без дозвола – Kurir.mk

Во тетовско за само 15 дена изречени 100 мерки за возење без дозвола

Катерина Бојаџиева — Fri, 16 Jun 2023 11:08:00 +0000

Само за 15 дена се изречени 100 мерки заклучно со денеска на поширокото тетовско подрачје за управување возила без положен возачки испит и валидна дозвола. Како што информираат од СВР Тетово, претежно станувало збор за млади лица на средношколска возраст, кои управувале патнички возила, најмногу низ градските улици, кон нивните училишта или кон угостителски објекти. Секторот за внатрешни работи Тетово упатуваат апел, пред сè до младите адолесценти, да се воздржат од управување без положен возачки испит, зашто на тој начин ја доведуваат во ризик сопствената и безбедноста на другите учесници во сообраќајот. -Покрај ова, на сите возачи им се укажува да бидат докрај внимателни и да ја приспособат брзината според условите на патот, зашто поради долготрајните дождови коловозите се мошне влажни и лизгави, а на поединечни места и полни со вода. Им се советува, исто така, да внимаваат и на пешаците наоколу за да не ги испрскаат со вода, бидејќи тоа претставува прекршок за кој паричната глоба изнесува 35 евра во денарска противвредност, информира портпаролот Марјан Јосифоски. Сите кои биле откриени се исклучени од сообраќај и изготвени им се поднесоци согласно член 225 од Законот за безбедност на сообраќајот на патиштата, со кој е предвидена парична глоба од 250 евра во денарска противвредност. Толкава глоба ги очекува и сопствениците на возилата кои им ги дале да ги управуваат, иако знаеле дека немаат дозвола за тоа.

Три автобуси вршеле меѓународен превоз на патници без соодветна документација, изречени соодветни санкции

Магдалена Андонова — Tue, 30 Aug 2022 07:58:01 +0000

На 27 и 28.08.2022, од страна на полициски службеници од Полициската станица за Граничен премин Табановце било констатирано непочитување на законите кај три автобуси кои вршеле меѓународен превоз на патници. При контрола на автобус со кумановски регистарски ознаки, управуван од Р.А.(52) од Куманово, автобус со тетовски регистарски ознаки, управуван од Б.К.(43) од Тетово и автобус со скопски регистарски ознаки, управуван од В.Т.(67) од Скопје било констатирано дека вршеле меѓународен превоз на патници без поседување на соодветна документација. Од страна на Државниот инспекторат за транспорт изречени се соодветни санкции за возачите и правните лица.

Две возила вршеле меѓународен превоз на патници без поседување на соодветна документација

Магдалена Андонова — Sun, 30 Jan 2022 14:34:50 +0000

На 29.01.2022 од страна на полициски службеници од Полициска станица „Табановце“ при Регионалниот центар за гранични работи Север била извршена контрола на две патнички возила кои вршеле меѓународен превоз на патници. При контрола на патничко возило комби „форд транзит“, со бугарска национална ознака, управувано од Т.Т.(35) од Струмица, било констатирано дека возилото не поседува соодветна документација за меѓународен превоз на патници. При извршена контрола на автобус, со скопски регистарски ознаки, управуван од П.И.(31) од Скопје, било констатирано дека возачот не поседува комплетна документација за меѓународен превоз на патници и стока. На двете возила од страна на Државниот инспекторат за транспорт им се изречени соодветни санкции.

Власта во Тексас одобри: За лицата над 21 година ќе биде дозволено да носат оружје без дозвола

Магдалена Андонова — Tue, 25 May 2021 06:07:40 +0000

Властите во Тексас одобрија предлог-закон со кој на луѓето од 21 година и повеќе им се дозволува да носат пиштоли без дозвола, или придружна проверка и обука. Откако ќе биде потпишан законот, Тексас ќе биде 19-та држава во САД што дозволува носење оружје без дозвола.Сегашниот државен закон им дозволува на жителите од 21 година или повеќе да носат пиштол само по завршувањето на потребната обука и проверка на кривична позадина за да добијат дозвола за носење. Предлог-законот сега се упатува кон бирото на гувернерот Грег Абот за потпишување, што тој посочи дека тоа и ќе го стори. Тексас веќе има некои од најслабите ограничувања за оружје во САД. Ова ќе се дозволли се додека сопственикот „не е крвичпно гонет или некоја друга законска забрана“, иако не е јасно како ова ќе се утврди без проверки. Групите за контрола на оружје се спротивставија на мерката, посочувајќи ја историјата на масовните пукања во Тексас, јавија американски медиуми. (МИА)

Жител од Струшко без лиценца вршел такси превоз

Магдалена Андонова — Wed, 23 Dec 2020 11:46:44 +0000

Возач од струшкото село Долно Татеши заработи кривична пријава поради вршење такси превоз без лиценца и соодветна документација, соопшти денеска СВР Охрид. Според информацијата, ОВР Струга поднесе кривична пријава против Б.М.(56) од селото Долно Татеши, поради постоење основи на сомнение за сторено казнено дело „вршење јавен превоз без поседување лиценца“. – При контрола на лица и превозници, кои вршат јавен превоз на патници, извршена на 20 октомври годинава, полициските службеници констатирале дека пријавениот, со своето патничко возило „Мерцедес“, врши нелегален такси превоз на патници, без лиценца и друга соодветна законска документација, појасни пртпаролот на СВР Охрид Стефан Димоски. (МИА)