бесплатен паркинг – Kurir.mk

Бесплатен паркинг на зонските паркиралиралишта на ЈП „Градски паркинг“ за 11 Октомври, освен на Водно!

Дарко Андоновски — Tue, 10 Oct 2023 12:31:02 +0000

ЈП „Градски Паркинг“ - Скопје информира дека утре, по повод Денот на народното востание над фашизмот, јавните паркиралишта ЗОИЛ, Тутунски комбинат и 8-ми Септември, ќе бидат слободни за паркирање, односно нема да се врши наплата. -Јавните површини наменети за паркирање (зонските паркиралишта), исто така, ќе бидат слободни за паркирање, освен зона А0 (Водно), каде што продолжува со редовно работно време 09:00 - 16:00 часот, додека, пак, јавните паркиралишта: Дом на печат, Народен фронт, АМСМ, Кочо Рацин, Градска болница, Клинички центар „Мајка Тереза“, Треска, како и катните гаражи „Беко“ и „26 Јули“, ќе работат со редовно работно време од 00:00 до 24:00 часот, соопштуваат од ЈП Градски паркинг - Скопје. ЈП „Градски паркинг“ – Скопје, им го честита на граѓаните утрешниот празник - 11 Октомври!

Андоновска: Овозможуваме бесплатен паркинг за крводарителите и специјализантите на Клинички центар

Магдалена Андонова — Thu, 30 Jun 2022 10:16:06 +0000

Марија Андоновска, советник во Советот на Град Скопје на денешната седница ја поздрави одлуката за дополнување на ценовникот на Градски паркинг, нагласувајќи дека со оваа одлука на сите крводарители и специјализанти ќе им се овозможи бесплатен паркинг во Клиничкиот центар. Се работи за одлука за дополнување на ценовникот на Градски паркинг. Зошто е оваа точка толку важна? Затоа што се однесува на две групи, а тоа се крводарителите, а тоа се специјализантите. Се однесува за регулирање на плаќање на паркингот на Клиничкиот центар. Четири години крводарителите бараа да бидат ослободени да плаќаат паркинг на Клиничкиот центар, бидејќи во еден период претходно истите тие крводарители беа ослободени, па потоа имаше одредени промени. Не е во ред на најхуманите луѓе оние кои што спасуваат животи да им го укиниме право за бесплатен паркинг на Клиничкиот центар. Така што за поздравување е тоа што повторно крводарителите нема да плаќаат и ќе имаат бесплатен паркинг, истакна Андовска. Втората работа е дека со оваа одлука специјализаните кои што се на Клиничкиот центар, сите специјализанти а знаеме какви години помина, две и пол години во пандемија каде што тие истите специјализанти држеа цели смени во Ковид одделенијата заедно со сите останати. А тие специјализанти мораа да си платат паркинг. Што значи тоа? Тоа значи дека ако дошле навечер да држат смена и го паркираат своето возило таму. Утре дента треба да платат 2000 денари паркинг, а тие вечерта неуморно работеле и тоа без никаков надоместок. Од тие причини со оваа одлука им овозможуваме на специјализантите кои што се таму рамо до рамо со докторите и целиот медицински паркинг, да имаа можност да си платат месечен билет како што тоа го прават сите вработени во тој Клинички центар, рече таа. Андоновска ги повика и советниците од СДСМ да ја поддржат одлуката и да ја исправат неправдата која што е направена од претходната локална власт. Така што ја поздравувам уште еднаш оваа одлука од советничката група на ВМРО-ДПМНЕ и коалицијата, барам и од другите советници да го стори истото. Да ја исправиме неправдата која што беше направена, порача Андоновска.

Во Бугарија се крадат украински регистарски таблички заради бесплатен паркинг

Тале Кристо — Fri, 27 May 2022 17:07:56 +0000

На украинските бегалци кои успеале да спасат жива глава и да стигнат во Бугарија со кола Бугарите почнаа да им ги крадат регистрациите. Бугарите откриле дека како дел од пакетот за бегалци од Украина, бугарската влада им овозможила на сите украински автомобили бесплатно да се паркираат каде сакаат низ Бугарија (на обележени паркинзи). По оваа информација Бугарите почнале да крадат украински таблици за да ја искористат истата бенефиција. „Регистрациите на возилата постојано се крадат. Во прво време не ни беше јасно што е работата. Излезе дека возилата со украински таблици можат бесплатно да паркираат. Бугарите ги земаат украинските таблици и ги ставаат на своите возила за да не паркираат. Потоа ги фрлаат регистрациите,“ изјавила Украинката Светлана од Харков, моментално сместена во Сончев брег. Жената исто така се пожалила дека бугарската полиција не е нешто посебно потресена околу проблемот, и дека Украинците треба да нарачуваат дупликат таблици од Украина. До сега има над 6,6 милиони бегалци од Украина, од кои неполни 98.000 се во Бугарија.

Паркингот во Скопје денеска бесплатен

Ивона Петрова — Mon, 02 May 2022 08:05:49 +0000

Денеска на верскиот празник Рамазан Бајрам, на зонските паркиралишта со кои стопанисува ЈП „Градски паркинг“ – Скопје нема да се врши наплата, информираат од претпријатието. Дополнуваат дека со редовна работа и наплата ќе работат двете катни гаражи „Беко“ и „26 Јули“ и јавните паркиралишта Кочо Рацин, Треска, Градска Болница и Клинички центар „Мајка Тереза“.

Во недела и понеделник бесплатен паркинг во Скопје

Магдалена Андонова — Thu, 28 Apr 2022 14:10:40 +0000

Ги известуваме корисниците на нашите услуги дека во пресрет на Денот на трудот 1 Мај и верскиот празник Рамазан Бајрам на 2 мај, на зонските паркиралишта со кои стопанисува ЈП Градски паркинг- Скопје нема да се врши наплата во недела 01.5.2022 и понеделник 02.5.2022 год. Со редовна работа и наплата ќе работат двете катни гаражи: „Беко“ и „26ти Јули“ и јавните паркиралишта: Кочо Рацин, Треска, Градска Болница и клинички центар Мајка Тереза, стои во соопштението на ЈП Градски Паркинг - Скопје. Тие на сите граѓани им го честитаат Денот на трудот 1 Мај, а на сите припадници на муслиманска вероисповед им го честитаат празникот Рамазан Бајрам.

Градски паркинг- Скопје: Бесплатен паркинг за време на велигденските празници

Тале Кристо — Thu, 21 Apr 2022 08:25:42 +0000

Ги известуваме корисниците на нашите услуги дека во пресрет на најголемиот Христијански празник Велигден, на зонските паркиралишта со кои стопанисува ЈП Градски паркинг- Скопје нема да се врши наплата во недела 24.4.2022 и понеделник 25.4.2022 год. Со редовна работа и наплата ќе работат двете катни гаражи: „Беко“ и „26ти Јули“ и јавните паркиралишта: Кочо Рацин, Треска, Градска Болница и клинички центар Мајка Тереза, информираат од Градски паркинг- Скопје. ЈП Градски паркинг- Скопје им ги честита Велигденските празници на сите верници од православна вероисповед, со христијанскиот поздрав „Христос Воскресе!“

Бесплатен паркинг во катната гаража кај „Беко“ поради кастрење гранки

Ивона Петрова — Thu, 15 Feb 2018 10:41:43 +0000

Екипите на јавните претпријатија „Паркови и зеленило“ и „Градски паркинг“ утре ќе спроведат акција за кастрење гранки на отворени паркинзи на повеќе локации во општина Центар. Поради тоа овие паркинзи ќе бидат затворени, а станарите и правните субјекти во текот на денот можат да се паркираат на катната гаража кај „Беко“. - Акцијата се спроведува поради овозможување поголема видливост на возачите, ослободување на патната сигнализација и поголема прегледност и безбедност во сообраќајот, соопшти Град Скопје. Кастрењето гранки ќе се спроведе на паркингот А5 (улица „Орце Николов“ бр. 20, 29 и без број, улица „Скопска“ бр. 9), паркинг А6 (улица „Максим Горки“ бр. 1, 3, 3а, 5, 7, 8а, 9, 10, 11, 14, 16, 16а, 17, 18, 19, 20 и 21, „Осма ударна бригада“ бр. 2, 20, 20а, 20б, 24 и 31а, „Васил Главинов“ бр. 7а и 7б, „Скопска“ бр.9, 9а, 15 влез 1 и 2, „Лермонтова“ бр.3 и „Никола Вапцаров“ бр.2, 8 и 18). На паркингот А1 (булевар „ВМРО“ бр.1 влез, 2, 3, 4, 5, 6, 7, 8 и бр.3) и на паркингот А3 (улица „Даме Груев“ бр.7 блок 4 со влезови од 2 до 9 и улицата „Вељко Влаховиќ“ бр.21 и 23).