бетис – Kurir.mk

Давид Де Хеа ја продолжува кариерата во Шпанија?

Бошко Тасиќ — Fri, 29 Sep 2023 04:02:17 +0000

Шпанскиот голман Давид Де Хеа е слободен агент и се шпекулираше за негова можна пензија по разделбата со Манчестер Јунајтед, но тоа нема да биде така затоа што тој веќе ги доби првите понуди на своја адреса. 32-годишникот е мета на неколку клубови од Саудиска Арабија и од американската МЛС-лига. Меѓутоа, тој не е заинтересиран да си оди од Европа. Најновиот интерес за голманот доаѓа од татковината Шпанија, од каде два клуба го бараат играчот. Реал Бетис и Валенсија се заинтересирани да го добијат Де Хеа во своите редови.

Иско се договори со Бетис

Дарко Андоновски — Tue, 26 Apr 2022 11:13:18 +0000

Фудбалерот на Реал, Иско е блиску до трансфер во Бетис. Според „As“, играчот од средниот ред се договорил со клубот од Андалузија по понудата од договор 2+1 година со кој ќе заработува над 10 милиони евра годишно пред оданочување. Покрај тоа, Шпанецот ќе добие и голем бонус. Конечната плата на Иско ќе зависи од тоа дали Бетис ќе се пласира во Лигата на шампионите. Исто така значајни во оваа работа ќе бидат и продажбите што клубот најверојатно ќе ги оствари на лето. Така Иско би можел да стане најплатениот играч во историјата на Бетис. Веројатно по трансферот на Иско, клубот ќе го напушти Набил Фекир, кој игра на слична позиција и има договор со плата блиска на играчот од средниот ред, кој сега настапува за Реал Мадрид. Триесетгодишниот Иско кој летово ќе стане слободен играч, сезонава има 15 настапи за мадридскиот клуб во сите натпреварувања и постигнато два гола.

Хетафе повтори негативен рекорд во Ла Лига

Тале Кристо — Mon, 27 Sep 2021 06:16:18 +0000

Хетафе синоќа загуби на гостински терен од Бетис во 7. коло на Ла Лига со 2:0. Така, тимот има седум порази на седум натпревари по почетокот на сезоната 2021/22. Со ваков биланс, Хетафе стана четвртиот тим во историјата на Шпанското фудбалско првенство и прв по 25 години. Претходно, таков негативен рекорд остварија Екстремадура (1996), Сарагоса (1952) и Расинг (1929). Следниот дуел на Хетафе е на 3 октомври против Реал Сосиедад во рамките на 8. коло од Ла Лига.

Мурињо исклучен од пријателскиот натпревар со Бетис – Рома загуби со 5:2

Тале Кристо — Sun, 08 Aug 2021 11:53:38 +0000

Жозе Мурињо заработи црвен картон откако влезе на терен да се соочи со судијата на синоќешниот пријателски натпревар на Рома против Бетис. Натпреварот во Севиља беше изедначен со 2:2, кога Мурињо бесно реагираше на одлуката на судијата кој го потврди голот за водство на Алекс Морено кој беше постигнат со игра со рака. Мурињо го заработи црвениот картон веднаш по исклучувањето на Пелегрини, кое беше исто така, поради протест, а во второто полувреме беа исклучени и Манчини и Карсдроп. Останувајќи со осум играчи на терен, Рома загуби со 5:2.

Жоан Плаза нов тренер на Бетис

Ивона Петрова — Mon, 30 Nov 2020 07:34:19 +0000

Шпанскиот кошаркарски стручњак Жоан Плаза е назначен за нов тренер на Бетис. Педесет и шестгодишниот тренер постигна договор со клубот кој настапува во АЦБ лига. Плаза ќе го замени Куро Сегуру, кој беше отпуштен од Бетис пред една недела. Изминатите две години Жоан ги помина во Зенит од Санкт Петербург.

Пелегрини се врати во Шпанија по 10 години и вети големи работи

Магдалена Андонова — Mon, 13 Jul 2020 15:39:41 +0000

Искусниот чилеански стручњак Мануел Пелегрини, новиот тренер на фудбалерот Бетис, изјави дека е среќен што се вратил во Шпанија по 10 години. Поранешниот стратег на Вест Хем, Манчестер Сити, Реал, Ривер Плата и Сан Лоренцо, ќе биде тренер на екипата од „Бенито Виљамарин“ во наредните три сезони. – Задоволен сум што имав можност да дојдам во клуб како Бетис. Враќањето во Шпанија после 10 години е дополнително задоволство за мене. Бетис е многу популарен тим и сигурен сум дека имаме тим кој ќе може да одговори на барањата на навивачите, рече Пелегрини на презентацијата. Тој посочи дека неговиот стручен персонал и тој ќе му донесат на Бетис искуство кое ќе биде важно за напредокот на тимот. – Сите имаме иста задача, мора да покажеме победнички менталитет, желба за победа и желба да играме во Европа. Имаме многу работа пред нас, заклучи Пелегрини. (МИА)

Севиља го совлада Бетис во првиот меч по продолжувањето на сезоната во Ла Лига

Ивона Петрова — Fri, 12 Jun 2020 06:41:48 +0000

Фудбалерите на Севиља славеа победа со 2:0 против тимот на Бетис синоќа на својот терен во натпревар од 28-то коло од шампионатот на Шпанија. Првото полувреме мина без голови, а по паузата, најпрво од пенал Лукас Окампос го отвори резултатот, а неколку минути подоцна, Фернандо Ригес ја удвои предноста на домаќините. Ова беше прв натпревар во Ла Лига по продолжението на сезоната, прекинат поради коронавирус. Средбата која воедно е и градско дерби се одигра без публика. Вечер играат: Гранада – Хетафе и Валенсија – Леванте.

Зидан по поразот од Бетис: Најлошиот натпревар на Реал во сезоната

Ивона Петрова — Mon, 09 Mar 2020 10:32:24 +0000

Тренерот на Реал Мадрид, Зинедин Зидан рече дека неговите избраници синоќа на дуелот со Бетис (1:2) го имале најлошото издание во тековната сезона. – Беше лош натпревар. Не успеавме да се наметнеме ниту во првото полувреме, ниту во второто. Направивме многу грешки. Кога делувате на различно ниво, работите се комплицираат. Го одигравме нашиот најлош натпревар во сезоната. Немавме доволно посед на топката, агресивност. Јас сум одговорен за тоа. Не треба да паничиме, но не можеме да бидеме среќни. Не ги обвинувам играчите. Јас сум со нив до смрт, изјави Зидан. Тој се надева дека до крајот на првенството неговиот тим има шанси да се врати на врвот на табелата во Ла Лига. – Останаа 11 натпревари, ќе се бориме за трофејот во првенството. Имаме добра сезона досега, истакна Зидан. По 27. кола во Шпанското фудбалско првенство, лидер е Барселона со 58 бода, Реал е втор со 56.

Реал загуби од Бетис и му го препушти врвот на Барселона

Ивона Петрова — Mon, 09 Mar 2020 07:16:53 +0000

Во последниот натпревар од 27. коло од шпанската Ла Лига, Реал Мадрид синоќа беше поразен на гостувањето кај Бетис со 2:1. За Реал ова беше втор пораз во последните три натпревари од домашното првенство. Стрелци на головите за тимот од Севиља беа Сиднеи во 40. и Тељо во 80. минута, Бензема од пенал во финишот на првото полувреме го постигна единствениот погодок за Реал. „Кралскиот клуб“остана на 56 бода и пропушти шанса со победа да се врати на првото место на табелата на кое сега е Барселона со 58 бода. Бетис е на 12. место со 33 бода.

Меси најзаслужен за триумфот на Барселона на гостувањето кај Бетис

Ивона Петрова — Mon, 10 Feb 2020 06:55:14 +0000

Лионел Меси не се запиша во листата на стрелци синоќа во победата со 3:2 на Барселона на гостински терен кај Бетис, но Аргентинецот асистираше при сите три гола на Каталонците. Меси има шест асистенции на последните четири натпревари. Тој претходно имаше едно додавање по кое е постигнат гол во Купот на Шпанија со Леганес и две во Шпанското првенство со Леванте. На вкупно 18 натпревари на Ла Лига, Меси има 25 (14 голови + 11 асистенции) поени. Барселона по 23 кола е втора на табелата со 49 бода, три помалку од лидерот Реал Мадрид.