Тетовските комуналци шест месеци без здравствено и пензиско осигурување

Магдалена Андонова — Tue, 15 Sep 2020 09:23:43 +0000

Околу 60-тина работници на работната единица „Комунална хигиена“ при Јавното комунално претријатие „Тетово“ (ЈКП) се собраа на јавен протест изразувајќи незадоволство што веќе шест месеци не им се платени придонесите за здравствено и пензиско осигурување. Бараат интервенција на државните институции. -Немаме шест месеци осигурување и бараме да ни се дадат платите на време. Платите ни доцнат еден месец, но најмногу ни е проблем што немаме осигурување. Еве јас имам проблем со срцето, морам да пијам лекови, морам да ги земам, наместо да платам 200 денари сум платил 2500 денари затоа што немам осигурување, вели работник од скопско Копанце. -Вчера сум платил таблети за дијабетис, морам таква е болеста, а немам осигурување. Шест години со договор работам, немам никакво осигурување. Тука се пред се луѓе без образование, не манипулираат, се пожалија работниците. Според раководството на ЈКП Тетово „Комунална хигиена“ незадоволството изразиле само дел од работниците за кое сметаат дека не е оправдано со оглед дека здравствено и пензиско осигурување нема за ниту еден работник од околу 300 вработени во јавното претријатие. -Претпријатието работи со загуби поради пандемијата овие шест месеци. ЈКП се соочува со загуба од 26 милиони денари, а причината се неплатени сметки од страна на граѓаните. Сега ова треба да се корегира со ребаланс на буџетот на општинскиот совет за итно решавање. За придонеси месечно се потребни 8 милиони денари. Работиме на тоа со Фондот за здравство да се земат лекови и да се користат услуги во јавното здравство, но треба да се почека да се именува нов директор. Работниците ми рекоа дека бараат од државата да помогне, изјави Џелал Цека. Работниците се пожалија дека како јавни претријатија и вработени со ниски примања не добиле никаква помош од државата како што се ваучери и други поволности.

Американците без осигурување нема да го плаќаат лекувањето од коронавирус

Тале Кристо — Wed, 08 Apr 2020 11:22:49 +0000

Болничкото лекување на коронавирус во САД може да чини од 42.486 до 74.310 долари, што секој поединец без осигурување би морал да плати, доколку не се усвоеше пакетот за помош од 2.000 милијарди долари за санирање на последиците од вирусот, од кој ќе бидат покриени трошоците на болниците. Според податоците на агенцијата ФАИР, која се занимава со договори за најповолна цена за лекување, 73.310 американски долари би ги покриле трошоците за шестдневен престој во болница. Советниците за здравствено осигурување сметаат дека е добро што тестирањето е бесплатно и дека оние со поблаги симптоми можат да останат дома и да користат онлајн услуги за лекување. Полесно заболените имаат на располагање здравствен телефон или медицинска сестра 24 часа со кои работодавачот или здравственото осигурување имаат склучено договор, што заштедува пари и време за одење до лекарска ординација. ФАИР наведува дека просечната такса за услуги за лекување преку телефон е околу 43 американски долари за оние без осигурување. Осигурителните компании таа услуга ја наплаќаат 34 долари за пет до 10 минути консултации, а осигурениот пациент ќе мора да го плати остатокот. Во САД околу 30 милиони луѓе немаат здравствено осигурување. Пред една недела беше објавено дека за две недели 10 милиони луѓе останале без работа.

без осигурување – Kurir.mk

Тетовските комуналци шест месеци без здравствено и пензиско осигурување

Американците без осигурување нема да го плаќаат лекувањето од коронавирус