без маски – Kurir.mk

Во Словенија наскоро без маски во училиштата

Дарко Андоновски — Wed, 23 Feb 2022 11:57:25 +0000

Во Словенија продолжува да се смирува епидемиолошката состојба во пандемијата на коронавирус, поради што се најавува можност наскоро да се вадат маските во пониските одделенија од основните училишта, а се проценува дека состојбата ќе се подобри до изборите во април. Епидемиолошките трендови се сè уште позитивни, а има 328 помалку потврдени нови инфекции од претходниот ден. Мерките за опуштање се во сила од понеделник поради подобрување на епидемиолошката состојба, така што по правило освен во здравствените и пензионерските домови не се бара човечка потврда, а министерот за здравство Јанез Поклукар рече дека размислува да ја укине обврската за носат маски во училиштата. Олеснувањето на мерките изгледа пошироко од оние што ѝ беа предложени на владата минатата недела од епидемиолозите кои се залагаа за постепеност и претпазливост.

„Зошто во владата никој не носи маски? – Ковачевски крши протоколи, и го загрозува јавното здравје“

Дарко Андоновски — Wed, 02 Feb 2022 11:13:14 +0000

Зошто во владата никој не носи маски? - Ковачевски крши протоколи, и го загрозува јавното здравје, ова денеска преку соопштение до јавноста го прашуваат од ВМРО-ДПМНЕ. -Иако на сила се протоколите за носење на маски во затворен простор, а тоа е и услов за влез во затворени објекти, Ковачевски исто како неговиот шеф Заев се става на законите и протоколите. И додека Заев се возеше со мотори во време на карантин, Ковачевски организира седници без маски и без дистанца, велат од партијата. Од таму додаваат дека Ковачевски е опасност по здравјето на граѓаните. Државниот здравствен инспекторат да поднесе кривична пријава против Ковачевски, како одговорно лице и организатор. Одговорност мора да има.

Од понеделник овие две авиокомпании нема да бараат маски на летовите во Скандинавија

Магдалена Андонова — Fri, 15 Oct 2021 08:21:58 +0000

Авиокомпаниите САС и Норвежен од понеделник нема да бараат носење маски на нивните летови во Скандинавија, односно Норвешка, Шведска и Данска. - Со оглед дека сите три скандинавски земји се отворени за патување и ги укинаа епидемиолошките ограничувања, повеќе не гледаме потреба да бараме носење маски на сите домашни летови, како и летови меѓу Данска, Шведска и Норвешка, рече портпаролката на САС, Фреја Анамац за шведското радио. И компанијата Норвежен на својата веб – страница објави дека повеќе нема да бара носење маски на овие летови поради намалениот ризик од инфекција. Двата превозника нагласија дека за сите нивни летови надвор од Скандинавија, поради меѓународните регулативи, сепак, ќе биде задолжително носење маски. Во изминатиот месец, сите три скандинавски земји ги укинаа сите епидемиолошки мерки, вклучително и обврската за носење маски во различни ситуации, додека во Шведска во ниту еден момент од пандемијата немаше таква обврска.

Нереални сцени од Нов Зеланд: Публика без маски на концерт на познат бенд

Магдалена Андонова — Mon, 22 Mar 2021 16:40:09 +0000

Коронавирусот речиси ја зави во црно музичката индустрија, бидејќи настапите поради пандемијата се скоро невозможни. Светлината на крајот од тунелот сè уште постои. Концертот на групата „Crowded House“ во Нов Зеланд дава еден вид оптимизам. Имено, како што можете да видите на снимката, додека свири славниот бенд, голема публика ужива во музиката без маски. Патем, епидемиолошката состојба во оваа земја е поволна, а денес само 9 лица се позитивни на коронавирусот. Поранешниот кошаркар на НБА, Рекс Чепмен, на својот Твитер профил ги сподели овие нереални сцени што се случија во Нов Зеланд. - Нов Зеланд ја слуша науката уште од почетокот на пандемијата. Ова е Нов Зеланд неделава. Без маска, нема заклучување ... - напиша поранешниот кошаркар на Шарлот, Фининкс и другите НБА лиги. Погледнете го видеото:

New Zealand listened to the science from the beginning of the pandemic. This was New Zealand this week. No masks. No lockdowns. No community spread. This could have been us...pic.twitter.com/6u3A9zImAY
— Rex Chapman🏇🏼 (@RexChapman) March 22, 2021

Погледнете друга снимка од концертот:

Bloody awesome singalong with ⁦@CrowdedHouseHQ⁩ last night. Didn’t want it to end, and now I want to go again Sunday night! 🥰 pic.twitter.com/ZKw8Ri00gp
— Ruth Thielke (@sillymidoff) March 19, 2021

Додека министрите од власта без маски сечат торти, Спасовски покажа сила кон народот и растури бадников оган

Магдалена Андонова — Wed, 06 Jan 2021 07:53:31 +0000

Полициска патрола вечерва околу 21:15 часот затекнала десетина лица покрај оган во скопското село Орман. Како што информира МВР, лицата се приведуваат во полициска станица и против нив ќе следат соодветни пријави. Министерството за внатрешни работи апелира до граѓаните да не организираат какви било собирања односно да ги почитуваат мерките за справување со коронавирусот. -Согласно Одлуката за изменување и дополнување на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразна болест COVID 19 предизвикана од вирусот SARS COV 2, случаите и временскиот период на нивна примена (Службен весник на РСМ, број: 298 од 16.12.2020 година) се забранува организација и одржување на прослави на јавни места и површини по повод престојните празници, како и организација и одржување на каков било друг тип на прослави и собирања на отворен и затворен простор од страна на физички и правни лица, особено во периодот од 18 декември 2020 до 21 јануари 2021 година, потсетуваат од Министерството за внатрешни работи.

704 санкции за неносење маска

Дарко Андоновски — Sat, 21 Nov 2020 09:45:55 +0000

Во текот на изминатото деноноќие (20/21.11.2020 година) на територијата на Република Северна Македонија, по однос на мерката за носење лична заштита на лице, регистрирани се 704 прекршоци. Министерството за внатрешни работи апелира до граѓаните да ги почитуваат мерките и протоколите донесени од Владата со цел справување со ковид-19.

Полиција во Јужна Каролина разби забава со 2000 луѓе без маски

Магдалена Андонова — Mon, 19 Oct 2020 19:49:50 +0000

Властите во американската држава Јужна Каролина објавија дека ја прекинале забава, на која учествувале најмалку 2.000 лица, кои не се придржувале кон мерките на претпазливост за да се спречи ширењето на коронавирусот. Мајк ДеСума, портпарол на противпожарната служба на главниот град на Јужна Каролина, Колумбија, изјави дека собирот се случил во саботата во станбен комплекс за време на американски фудбалски натпревар на Универзитетот во Јужна Каролина. Полицијата ја растурила забавата откако пожарникарите ја прогласија за непосредна опасност. (МИА)

Без маски и без дистанца на брод до Свети Наум: Туристите и бродскиот персонал не ги почитуваат препораките за заштита

Магдалена Андонова — Sun, 23 Aug 2020 11:53:12 +0000

На охридските бродови кои возат за Свети Наум секој ден, не се почитуваат протоколите за заштита од коронавирусот. Иако не е дозволен влез на бродовите без маска, и пред да започне турата на секој посетител му се става средство за дезинфекција на рацете, дел од луѓето многу брзо по тргнувањето на бродот ги вадат маските, пишува Женскимагазин.мк Најголем проблем е дистанцата која не е соодветна. Пред да ги продадат билетите, менаџерите на бродовите велат дека продаваат половина од капацитетот. Но, столчињата се наместени едно до друго, без никаква дистанца помеѓу, исто како и минатите години. Кога некој од патниците ќе ја извади маската, никој од персоналот не го опоменува. Бродовите застануваат на половина час пауза на Заливот на коските, каде што исто така се создава метеж пред билетарата на музејот на вода. За разлика од лани и преклани, билетот до Свети Наум и назад до охридското пристаниште од 600 денари по лице е намален на 400. И овој викенд, Охрид е полн со туристи. На шеталиштето покрај кејот и низ чаршијата едвај има место за разминување.

Децата во Западна Померанија тргнаа во училиште без маски

Магдалена Андонова — Mon, 03 Aug 2020 13:55:09 +0000

Децата во североисточната германска држава Мекленбург-Западна Померанија денеска се вратија во училиште и со тоа беа првите во земјата што ја почнаа новата учебна година. Федералната министерка за образование Ања Карличек се залагаше за задолжително носење маски во училиштата, но германскиот училишен систем во најголем дел е во надлежност на 16 регионални влади во земјата, па затоа регионалните власти сè уште не примениле такво правило. Ретко населената држава Мекленбург-Западна Померанија со 1,6 милиони жители е најмалку погодена од епидемијата во земјата, со 877 заразени и 20 смртни случаи од Ковид-19. Владите во Хамбург, каде учениците се враќаат во нивните клупи во четврток, и во Берлин, каде што ќе се вратат следната недела, наредија носење маски. (MИА)

Казнети над 900 граѓани кои не носеле заштитни маски- МВР објави и голем број на лица на кои им се издадени решенија за изолација

Дарко Андоновски — Tue, 09 Jun 2020 07:20:34 +0000

Во текот на изминатото деноноќие (08/09.06.2020 година) на територијата на Република Македонија на 593 лица им се издадени решенија за изолација, а 308 лица потпишале изјави за самоизолација. Од страна на полициски службеници извршени се контроли кај лица во изолација и самоизолација, при што е констатирано дека шест лица не ја почитувале мерката за изолација и самоизолација. Исто така по однос на мерката за не носење лична заштита на лице регистрирани се 975 прекршоци.