бетонирање – Kurir.mk

Во велешката населба Превалец се бетонира дел од улица, наскоро и проект за санација на колекторот за отпадни води

Магдалена Андонова — Fri, 17 Dec 2021 12:35:33 +0000

Во велешката населба Превалец веќе десетина дена се изведуваат градежни работи за бетонирање на дел од улицата „Јован Басаров“ во должина од 350 метри. Градежните работи ги изведува фирмата „Евро Инженеринг“. Средствата за бетонирање на улицата се обезбедени од Програмата за уредување на градежно земјиште во висина од околу 1.400.000 денари со вклучен ДДВ. Како што информираат за МИА од Општина Велес, досега работите се завршени 30 отсто, а нивното завршување ќе зависи од временските услови. Воедно, наведуваат дека Општина Велес деновиве потпишала Договор со изведувачот за санација на колектор за одведување на фекални отпадни води во населбата Превалец, во должина од околу 200 метри. Според општината, градежните работи на овој проект се планираат да почнат до крајот на годинава.

Охрид пред одземање на статусот од УНЕСКО, а кај комплексот Парк се бетонира во езерото (ФОТО)

Магдалена Андонова — Sun, 07 Feb 2021 14:19:09 +0000

Во најновиот извештај на УНЕСКО, по мониторинг мисијата од јануари 2020 година, имаше голем број наводи за нереализација или застој во реализацијата на забелешките кои УНЕСКО ги упати уште во 2017 година до македонските власти. Мисијата констатираше дека „не е запрена ерозијата на наследството“ и дека заканувачките проекти и планови и натаму се развиваат. И додека Охрид се наоѓа во ситуација кога може да му се одземе статусот на заштитено подрачје од УНЕСКО, пред комплексот Парк на познатата охридска плажа „Golden Beach“ се бетонира внатре до езерото. Според информациите до кои дојде КУРИР се работи за платформа која треба да служи како летна тераса на клубот Егоист во сопственост на осудениот З.М. Се поставува прашањето, каде се државните институции да реагираат ?

Златко Марин продолжува со бетонирање на Аеродром: Следната година над 2000 нови станови (ВИДЕО)

Тале Кристо — Mon, 30 Dec 2019 17:39:34 +0000

Советот на Општина Аеродром на последната седница го изгласа буџетот за 2020 година во износ од околу 22 милиони евра. Од советничката група на ВМРО-ДПМНЕ обвинија дека станува збор за најкатастрофалниот буџет досега, а доказ за тоа велат е преносот на 378 милиони денари од буџетот за 2019 година кои градоначалникот Златко Марин не ги искористил годинава, што пак докажува, велат советниците од опозицијата, дека проектите на градоначалникот се само за на хартија. Видно од планираните приходи во буџетот, Марин планира наплата на комуналии од изградба на повеќе од 100.000 метри квадратни станбен и деловен простор. -Доколку не се манипулира со овие податоци, тоа значи повеќе од 2000 нови станови во Аеродром. За жал и во 2020 година можеме да очекуваме само бетонирање на Аеродром, загаден воздух, нехигиена, нешто што стана карактеристично за Аеродром, изјави Пане Антовски од советничката група на ВМРО-ДПМНЕ. Дополнително, додаваат од совтничката група и следната година општината против загадувањето ќе се бори со печки на пелети и инвертори за кои како што велат од овие мерки скоро и да нема ефект. Советничката група на ВМРО-ДПМНЕ објасни дека амандмански побарале средства за реализација на неколку значајни проекти, како спортска сала и мултинаменски културен центар во Долно Лисиче, мултинаменско игралиште во Горно Лисиче, атмосферска канализација на улицата Ѓорги Капчев, нова градинка на улица Тодор Чангов, амбуланта во населба Лисиче, пазар во Реонски центар Аеродром, монтажни паркиралишта, но амандманите од мнозинството предводено од СДСМ биле експресно одбиени. -

ФОТО: 8 „бетоњерки“ чекаат на ред кај Мајчин дом, забрзано се работи додека не успеат да се организираат луѓето

Ивона Петрова — Sat, 22 Dec 2018 13:12:43 +0000

Еве ви доказ дека никој не го есапи народот. Локација кај Мајчин Дом. 8 бетоњерки чекаат на ред, додека две истураат бетон. Убрзано се работи додека не успеат да се организираат луѓето. Мештаните протестираа, се бунеа, пружаа отпор, но испадна се за џабе. Пак градежната мафија победи. Кај што не буши бургија, парите бушат, стои во објавата на социјалните мрежи на загрижен граѓанин кој сподели и фотографии.