Трајковска: Документ или закон за Студентскиот град нема стигнато во Собрание, ветувањето на СДСМ, за жал, го нема ниту на хартија

Магдалена Андонова — Tue, 07 Jun 2022 12:52:10 +0000

На денешната трибина „Погрешната образовна политика го нарушува стандардот, и го урива системот“ која се одржа во просториите на ВМРО-ДПМНЕ, свое обраќање имаше пратеничката Бети Трајковска која што истакна дека во периодот кога министерка за образование беше Мила Царовска, која впрочем треба да сноси и одговорност, во македонското Собрание во рок од три недели се поднесоа два закони за ученички и студентски стандард и сето тоа само затоа што не може да изготват едно квалитетно законско решение со кое ќе се подобри ученичкиот и студентскиот стандард. Таа посочи дека токму поради нерационалното работење и неквалитетните законски решенија кои се носат во периодов на владеење на Социјалдемократскиот сојуз, на учениците и студентите, прво им беше овозможено да земат државни финансии, па после тоа платите им ги бараа да ги вратат назад. - Кога станува збор за образованието, во Комисијата за образование и наука имаше одредени закони во времето на Мила Царовска, овој лик не треба да се заборави, затоа што треба да сноси одговорност. Во октомври месец 2020 година во период од три недели даваат два закони, значи истиот закон два пати го даваа, станува збор за законите за ученички и студентски стандард. Зошто, зар не можеа квалитетно да работат? Што повлекува сето тоа? Се повлекува патни трошоци, се повикуваат на квалитет на работење, а сите тие трошкови, паметно и рационално не ги кратат, со тоа што ќе седнат и ќе изработат едно идеално решение за тоа како би изгледал и како би се подобрил ученичкиот и студентскиот стандард. Но, им дозволија на децата да имаат финансии, па после тоа им ги бараа назад, истакна Трајковска. Таа додаде дека до сега во македонското Собрание нема стигнато никакво законско решение за изградба на Студентски град, кој што впрочем беше едно од клучните ветувања на СДСМ за младите во периодот на опозиција пред да го преземе раководењето со македонската Влада. - Стигна само законот за нов клинички центар на 50 страни за 500 милиони евра, а студентскиот град никаде го нема, за жал го нема ниту на хартија, рече Трајковска. Во однос на буџетот на кој му престои ребаланс, истакна дека иако претставниците од власта најавија дека ќе има кратење на непродуктивни трошоци, како на пример кратење во ставката на патни и дневни расходи, во образование наместо да има повеќе пари за капитални инвестиции, тие во средното образование ја зголемуваат оваа ставка за 358 проценти. - Кога се веќе кај буџетот, во делот на патни дневни трошоци во одредени ставки има намалување, но интересно е тоа, пример во средно образование, за 358 проценти се зголемува таа ставка на патни и дневни расходи. Кога впрочем министерот излезе и самиот самиот нелегитимитет премиер излезе и велеше дека тие трошоци кои можат да се скратат, да се скратат, бидејќи сепак сме во период на голем број на кризи. И ние, за жал, ја имаме оваа ситуација каде во буџетот има голем број на примери каде не се крати од тоа што треба да се скрати, посочи Трајковска.

бети трајковска – Kurir.mk

Трајковска: Документ или закон за Студентскиот град нема стигнато во Собрание, ветувањето на СДСМ, за жал, го нема ниту на хартија