бесправна сеча – Kurir.mk

Приведено лице од гостиварско поради бесправна сеча на дрва

Ивана Ефремовски — Sat, 09 Sep 2023 13:00:17 +0000

На 08.09.2023 во 08.20 часот во с.Орќуше, гостиварско, полициски службеници од Полициска станица Гостивар го лишиле од слобода Н.О.(57) од истото село. Тој околу 07.30 часот во шума во атар на с.Орќуше бил затекнат како врши бесправна сеча на огревно дрво. Кај пријавениот биле пронајдени и одземени исечените огревни дрва и алатот со кој ја вршел сечата, кои се предадени на Шумската полиција за понатамошна постапка. По целосно документирање на случајот ќе биде поднесен соодветен поднесок.

Приведен дрвокрадец во скопско

Катерина Бојаџиева — Mon, 12 Jun 2023 08:35:51 +0000

Во населба Драчево во Скопје, вчера 15.15 часот полициски службеници од Полициската станица Драчево го лишиле од слобода И.Ш.(29) од скопското село Елово. Околу 11.00 часот во атар на село Елово, информираа денеска од МВР, тој бил затекнат при сеча на огревно дрво со моторна пила, а откако ги забележал полициските службеници побегнал. Дрвата и пилата биле одземени и предадени на Шумска полиција, а по преземени мерки И.Ш. бил пронајден и лишен од слобода. По целосно документирање на случајот против него ќе биде поднесена соодветна пријава.

Предизвикале штета на шума од 3.813.600 денари- ктивична за три лица

Катерина Бојаџиева — Fri, 28 Apr 2023 19:29:22 +0000

Надворешната канцеларија за криминалистички работи Берово поднесе кривична пријава против Љ.С.(61) од Берово, Т.Ч.(49) од с.Мачево, беровско и Г.М.(48) од с.Блатец, виничко, поради постоење основи на сомнение за сторени кривични дела „злоупотреба на службената положба и овластување“, „фалсификување службена исправа“ и „кражба“. Во периодот од март до октомври 2022, Љ.С. и Т.Ч., вработени во ЈП „Национални шуми“ - подружница „Малешево“ во Берово, му овозможиле на Г.М. да изврши бесправна сеча, дотур и превоз на дрвна маса, при што предизвикале штета на шума од 3.813.600 денари.

Приведено лице од гостиварско, затекнато при бесправна сеча на дрва

Катерина Бојаџиева — Tue, 06 Dec 2022 10:32:05 +0000

На 05.12.2022 во 15.20 часот во шума во атар на гостиварско Врањовце, полициски службеници од Полициското одделение -Галате го лишиле од слобода лицето И.Р.(41) од с.Врањовце. Околу 15.20 часот на земјен пат на место викано „Црквиште“, тој бил затекнат како врши бесправна сеча на дрва. Исто така, биле пронајдени и 18 исечени стебла од дрво, кои биле предадени на Шумска полиција за понатамошна постапка. Лицето било задржано во Полициска станица и по целосно документирање на случајот против него ќе биде поднесена соодветна пријава.

Заев: Со засилени активности од сите против дивокрадците

Катерина Бојаџиева — Wed, 09 Oct 2019 14:39:29 +0000

Премиерот Зоран Заев апелира сите да пријавуваат бесправна сеча и кражба на дрва со цел да се искорени оваа незаконска појава со редица последици и тврди дека сите институции преземаат активности за фаќање и санкционирање на дивокрадците. На денешната промоција на владината мерка за ваучери за инвертори Заев потенцираше дека податокот дека милион и сто илјади квадратни метри од дрвата се од дивокрадци е од 2016 година, но оти не значи дека и денес ја нема таквата појава. –Правиме секаков вид процедури и постапки за фаќање на дивокрадците. Еден дел од постапките и предметите во судовите е токму за крадење дрва. Се одземаат самари, коњи, запрежни коли, трактори, има и со шлепери. Правиме напори на сите страни, работиме со народ. Сите стратегии и аспекти на државата, како Влада, како Парламент, институции се до крај откоренување на ова криминално дејствување на поединци во државата, рече Заев, одговарајќи на новинарски прашања. Секој кој е фатен, дополни, е процесуран да си одговара, а се прават напори да не се дозволи директно државните институции да даваат мотивација, туку само да преземат поголеми чекори за отстранување на ова зло изразено во перифериите на населените места, селата, особено во ридско планинските места, но и во градовите. –Колку и да е евтино загревањето со инвертор не е поевтино од крадено дрво. Ако сакаме ваквите политики да ни успеат треба да ги засилиме активностите. Апелирам и граѓаните да пријавуваат и отворено да зборуваме дека прво тоа е нелојална конкуренција, мотивира незаконски дејствија и создава мал милион негативни последици од неговото практицирање, рече Заев. Тој верува дека бројката за бесправна сеча е намалена заради сите засилени контроли. Истакна дека во Буџетот се зголемени средствата за дополнително обезбедување теренски возила за шумската полиција чии вработени добиле дополнителни надлежности покрај редовните контроли за дополнителен начин на мониторинг.

Кривични пријави за крадци на дрва

Ивана Ефремовски — Tue, 28 May 2019 08:39:52 +0000

Надворешната канцеларија за криминалистички работи Берово поднесе кривична пријава против С.Б.(41),М.Б.(20), И.П.(32), Д.Ч.(22), З.Б.(42) и В.Б.(52), сите од село Русиново, беровско, поради постоење основи на сомнение за сторено кривично дело „кражба“ на дрва. На 19.02.2019 година во атар на село Русиново, на место викано „Робан“, од парцела сопственост на државата, пријавените извршиле бесправна сеча на борови стебла, со што нанеле материјална штета од 676.520 денари на Буџетот на ЈП „Македонски шуми“.

Млад жител на кочанско заработи кривична за бесправна сеча на 148 дабови стебла

Ивана Ефремовски — Mon, 30 Apr 2018 12:51:25 +0000

Дваесетгодишен жител од кочанското село Пантелеј заработи кривична пријава за бесправна сеча на 148 дабови стебла. Како што информираат од МВР, Надворешната канцеларија за криминалистички работи Кочани поднела кривична пријава против Д.З. поради постоење основи на сомнение за сторено кривично дело „пустошење шуми“. -Во текот на ноември 2012 година во селото Пантелеј-кочанско од шума во сопственост на манастирот „Свети Пантелејмон”, пријавениот, извршил бесправна сеча на 148 дабови стебла, наведуваат од МВР.