Бети Стаменковска Трајковска – Kurir.mk

Стаменкоска Трајкоска до Спасовски: Зошто после 8 години раководење на МВР конечно ви текна да објавите „војна“ против криминалците?

Дарко Андоновски — Thu, 26 Oct 2023 16:10:18 +0000

Пратеничката од редовите на ВМРО-ДПМНЕ Бети Стаменкоска Трјкоска на денешната собраниска седница за пратенички прашања истакна дека после 8 години раководење на министерството за внатрешни работи, Оливер Спасовски токму сега објавува војна на криминалците. Таа запраша за тоа дали онаа „војна“ што Спасовски ја објави против криминалците после 8 години раководење на министерството денес му текна на министерот да објави војна против криминалците? „Дали сега тој објави „војна“ на сите 250 белосветски криминалци на кои им даваше пасоши па може го реши тој проблем. Дали е свесен дека министерот крши закон за заштита на лични податоци и врши упад во работата на службите со давање јавно информации за тоа кој земал државјанство, а кој не. Каде е кокаинот од статистиката на министерот кој на телевизија има изјава дека прво полугодие каде пишува на фамозните слики кој тој во јавноста ги покажува и стои дека во првото полугодие има 3,56кг кокаин а замислете после пократко време излегува повторно на телевизија и образлага период Јануари – Август каде фалат 360грама кокаин од неговата статистиката“, рече Стаменкоска Трајкоска. Таа додаде дека постојано има лаги криминал и корупција и постојано тоа се гледа од страна на власта. „Сакав да поставам прашање и до Артан Груби, но и тој не е тука. Многу ме интересира дали уште на братот негов на онаа фирма ЕТЦ Травел дава државни народни пари? Дали јавноста беше сведок пред одредено време дека едно ауди изгоре за кое министерот тврдеше дека е на негов пријател, што се случи, му купи ли на неговиот пријател ново ауди, каде е одговорноста за горењето на колата? “, запраша Стаменкоска Трајкоска. Стаменкоска Трајкоска истакна дека министерот Груби кој не е тука присутен е зафатен со раководење на владата и криминалот во државата. Таа исто така праша дали Бајрами кој е директор на лотарија а негов шеф на кабинет во Министерството за политички систем и односи помеѓу заедниците ќе плаќа месечна кирија од 21 илјади евра на личност која директно или индиректно е блиска со претседателот на ДУИ Али Ахмети и неговата партија? Стаменкоска Трајкоска упати и загриженост поврзана со учебниците. „Она што најмногу ме испровоцира денес е изјавата на Јетон Шаќири во Фокус каде изјавивте дека учебниците во сите училишта во Скопје се доставени. Министре не е само да работите во МОН туку малце да излезете на терен и да ги дознаете информациите ама вие не излегувате на терен туку вашиот заменик излегува на терен и врши притисок како во Велес“, изјави Стаменкоска Трајкоска. Таа упати загриженост во врска со учебниците за 6-то одделение кои не се пристигнати сеуште. „Прашањето е конкретно за 6-то одделение од 8 предметни се пристигнати само природни науки, јас проверив тоа се случува во Кисела Вода, Аеродром, во Македонија конкретно и за Кавадарци, Прилеп, Битола и многу места и ги терате наставниците да копираат што е противзаконски зошто ги терате затоа што наставниците немаат алатка за работа и вие индиректно ги терате да прават криминал како што е противзаконски и работењето едни да држат 28 часа да работат многу повеќе од други наставници кои имаат помалку часови а ќе земаат иста плата, тоа е противзаконски“, кажа Стаменкоска Трајкоска.

Стаменкоска-Трајкоска: Проблеми при уписите во средното образование, оваа влада придонесе за катастрофална состојба во образованието

Дарко Андоновски — Mon, 20 Jun 2022 12:35:26 +0000

Целта на оваа прес конференција е да алармираме за лошото менаџирање на процесите и состојбите во образованието кои за жал се катастрофални, а граѓаните се загрижени и сосема нормално реагираат, ова денеска преку прес-конференција го истакна, пратеничката од ВМРО-ДПМНЕ, Бети Стаменковска-Трајковска. -Деновиве актуелни се уписите во средните училишта. Владата и Министерството за образование и наука помпезно најавуваа значително олеснување на овој процес по електронски пат и како што велеа, поголема транспарентност и елиминирање на влијанието на човечкиот фактор во рамки на истиот. За жал, се случи катастрофа. Системот за електронско пријавување падна пред да почне аплицирањето. Потоа функционираше од време на време, па многумина успеаја да поднесат електронска апликација после многу часови поминати во обидување. Уште пострашно е што сега, цела една генерација деветоодделенци и нивните семејства се се уште во неизвесност. Резултатите кои требаше да бидат објавени, како што најави и самиот министер за образование и наука, на 18-ти јуни, се уште не се објавени. Децата не знаат дали се примени во училиштата каде што аплицирале, а веќе утре согласно информациите во конкурсот, треба да започне новото пријавување. Дали поради ова доцнење, многу ученици ќе бидат оштетени? Зошто резултатите доцнат и дали наместо да биде елиминиран човечкиот фактор, всушност резултатите се фингираат во нечии канцеларии што со оваа Влада е многу веројатно? Кога јавноста ќе дознае во кои училишта се преостанати слободни места ако веќе од утре започнува второто пријавување?, прашува Стаменковска-Трајковска. Таа додава дека ако оваа Влада не е способна да спроведе рутински процес, уписи во средно образование кои никогаш во минатото не претставувале проблем, се поставува прашањето дали може да ја промени катастрофалната состојба во образованието, која неспособните кадри на коалицијата на власт сами ја создадоа и ни предизвикаа огромни срамови во меѓународната јавност? -Одговорот е јасен. Ниту размислуваат, ниту имаат капацитет за поквалитетен образовен систем. За 5 години се сменија 4 министри и секој си тераше своја политика и свои интереси. Ниту план, ниту долгорочна стратегија, ниту континуитет. Затоа денес образованието е „каша попара“, а институциите не можат да им гарантираат на граѓаните ниту остварување на основните уставно загарантирани права. Нема учебници. Нема свидетелства. Училиштата должат за струја, за парно, за вода. Наставниците протестираат за повисоки права, плати и подостојни услови за работа. Паѓа рејтингот на високообразовните установи. Научниците немаат поддршка за проекти и истражувања. Ова е премногу! Време е за промени и тоа граѓаните го побараа во саботата. Заедно ќе ставиме крај на оваа неспособност и по изборот на нова влада предводена од ВМРО–ДПМНЕ ќе следи вистинско реформирање на образовниот систем. Во меѓувреме, Владата и Министерството за образование и наука да одговорат на прашањата кои им ги поставивме, рече Стаменковска-Трајковска.

Стаменковска Трајковска: Владејачкото мнозинство го скрши Деловникот, Уставот, сè што фати скрши, ја скрши и Македонија

Ивана Ефремовски — Thu, 03 Mar 2022 11:39:31 +0000

„По кој дневен ред работиме? Бидејќи ние пред два дена добивме два дневни реда каде првата точка е иста, а следните точки се променети. Што е работава колеги? Заклучете сами. Бидејќи таков хаос правите во работењето во Собранието што држави општопознати по тероризам, криминал ни завидуваат за тоа како ние овде живееме и работиме. И денес бидејќи и на двата дневни реда кога ги добивме имаме иста идентична прва точка бидејќи вие не сакавте да ја напуштите првата точка ни под разно, предлог на одлука за разрешување член на Комисијата за прашања, изборите и именувањата на Собранието на Република Македонија. Ја добивме информацијата непосредно пред почетокот на седницата и замислете до толку сте лицемерни и навредливи спрема опозицијата што ви нема рамен. Комисијата за избори и именувања е избрана на 21.08.2020 година, колегата кој ја напушта истата пратил допис дека се откажува од местото потпретседател за кој вие се секиравте на 09.12.2021, дека дејствуваат како опозиција 13.12.2021 година. И од 13.12.2021 година до 01.03.2022 спиевте, ништо не преземавте да се договорите и да ја свикате Комисијата како што ги свикувате сите комисии на кој нема претседател“, истакна Бети Стаменковска Трајковска, пратеник од редовите на ВМРО-ДПМНЕ и Коалицијата на денешната собраниска седница. Стаменковска Трајковска додаде дека владејачкото мнозинство исто така спие и не реагира да се превенира околу кризите со кои што се соочува државата. „Нели впрочем имаме економска, здравствена, енергетска, образовна, идентитетска, секакви можни кризи имаме, ама сепак на крајот на денот фактите колеги не се на ваша страна. Знаете како настапувате? Разликата во гледаност на телевизиите се приметува според чекорите кои што ги преземате. Настап на една телевизија која има според вас поголем процент на гледаност и јас бидејќи овде не смееме според кодекс на однесување на пуштаме снимки, па еве си го извадив материјалот па ќе го цитирам истиот. Новинарката прашува – „Дали тоа значи дека нема условно кажано на сила да го разрешувате Фадил Зендели на пленарка“. И тоа го прашува претседателот на Собранието на Република Македонија. А, тој со веќе нервозен тон враќа – „Абе дали разбирате на пленарка треба да дојде од Комисија. Која сила некој замислува и измислува сила на сила на пленарна седница, како на пленарна седница ќе оди материјал кој не дошол од соодветна комисија. Дали ме разбравте што ви зборам“. Сега јас колеги ве прашувам дали ме разбравте што ви зборам“, запраша Стаменковска Трајковска. Стаменковска Трајковска посочи дека владејачкото мнозинство го крши Уставот, Деловникот. Се што ќе фати владејачкото мнозинство крши, ја искршија и Македонија.

Стаменковска Трајковска: Имаме двојно повеќе починати од Ковид19 отколку што Филипче тврдеше дека ќе заболат- Утре во 11 часот протест пред МЗ

Катерина Бојаџиева — Fri, 09 Apr 2021 16:43:38 +0000

Бројката на починати од корона е речиси 4.200 лица, а Филипче предвидуваше дека ќе има само околу 2000 заболени. Дупло повеќе починати, од претпоставката или оценката на Филипче за тоа колку ќе има заразени?! Филипче ја утната работата по сите основи, почнувајќи од проценка за заболени, до организарање на здравствениот систем. За граѓаните пак воопшто не се мисли, истакна во Коментар на денот, Бети Стаменковска Трајковска, пратеник од редовите на ВМРО-ДПМНЕ. -Филипче и Заев целосно ги заборавија граѓаните, ама затоа им ставија приоритет на провизиите. Ставајќи акцент на личните интереси, водени од провизиите, висината на процентите од тендерите, луѓе им умираат по ходници, луѓе умираат бидејќи нема кислород, умираат затоа што нема сооодветни лекарства. Сега веќе умираат бидејќи вакцинацијата секаде е започната на крај на декември 2020, а кај со доцнење скоро три месеци, подвлече Стаменковска Трајковска и додаде: „Затоа Филипче доста беше забава, доста беше возење со мотори, хеликоптери, доста беше бркање провизии! Затоа да излеземе утре на протест во 11 часот пред Министерство за здравство, протест под мотото „Да го измиеме срамот на Филипче“!

Стаменковска Трајковска до СДСМ: Не може да се има доверба во реализирање на пописот, кога лицата што се главни и одговорни за операцијата се политички избрани

Дарко Андоновски — Fri, 15 Jan 2021 13:03:17 +0000

Нешто пред да биде критикувано треба и да се образложи зошто истото се критикува и секако во секоја ситуација според мене после критиката треба да се даде издржана сугестија. Но во соработката која ја имаме овие месеци, почитувани колеги од владејачкото мнозинство, вие во ниеден момент на дадените предлози од наша страна не се одваживте, не покажавте храброст да прифатите барем еден предлог. Конкретно за предлог законов за попис на населени, домаќинства и станови во Република Македонија за предложените амандмани од наша страна вие колеги не најдовте ни најмала логика и храброст да ги поддржите нашите амандмани“, истакна Бети Стаменковска Трајковска, пратеник од редовите на ВМРО-ДПМНЕ и Коалицијата „За обнова на Македонија“, на денешната собраниска седница. Стаменковска Трајковска додаде во програмата на владејачкото мнозинство се обврзуваа на носење на нови закони со широка јавна расправа и со вклучување на сите засегнати страни. Како што ова владејачко мнозинство направи за образовните реформи, можности за јавни дебати се сведени на нула, воопшто нема. Најчесто изговор за немање на јавни дебати на ова владејачко мнозинство е КОВИД ситуацијата. „Вие за време на оваа пандемија организиравте непотребно избори во Штип и Пласница, со мандат на избраните градоначалници од нецели девет месеци. Вашиот кандидат во Штип како доктор предупредуваше дека за Велигден треба да седиме дома и гости да не примаме воопшто. Ама како кандидат за избори си повика нели на избори да се излезе“, појасни Стаменковска Трајковска. Стаменковска Трајковска посочи дека пописот треба да е статистичка операција,а не политичка. Ако е само статистичка операција зошто тогаш има потреба од врзани потписи на директорот и заменик директорот. Недовербата на владејачкото мнозинство во работењето на оваа институција која се надминува на ваков начин нормално е да се појави сомнеж кај опозицијата, но и кај пошироката јавност. „Не може да се има доверба во реализирање на пописот дека ќе биде статистичка операција кога лицата што се главни и одговорни за спроведување на пописот се политички лица, кои се избрани од политичка Влада. Тие лица за жал не се избрани професионално како што впрочем цело време во предизборието ветувавте пред народот“, потсети Стаменковска Трајковска. Стаменковска Трајковска рече дека во услови на економска и здравствена криза власта го одби амандманот за одложување на пописот за 2022 година. А, одложување на попис направија Америка, Бразил, Австралија, Бугарија, Германија, Шкотска, Ирска, Србија, Романија. Тие држави го одложија пописот бидејќи има КОВИД пандемија, ама очигледно според оваа власт во Македонија нема.

Стаменковска Трајковска: Заев е човек кој што уништи се што нашите предци твореле

Ивона Петрова — Fri, 04 Dec 2020 16:29:34 +0000

Бети Стаменковска Трајковска од ВМРО-ДПМНЕ на протестот пред Министерство за правда во организација на ВМРО-ДПМНЕ под мото „Оставка на Заев, слобода на народот“ на граѓаните им заблагодари што и денес дојдоа за да се обранат националните интереси кои што Заев и Владата ги распродаваат. -Дојде еден човек кој се што нашите предци твореле да уништи. Дојде еден нечовек, дојде еден немакедонец, дојде Заев кој сака се да уништи. Нема да дозволиме Заев да ни ја менува историјата во учебниците. Наша е таа историја, не е негова да си прави што сака. Оваа историја ја создадоа нашите предци, ние ја создаваме заедно, а не некој Заев или пак некои лица од Бугарија да ни ја раскажуваат како што ним им се допаѓа, истакна Стаменковска Трајковска. Стаменковска Трајковска нагласи дека имаме богата земја со историја, таа земја треба да се негува и чува. Но за жал дојде еден човек кој што сака се да уништи она што генерации и генерации граделе и се бореле. -Ние денес овде градиме историја и нашите деца нека раскажуваат за тоа како сме се бореле да си го зачуваме македонското богатство“, рече Стаменковска Трајковска. Стаменковска Трајковска посочи дека македонскиот народ нема да дозволи некој Заев да уништува она што го граделе нашите предци. Зар поради Заев нема наставниците да ги учат децата на вистинската македонска историја, тоа не треба да дозволиме, затоа ние сме генерација која што ќе се спротивставиме на Заев и ќе кажеме НЕ. Нема да дозволиме да останеме без јазик, историја и идентитет.