без ПЦР тест – Kurir.mk

УБАВА ВЕСТ – Црна Гора ги укинува ПЦР тестовите за македонските државјани

Магдалена Андонова — Tue, 20 Apr 2021 20:17:52 +0000

Милојко Спајиќ, министерот за финансии и социјала на Црна Гора објави дека неговата земја ги укинува ПЦР тестовите за македонските државјани. Покрај Македонија, Црна Гора ги укинува ПЦР тестовите и за државјани на Русија, Белорусија и Украина. – Драго ми што можам да ве информирам дека сите ограничувачки мерки, вклучително и ПЦР-тестирање, за граѓаните на Русија, Белорусија, Украина и Македонија ќе бидат укинати за посета на Црна Гора оваа туристичка сезона, објави Спаиќ на руски јазик на Твитер. Најверојатно во деновите кои следат точно ќе се знае конкретниот датум.

Од денеска без ПЦР тест ќе може да се патува во Косово

Тале Кристо — Mon, 12 Oct 2020 07:40:21 +0000

Граѓаните на Република Македонија нема да можат да патуваат во Србија, Црна Горна и Босна и Херцеговина без приложување на негативен ПЦР тест, соопштија ноќеска од Владата. Можноста за влез на македонски државјани во Косово без ПЦР тест останува, но Владата апелира до граѓаните да не патуваат надвор од земјата доколку немаат неодложна потреба за тоа. -Владата на Република Македонија ги известува граѓаните дека согласно влошувањето на состојбата со КОВИД-19 пандемијата во регионот и големиот број на нови позитивни случаи, влезот на македонски граѓани во Србија, Црна Гора и Босна и Херцеговина нема да биде дозволен без приложување негативен ПЦР тест, кој не е постар од 48 часа од моментот на влез во овие земји, се наведува во владиното соопштение. Владата и здравствените власти, согласно новонастанатата епидемилошка состојба во регионот, во деновите кои следат ќе ја ревидираат одлуката за влез на државјани на Косово, Србија, Црна Гора и Босна и Херцеговина во Северна Македонија, без ПЦР тест.

Од полноќ во Србија и Косово без ПЦР тест

Тале Кристо — Sun, 11 Oct 2020 17:59:54 +0000

Од полноќ државјаните на Македонија ќе можат да патуваат кон Косово и Србија без да покажат негативен ПЦР тест. -Нашите граѓани ќе можат да патуваат во соседните земји, без потреба од ПЦР тест. Како што знаете, со Албанија можеме да ја преминеме границата и граѓаните на Албанија можат да дојдат кај нас без да покажат тест и се надевам дека ова ќе започне со Косово и Србија утре, бидејќи владите на тие земји беа позитивни за отворање на границите, изјави Груби.