бесплатен одмор – Kurir.mk

Бесплатен одмор за деца од семејства во социјален ризик и деца корисници на посебен додаток за лето 2023 година

Катерина Бојаџиева — Tue, 06 Jun 2023 17:53:26 +0000

Владата на денешната седница ја разгледа и усвои и Информацијата за реализација на проектот за користење услуга за одмор и рекреација на деца од семејства во социјален ризик и деца корисници на посебен додаток за лето 2023 година, поднесена од Министерството за труд и социјална политика. Преку Проектот, како што е наведено во соопштението од Владата, се овозможува користење бесплатна услуга за рекреација на деца од семејства во социјален ризик и деца корисници на посебен додаток, во објекти за одмор и рекреација за лето 2023 година. Одморот и рекреацијата се користат во текот на летниот распуст. Задолжено е Министерството за труд и социјална политика за реализација на проектот, меѓу другото и преку објава на повик на Веб страницата на Министерството за труд и социјална политика и во центрите за социјална работа, во јуни 2023 година.

Летово нема бесплатни одмори за децата од социјално загрозени семејства

Тале Кристо — Fri, 08 May 2020 19:22:08 +0000

Владата на денешната седница донесе одлука годинава да не се реализира проектот за користење бесплатна услуга одмор и рекреација за децата од социјален ризик и корисници на посебен додаток. -На денешната седница Владата ја прифати информацијата на Министерството за труд и социјална политика со предлог реализацијата и спроведувањето на Проектот за користење бесплатна услуга одмор и рекреација на деца од семејства во социјален ризик и деца корисници на посебен додаток да се одложи, односно проектот да не се реализира за лето 2020 година, се наведува во соопштението на Владата.

Бесплатен одмор на зимскиот распуст за околу илјада деца

Ивана Ефремовски — Tue, 18 Dec 2018 18:27:28 +0000

Околу илјада деца од семејства во социјален ризик бесплатно ќе зимуваат шест дена за време на зимскиот распуст во 2019 година. Владата денеска на 110-тата седница ја прифати информацијата за реализација на проектот за користење услуга за одмор и рекреација на деца од семејства во социјален ризик и деца корисници на посебен додаток. Се работи за деца родени од 2004 до 2009 година, односно редовни ученици кои во учебната 2018/2019 година посетуваат петто, шесто, седмо, осмо и деветто одделение од семејства во социјален ризик, односно корисници на социјална парична помош, постојана парична помош, детски додаток и децата без родители и родителска грижа, како и деца корисници на посебен додаток до 26-годишна возраст. -Децата имаат право на зимување шест дена, коишто ќе бидат надополнети со едукативно-забавни активности. Децата корисници на посебен додаток и/или деца со инвалидитет имаат право на придружник за време на користењето на оваа услуга, соопшти владината прес-служба. (МИА)