Така лажеше Филипче: Ниту има членство во ЕУ, ниту бесплатно здравство

Дарко Андоновски — Mon, 09 Nov 2020 09:34:14 +0000

„Членство во ЕУ за бесплатни здравствени услуги низ цела Европа. Излези за европска Македонија“, вака власта предводена од СДСМ ги манипулираше и лажеше граѓаните пред две години кога се одржа и референдумот за промена на уставното име на нашата земја. Иако поминаа две години од тогаш, Македонија ниту е влезена во Европската унија, ниту државата може да им дозволи на граѓаните бесплатно здравство во нашата земја, а камо ли во Европа, како што манипулираа самите. Доказ дека власта не може да им пружи помош на граѓаните е коронавирусот кој буквално коси низ светот, а имуна не е ниту Македонија која е лидер во регионот, но и Европа по бројот на смртни случаи и новозаболени. Со бесплатното болничко лекување јавноста ја манипулираше и лажеше и Зоран Заев на парламентарните избори во 2016 година кои требаше да донесат „живот за сите во Македонија“. Сепак, иако тој ветуваше брда и долини за сиромашните македонски граѓани и бесплатно здравствено лекување, фактите говорат нешто друго... Граѓаните наместо бесплатни лекување, тие од само првата тура на бесплатни ПЦР брзи тестови на државата ќе и искешираат милион и шестотини денари, додека маржата помеѓу продажната и набавната цена е дури 400 денари. И додека македонските граѓани умираат бидејќи нема кој да им помогне при лекувањето од коронавирусот, или не можат да си дозволат приватно лекување, граѓаните во Словачка беа тестирани бесплатно од државата. Додека граѓаните кај нас собираат донации за лекување, милионската држава успеа за викенд да тестира дури повеќе од 3,6 милиони граѓани, додека кај нас наместо тестови, власта пребројува мртви. Во тестирањето во Словачка учествуваат повеќе од 40.000 лекари, војници, полицајци, административни работници и волонтери вршат тестови на околу 5.000 локации. Сепак иако Македонија е далеку од Словачка, на крајот останува едно... граѓаните да се молат само на Бога за нивните животи, додека ветувањето за бесплатно здравство на Венко Филипче и Зоран Заев ќе остане само една ГОЛЕМА ЛАГА.

Уште една лага на Филипче: Ветуваше бесплатно здравство за млади, ама не предвиде пари

Ивона Петрова — Tue, 03 Jul 2018 11:35:13 +0000

Премиерот Зоран Заев и министерот за здравство Венко Филипче се расфрлаат со информации за бесплатно болничко лекување. И повторно се фатени во лага. Во Програмата за обезбедување средства за бесплатно болничко лекување за пензионери за 2018 година предвидени се средства во висина од 48 милиони денари. И тоа 18 милиони денари од буџетот на државата, а 30 милиони денари од Министерството за здравство. Ова е одлука објавена во Службен весник на 26 јануари годинава. Истата се менува, односно освен за пензионери се предвидува истото да важи и за здравствени услуги за деца на возраст до 18 години, чии семејства се корисници на правото на социјална парична помош. Измените на првичната одлука од јануари се објавени во Службен весник на 7 јуни, но иако се внесува уште една категорија корисници - млади, сумата, и во оваа изменета и дополнета одлука, е во иста висина или 48 милони денари. Министерот Филипче и владата предводена од СДСМ уште еднаш се фатени во лага. Филипче пред околу два месеци на настан заедно со министерката за труд и социјална политика Мила Царовска ја најавија оваа мерка за младите до 18 години. Но, Филипче на тој настан рече дека станува збор за програма која ќе ја спроведува Министерството за здравство со која ќе бидат опфатени 20.000 лица и од буџетот се одвоени 20 милиони денари. Каде се овие 20 милиони денари кои како што рече Филипче ќе бидат потребни за младите од оваа категорија? Во изменетата мерка се предвидува бесплатно болничко лекување за пензионери, во која се додаваат и младите до 18 години, а значи износот е ист - 48 милиони денари. Или и во мерката од јануари наменета само за пензионери, и во онаа, дополнетата, за млади до 18 години, сумата е иста - 48 милиони денари, и не се менува за 20 милиони денари кои Филипче ги најави дека се потребни за младите. Филипче уште еднаш е фатен во лага. Или 48 милиони денари за бесплатно болничко лекување на пензиониери, и за младите до 18 години. Оттука се поставува прашањето: Дали за да го исполни ветувањето, Филипче ќе крати пари од пензионерите? Друго прашање е дали на болниците кои бесплатно ќе ги лекуваат овие млади лица, потоа нема да им бидат исплаќани буџетски пари што ќе предизвика долгови за болниците.

бесплатно здравство – Kurir.mk

Така лажеше Филипче: Ниту има членство во ЕУ, ниту бесплатно здравство

Уште една лага на Филипче: Ветуваше бесплатно здравство за млади, ама не предвиде пари