)

НАТПРЕВАРОТ ПРЕКИНAT, СВЕТОТ ВО СОЛЗИ: Нереални сцени од Турција – овој потег на навивачите ќе ви го допре срцето (ВИДЕО)

Ивана Ефремовски — Sun, 26 Feb 2023 19:35:59 +0000

Натпреварот меѓу Бешикташ и Анталијаспор кој се игра во рамките на 14. коло во турскиот шампионат е прекинат. Но, за разлика од честите хулигански инциденти кои се карактеристични за оваа земја, овојпат причината за паузата е од сосема поинаква природа. Навивачите на Бешикташ во секој случај се погрижија резултатот на овој натпревар да биде во втор план и направија феноменален потег. Тие дефинитивно се победници на денот откако ја прекинаа играта за да донесат играчки за децата кои се во неволја поради земјотресот што се случи во Турција. Ова е секако одличен потег на поддржувачите на кој му се восхитуваа целиот свет. Да потсетиме, на почетокот на месецот во Турција имаше разорни земјотреси кои однесоа голем број животи, преживеаните останаа без својот имот, а илјадници деца беа без омилените играчки. Благодарение на навивачите на Бешикташ, нема сомнеж дека сега сите оние дечиња кои лееја солзи во претходниот период повторно ќе имаат причина за насмевка.

"Bir başkadır benim memleketim..." pic.twitter.com/cipmCNXUry
— beIN SPORTS Türkiye (@beINSPORTS_TR) February 26, 2023

Ваут Вегорст го засилува нападот на Манчестер Јунајтед

Бошко Тасиќ — Sun, 08 Jan 2023 08:27:26 +0000

Холандскиот фудбалер Вaут Вегорст наскоро би требало да биде промовиран во ново засилување на Манчестер Јунајтед. Фудбалерот на Бешикташ треба да пристигне на „Олд Трафорд“ на позајмица до крајот на сезоната со право на откуп на договорот. На овој начин Вегорст ќе се врати во Премиер – лигата каде имаше неславен период во дресот на Барнли пред овој клуб да испадне во Чемпионшип минатата година. Потоа летово се пресели во Бешикташ каде на 17 натпревари во сите натпреварувања постигна девет гола и забележа четири асистенции, со што повторно се најде на радарот на најпознатите европски клубови. Помогна и Светското првенство каде беше солиден постигнувајќи гол против Аргентина.

Бешикташ со ново соопштение, соработката со Вардар која вчера ја демантираше, денеска ја потврди

Ристе Здравков — Thu, 14 Oct 2021 16:02:13 +0000

Вардар пред неколку денови објави дека имаат соработка во турскиот великан Бешикташ. „Шефот на скаутинг службата на фудбалскиот гигант од Турција Бешикташ Бајрам Билим го посети ФК Вардар и оствари средба со раководството на клубот, на која се договори долгогодишна соработка помеѓу двата клуба“, стои во објавата на Вардар Од Истанбул синоќа ја демантираа оваа соработка. „Веста во медиумите дека е потпишан договор за соработка помеѓу нашиот клуб и македонскиот клуб Вардар не е вистинита. Љубезно ги молиме нашите фанови да не веруваат во таквите вести“, велат од турскиот првак. Но денеска од Бешикташ пристигна ново соопштение. „Бајрам Билим, главниот скаут на нашиот тим го посети клубот Вардар, еден од македонските клубови. Билим разговараше и размени искуство со раководството за време на посетата, гледаше еден тренинг на првиот тим на Вардар, откако претходно го разгледа тренинг кампот на клубот“, објавија денеска од Бешикташ.

Пријателски натпревар помеѓу Шкупи и турски Бешикташ

Тале Кристо — Tue, 12 Oct 2021 19:29:00 +0000

Актуелниот лидер во Првата македонска фудбалска лига (ПМФЛ) Шкупи, идниот месец, ќе одигра пријателски натпревар против турскиот гигант Бешикташ на гостински терен. Шкупи гостувањето во Истанбул на 11 ноември и дуелот против 21-иот турски шампион го најави вечерва со пригодно видео на социјалните мрежи. По девет одиграни натпревари во ПМФЛ, Шкупи води на табелата со 20 бодови, два повеќе од второпласираната Ренова, додека Бешикташ по осмото коло во турската Суперлига е третопласиран со 17 бодови, два помалку од лидерот Фенербахче.

ЛШ: Ајакс сигурен на домашен терен, Интер до бод против Шахтјор

Бошко Тасиќ — Tue, 28 Sep 2021 18:54:43 +0000

Ајакс ја запиша втората победа во фудбалската Лига на шампиони (ЛШ) откако вечерва беше подобар од Бешикташ со 2-0, додека Интер мораше да се задоволи со бод на гостувањето кај Шахтер. Тимот од Холандија до водство стигна по 17 минути игра, додека Холер во завршницата на првиот дел зголеми на 2-0. Гостите немаа многу шанси за да се вратат во мечот, но успеаа да ја зачуват мрежата и да доживеат дебакл. Ајакс по две одиграни кола има шест бодови во групата Ц, три има Борусија Дортмунд, а без бодови се Бешикташ и Спортинг.

Интер имаше неколку добри шанси против Шахтер, но не искористи ниту една од нив. Един Џеко можеше да ги израдува гостите од Милано, но не успеа бидејќи од само неколку метри го промаши цел гол. Во групата Д по еден бод имаат Интер и Шахтер, додека Реал Мадрид и Шериф имаат по три и допрва треба да го одиграа нивниот дуел од второто коло.

Диего Коста во Бешикташ

Ивона Петрова — Fri, 18 Jun 2021 06:48:59 +0000

Напаѓачот Диего Коста ќе се приклучи на Бешикташ. Според шпански „АС“, постигнат е договор меѓу турскиот клуб и фудбалерот. Претходно беше објавено за интересот за играчот од страна на Палмеирас, Бока јуниорс, Сао Паоло, како и клубови од Англија и од Саудиска Арабија. Триесет и двегодишниот Шпанец го раскина договорот со Атлетико Мадрид во јануари и сè уште е слободен играч. Тој игра за клубот од Мадрид од 2018 година. Во сезоната 2020/21, Коста одигра седум натпревари и постигна два гола.

Гуџуфи потпиша со Бешикташ

Бошко Тасиќ — Mon, 17 May 2021 18:50:05 +0000

Македонскиот младински фудбалски репрезентативец Бесар Гуџуфи од денеска е нов член на Бешикташ, потврди официјално новиот турскиот шампион. Како што е соопштено, 16-годишниот Гуџуфи со турскиот фудбалски гигант потпишал договор на пет години. Гуџуфи, кој потекнува од младинската школа на Вардар, се сели во Турција од редовите на Беласица каде мина во есенската полусезона и постигна два гола, додавајќи и три асистенции, на 12 натпревари за струмичката екипа. За Гуџуфи сериозен интерес покажуваа и турскиот прволигаш Трабзонспор, како и хрватскиот шампион Динамо Загреб.

Бешикташ шампион на Турција

Бошко Тасиќ — Sat, 15 May 2021 20:51:38 +0000

Фудбалскиот тим на Бешикташ во неверојатна завршница на турското првенство се закити со титулата благодарение на подобрата гол-разлика во однос на Галатасарај, и тоа за само еден гол подобра разлика во однос на големиот лут ривал. Бешикташ славеше на гостувањето против Гезтепе со 1-2 и ја заврши сезоната со „плус 45 гола“, додека Галатасарај триумфираше на домашен терен против Малатија со 3-1. Галата во финишот бркаше да постигне и четврти гол со кој ќе стигнеше до титулата, но не успеа во тоа, па титулата заврши кај „црно-белите“ од Истанбул.