без лиценца – Kurir.mk

Вршел јавен превоз без лиценца, кривична за маж од Дебар

Ивана Ефремовски — Mon, 13 Mar 2023 19:04:21 +0000

Надворешната канцеларија за криминалистички работи Дебар поднесе кривична пријава против Ф.Ц.(62) од Дебар поради постоење односи на сомнениа за сторено кривично дело „вршење јавен превоз без поседување лиценца“. На 27.02.2023 година пријавениот вршел јавен превоз со сопствено патничко возило без да поседува соодветна лиценца издадена од надлежен орган.

Три патнички возила, три автобуси и еден минибус вршеле меѓународен превоз на патници без соодветна документација, изречени соодветни санкции

Магдалена Андонова — Mon, 12 Sep 2022 12:47:09 +0000

На 10, 11 и 12.09.2022, од страна на полициски службеници од Полициската станица за граничен премин Табановце и Полициската станица за граничен премин Блаце при Регионалниот центар за гранични работи Север при извршена дополнителна контрола на влез и излез од државата на седум моторни возила, од кои три патнички возила, три автобуси и еден минибус, кои вршеле меѓународен превоз на патници, биле констатирани прекршоци, односно непоседување на законски пропишаната документација. Така, на Граничен премин Блаце, при контрола на автобус со тетовски регистарски ознаки, управуван од З.С.(41) од Гостивар, било констатирано дека врши меѓународен превоз на патници без поседување на соодветна документација. На Граничен премин Табановце, при контрола на минибус, управуван од Б.Џ.(60) од Желино, патничко возило комби „форд транзит“, управувано од В.Г.(44) од Струмица, патничко возило „опел вектра“, управувано од С.Д.(47) од Куманово, автобус управуван од С.Е.(49) од Тетово, автобус управуван од Ј.Г.(38) од Дебар и патничко возило комби управувано од Е.А.(55) од Куманово, сите со македонска национална ознака, било констатирано дека вршат меѓународен превоз на патници без поседување соодветна документација. Од страна на полициските службеници и Државниот инспекторат за транспорт изречени се соодветни санкции за возачите и правните лица.

Кривична пријава против двајца стружани за вршење јавен превоз без лиценца

Магдалена Андонова — Thu, 18 Aug 2022 16:15:21 +0000

СВР Охрид поднесе кривична пријава против двајца стружани за вршење јавен превоз без лиценца, соопшти Министерството за внатрешни работи. – СВР Охрид поднесе кривична пријава против М.Д.(60) од Струга и И.Ј.(51) од струшкото село Враништа, поради постоење основи на сомнение за сторено казнено дело „вршење на јавен превоз без поседување лиценца“. При контрола извршена на 12.06.2022 година кај селото Подмолје, полициските службеници го затекнале првопријавениот при управување такси возило, сопственост на второпријавениот, без соодветна лиценца за вршење јавен превоз на патници издадена од надлежен државен орган, посочуваат од МВР. (МИА)

Кривична пријава за млад гостиварец бидејќи вршел јавен превоз без лиценца

Магдалена Андонова — Tue, 22 Mar 2022 15:55:02 +0000

Надворешната канцеларија за криминалистички работи Гостивар поднесе кривична пријава против К.А.(32) од Гостивар, поради постоење основи на сомнение за сторено кривично дело „вршење на јавен превоз без поседување лиценца“. На 30.12.2021 во Гостивар, полициски службеници од ОВР Гостивар извршиле контрола на патничко возило „шкода фабиа“, управувано од пријавениот, при што утврдиле дека врши јавен превоз на патници без соодветни документи.

Кривична пријава против правен субјект од Тетово и 14 лица: Организирале игри на среќа без лиценца

Магдалена Андонова — Wed, 15 Dec 2021 12:46:37 +0000

СВР Тетово поднесе кривична пријава против правен субјект од Тетово, М.А.Ч.(25) од Турција, Б.Б.(30) од Тетово, О.С.(28) од Турција, О.Ј.(23) од Турција, Ј.С.(33) од Тетово, А.Р од Тетово, А.К.(26) од Тетово, Ј.К.(30), М.С.(25) од Тетово, Ш.Н.(22) од Гостивар, Б.Х.(20) од Тетово, Ф.П.(49) од Е.С(23) и А.А(28) од Тетово поради постоење основи на сомнение за сторено кривично дело „приредување игри на среќа без лиценца односно дозвола од надлежен орган“. Правниот субјект и останатите 14 пријавени физички лица во текот на јули 2021 година во простории на правниот субјект организирале и приредувале онлајн игри на среќа без издадена лиценца, односно без дозвола од надлежен орган. На 29.06.2021, полициски службеници од СВР Тетово во содејство со претставници од УЈП Тетово и ДПИ Тетово извршиле контрола во објектот и притоа затекнале повеќе вклучени компјутери на кои се играле „Слот игри“, повеќе административни различни панели и на секој од нив имало извршено парични трансфери во турски лири, како и многу клиенти кои контактирале преку „Скајп“ апликација за комуникација и кои биле конектирани на шест ИП адреси во Холандија преку други апликации кои се користат за конектирање на друг компјутер се со цел прикривање на реалната ИП адреса. Притоа, биле одземени осум компјутери, два лап топ компјутери, повеќе ливчиња со упатства на турски и англиски јазик и други предмети.

Поднесена кривична пријава против млад скопјанец – вршел јавен превоз без лиценца, превезувал и мигранти

Магдалена Андонова — Thu, 14 Oct 2021 14:46:10 +0000

Одделението за прекуграничен криминал, миграции, реадмисија и странци Гевгелија поднесе кривична пријава против А.Д.(36) од Скопје, поради постоење основи на сомнение за сторено кривично дело „вршење на јавен превоз без поседување лиценца” предвидено и казниво по член 284-а од Кривичниот законик. На 28.09.2021 околу 18.30 часот, на влезот во Гевгелија, полициски службеници од Полициската станица Гевгелија, при контрола на патничко возило „мерцедес“, со скопски регистарски ознаки, управувано од пријавениот, констатирале дека не поседува лиценца за вршење на авто-такси превоз и сертификат за авто-такси возач, а во возилото биле затекнати две лица државјани на Р.Куба.

Кривични пријави за 15 лица од Тетовско осомничени за вршење јавен превоз без лиценца

Магдалена Андонова — Wed, 11 Nov 2020 15:29:00 +0000

СВР Тетово поднесе кривични пријави против петнаесет сторители поради постоење основи на сомнение за сторени петнаесет кривични дела „вршење на јавен превоз без поседување на лиценца“. Од МВР информираа денеска дека кривични пријави се поднесени против: Х.И. (60), Б.В.(55), С.П.(60) тројцата од Тетово, И.О.(31), Б. Б. (47), двајцата од с. Пирок, Ш.И.(59) од с.Д.Палчиште, С.Е.(34) од с.Добарце, М.М.(53) од с.Г.Палчиште, М.М.(30) од с.Калник, О.М.(20) од с.Непроштено, В.М(48) од с.Беловиште, Д.В.(58) од с.Рогачево, Љ.К. (53) од с.Старо Село, С.И. (38) од с.Голема Речица, и Н.Н(56) од с.Боговиње – СВР Тетово од 29 септември 2020 до 3 ноември 2020 спроведе повеќе акциски контроли со цел утврдување нерегуларности во вршењето на јавен превоз при кои било констатирано дека горепријавените лица во својство на превозници, вршеле јавен превоз, без да поседуваат соодветна лиценца за вршење јавен превоз на патници во патниот сообраќај, се појаснува во соопштението од МВР. (МИА)

Вардар остана без лиценца за Европа

Тале Кристо — Thu, 25 Jun 2020 13:17:51 +0000

Комисијата за лиценцирање при Фудбалската федерација на Македонија, по комплетирањето на процесот на лиценцирање на клубови за учество во УЕФА натпреварувања во сезона 2020/21 не му додели лиценца на најтрофејниот македонски фудбалски клуб Вардар. Лиценца за учество во УЕФА клупски натпреварувања во сезона 2020/21 добија: Академија Пандев, Македонија ЃП, Работнички, Ренова, Силекс, Шкендија и Шкупи. Освен Вардар лиценца не им е издадена и на Брегалница, Борец и Струга ТримЛум.