беверли хилс – Kurir.mk

ФАНОВИТЕ СЕ ПЛАШАТ ЗА НЕА: Славната актерка објави дека ракот ѝ се проширил на мозокот

Дарко Андоновски — Thu, 08 Jun 2023 10:08:54 +0000

Американската глумица Шенен Доерти, можеби најпозната по улогата на Бренда во тинејџерската серија „Беверли Хилс 90210“, ги извести обожавателите дека ракот ѝ се проширил на мозокот. „На 5 јануари, скенирањето покажа метастази во мојот мозок. Вчерашното видео го прикажува процесот на прилагодување на маската што ја носите за време на зрачењето на мозокот. На 12-ти јануари се одржа првиот круг на зрачење", напиша Доерти споделувајќи видео од себеси в болница. Потоа им се заблагодарува на своите, како што вели - одлични лекари и неверојатни техничари. „Но тој страв... Превирањата... Времето и одредените мигови минати тука и сè тоа... Еве како може да изгледа ракот“, додаде таа. Нејзе ѝ беше дијагностициран рак на дојка во 2015 година. По мастектомијата, година подоцна болеста беше во ремисија, но веќе во 2019, Шенен дозна дека ракот ѝ се вратил, се проширил и оти е во четврта фаза. Претходно годинава беше објавено и дека Доерти се разведува од нејзиниот сопруг Курт Исвариенко, со кого се омажи во октомври 2011 година. Нејзината гланоговорничка Лесли Слоун посочи оти причината за разводот е друга жена.

Ѕвездата од „Беверли Хилс“ заврши во болница

Ивона Петрова — Fri, 23 Dec 2022 16:25:02 +0000

Американската актерка и ѕвезда на серијата „Беверли Хилс“ Тори Спелинг на својот Инстаграм објави фотографија на која лежи во болница. Како што наведува оваа актерка на својот профил, завршила во болница поради вртоглавици, отежнато дишење и висок крвен притисок. -Следниот пат не ги земајте луѓето здраво за готово и покажете сочувство наместо сомнеж. Запомнете дека за луѓето како мене е кошмар кога не сме способни да работиме. Јас сум работохолик. Секогаш избирам работа, рече Спелинг. Актерката Спелинг е во брак со канадскиот актер Дин Мекдермот веќе 16 години.Заедно имаат пет деца и таа вели дека и е тешко да не ја помине празничната сезона со нив. Ова не е првпат Спелинг јавно да зборува за нејзините здравствени проблеми.

Ѕвездата од „Беверли Хилс“ се разведува по 15 години брак

Ивона Петрова — Fri, 11 Jun 2021 10:12:50 +0000

Актерката Тори Спелинг се разведува од сопругот, актерот Дин Мекдермонт. Веќе подолго време кружат гласини дека парот повторно е пред развод. Актерката долго не објавила фотографија со сопругот на социјалните мрежи, а сега е видена и без бурма на раката. Тори и Дин се запознаа на филмски сет во период кога двајцата биле во брак со други лица. Аферата ја започнале првата вечер кога се запознале, а набрзо од своите тогашни партнери побарале развод. Парот заедно има пет деца, синовите Лијам (14), Фин (8) и Боа (4), како и ќерките Стела (12) и Хати (9). Својот брачен живот го прикажаа и во реалното шоу "Tori &Dean: Inn Love" од април 2007 до 2012 година. Парот и претходно беше пред развод поради неговото неверство во 2013 година, кое го призна во документарна серија.

Доделувањето „Златен глобус“ преместено за февруари

Магдалена Андонова — Tue, 23 Jun 2020 07:14:37 +0000

Свеченоста на доделувањето на наградите „Златен глобус“ ќе се спроведе во февруари 2021 година, соопштија организаторите на официјалната интернет-страница. „Утврден е нов датум за 78-та церемонија за доделување на наградите „Златен глобус“ 2021 година. Со задоволство соопштуваме дека настанот ќе се одржи во недела на 28 февруари 2021 година. Свеченоста ќе биде емитувана во живо од телевизиската компанија Ен-би-си од „Беверли Хилтон“ во Беверли Хилс, Калифорнија“, се вели во известувањето. Обично, наградите се доделуваат првата недела на јануари, но сега тоа е поместено поради пандемијата на коронавирусот. Наградата „Златен глобус“ ја врачува Асоцијацијата на новинари од странство, акредитирани во Холивуд. Се доделува еднаш годишно и, по престиж, е на второ место, по Оскарот. Одличијата опфаќаат 25 категории од областа на филмот и телевизијата. Наградите биле востановени 1943., од осум новинари од странство. Првото доделување се одржало 1944 година. Победниците денес се определуваат од 93 членови на Асоцијацијата.

Новите генерации не се залепија, старите пораснаа: Крај за „Беверли Хилс“

Предраг Кукиќ — Sun, 10 Nov 2019 12:25:34 +0000

По прикажани само шест епизоди од продолжението на популарната тинејџерска серија од 90-тите, „Беверли Хилс 90201“, „Фокс“ објави дека ќе заврши со снимањето после една сезона. Фановите на серијата беа возбудени од враќањето на нивните хероите на малите екрани, откажувањето на новите сезони најмногу го растажи актерите кои се вратија во полн состав. Сепак, рејтингот на серијата не беше задоволителен, па телевизијата го откажа понатамошното снимање.

„Беверли Хилс“ бележи најголем пад на гледаноста летово

Ивона Петрова — Thu, 12 Sep 2019 06:54:49 +0000

Продолжението на хит-серијата од 1990-тите, „Беверли Хилс“, летово го бележи најголемиот пад на гледаноста земајќи ги предвид првата епизода од новиот серијал прикажана на 7 август и минатонеделната, засега претпоследна епизода. Падот на новата серија наречена просто „БХ 90210“, во таа смисла изнесува 65 отсто. Во ова продолжение глумат седум од осумтемина глумци од главната постава, без Лук При (Дилан), кој претходно годинава почина по мозочен удар. Но, и покрај сѐ ова, на ИМДБ, просечната оценка на епизодите од гледачите, изнесува 8 од 10.

ВИДЕО: Објавена воведната шпица за новите епизоди од „Беверли Хилс“

Ивона Петрова — Fri, 09 Aug 2019 10:01:23 +0000

Фокс ја објави воведната шпица за новите епизоди од ТВ серијата „Беверли Хилс“, каде што ќе ја видиме цела оригинална актерска постава од 1990-тите, освен Лук Пери, кој годинава почина од мозочен удар. Габриела Картерис, Шенен Доерти, Џени Гарт, Брајан Остин Грин, Џејсон Престли, Тори Спелинг и Ијан Зиринг ќе ги повторат своите улоги. Серијата инаку, прекина да се емитува пред речиси 20 години, во 2000., по што имаше и едно спин-оф продолжение. Засега се планирани шест нови епизоди, но како што говорат гласините, ако тие привлечат доволно внимание, може да има и уште продолженија. Најавната шпица со музиката, кадрите и темата неодоливо потсетува на 1990-тите. – Сакавме да го оживеме она чувство кое го имаме кога сме со нашите драги и блиски луѓе. Чувството на семејна блискост, истакна Картерис (Андреја). Сепак, во новите епизоди, глумците ќе ги толкуваат ликовиите на самите себе, а не оние од серијата. Новото шоу е замислено како своевидна пародија на нивните лични животи, па така, на пр., Тори Спелинг во новите епизоди ќе се соочи со банкрот, како и неколкупати во вистинскиот живот. Шенен Доерти, ја напушти оригиналната серија „Беверли Хилс” по три сезони, беше заменета и за неа се говореше како за тешка и проблематична соработничка. Но, таа сега се враќа на сцената. – Не сакав да глумам во овие нови епизоди, но кога Лук почина, ги погледнав работите од друг агол. Ова го правам во негова чест, изјави Доерти. За крај, една пикантерија… Промовирајќи ја серијата, Џени Гарт ги потврди долгогодишните гласини за нетрпеливоста меѓу неа и Доерти. Освен што се сопернички во приказната, тие не се поднесувале ниту зад камерите. – Еднаш толку многу се скаравме, што на излезот и се степавме, а нашите колеги мажи нè раздвојуваа, раскажа Џени во едно неодамнешно интервју.

Фановите на „Беверли Хилс“ со задоволство ќе ги гледаат овие секунди, еве што ново се снима (ВИДЕО)

Ивана Ефремовски — Thu, 09 May 2019 10:17:35 +0000

Екипата на една од најпопуларните серии на деведесеттите, Беверли Хилс, се собрала по повод снимањето на новите продолженија. Каналот Фокс објави снимка од нивната средба на која Бренда (Шенон Доерти), Дона (Тори Спелинг), Брендон (Џејсон Пристли), Стив (Иан Зиринг), Дејвид (Брајан Остин Грин) и Андреа (Габриел Картерис) седат околу маса, го читаат сценариото и се дружат. Премиерата на ТВ серијата е најавена за 7-ми август, а како што известуваат од Фокс, епизодите ќе бидат инспирирани од вистинските животи на актерите.

Чествување за Лук Пери: Дилан повторно ги зближи колешките и колегите од Беверли Хилс

Предраг Кукиќ — Wed, 20 Mar 2019 14:18:54 +0000

Глумците од хит-серијата „Беверли Хилс“ имале свој приватен „повторен собир“ во чест и сеќавање на својот колега Лук Пери (Дилан), кој почина на 4 март. Седенката се случила во домот на Габриел Картерис, која ја глумеше Андреја во тинејџерската ТВ серија која ги обележа 90-те, а тоа го соопшти Брајан Остин Грин (Дејвид) во својата интернет емисија. – Се видов со луѓето кои ги немав видено 18 години. Чувствата беа измешани… Сите беа пресреќни што повторно сме заедно, но – поводот беше ужасен, рече Грин. 3а Пери, тој вели дека бил „многу голем фраер“. – Лук беше човек за кого никој немаше лош збор. Едноставно, тој беше супер тип. И, секогаш беше свој, истиот Лук, без разлика каде ќе го видите. Многу сум среќен што го познавав. Беше одличен човек и ќе ми недостасува, се осврна Грин на својот пријател.

ТАЖНА ВЕСТ: Почина уште еден актер од „Беверли Хилс“

Предраг Кукиќ — Sun, 10 Mar 2019 15:55:33 +0000

Актерот Џед Ален еден од најпознатите по улогите во сериите Days Of Our Lives и Santa Barbara почина вчера на 85 годишна возраст. Тажната вест на „Фејсбук“ ја објави неговиот син Рик Браун, кој напишал дека Џед починал мирно во сон. Ален кариерата ја започна кога се појавил во сериите Love of Life и The Secret Storm, а подоцна како Дон Крег во 1971 година се приклучи на екипата во серијата Days of Our Lives. Својата слава ја стекна глумејќи во хит серијата „Беверли Хилс“.