без публика – Kurir.mk

Ленс ќе игра без публика на два домашни натпревари

Магдалена Андонова — Mon, 20 Sep 2021 18:28:53 +0000

Францускиот фудбалски прволигаш Ленс ќе игра два домашни натпревари без присуство на публика поради навивачките немири што се случија на саботното првенствено дерби против Лил, соопшти денеска дисциплинската комисија на француската лига. Навивачките инциденти на натпреварот меѓу Ленс и Лил се случија на полувремето поради што продолжението доцнеше повеќе од половина час, а под знак прашање беше дали дуелот воопшто ќе може да се одигра. До инцидентите дојде кога гостинските навивачи почнаа да фрлаат разни предмети на трибините со навивачите на Ленс, по што домашните навивачи втрчаа на теренот и се упатија кон трибината каде беа сместени гостинските навивачи. Дојде до физички пресметки, а инциденти од поголеми размери спречија интервентната полиција и редарските служби. (МИА)

Надал за мечевите без гледачи: Не ми се допаѓа, ништо не може да ја замени енергијата што ја создава публиката

Тале Кристо — Mon, 01 Jun 2020 13:08:58 +0000

Шпанскиот тенисер Рафаел Надал се произнесе за условите под кои ќе се игра Грен слемот „Ролан Гарос“ оваа есен. – Денес мора да преземеме мерки на претпазливост и да сториме сé за да ја обезбедиме безбедноста и здравјето на целата тениска заедница. Мислам дека за иднината, не од гледна точка на тенисот, туку од гледна точка на медицината и строго почитување на санитарните стандарди во ред е да нема публика. Во фудбалот, оваа практика е веќе воведена, но не сакам да гледам натпревари без гледачи. Без навивачите, сè е различно и ништо не може да ја замени енергијата што ја создаваат тие, изјави Надал. Шпанецот е 19-кратен освојувач на Грен-слем турнирите.

Валверде: Неколку натпревари без публика се нормални, но 100 … ќе биде тешко

Тале Кристо — Wed, 27 May 2020 06:32:58 +0000

Поранешниот тренер на Барселона, Ернесто Валверде го сподели своето мислење за натпреварите без гледачи во услови на пандемија на коронавирус. – Веројатно ќе биде во ред да има неколку такви натпревари. Но, не знам како би било да се одржат 100 натпревари без гледачи. То аќе биде многу тешко, вели Валверде. За неговото искуство на натпревари без гледачи: „Беше ужасно. Не бевме подготвени да играме на овој начин. Можеби сега сите ќе бидат ментално подготвени“. Тренерот истакнува дека Шпанија поминала тежок период. – Поминавме тешки времиња, особено поради грижата за оние што се најблизу до нас. Ние доживуваме нешто што порано не се случило, и можеби ова нè принуди да посветиме должно внимание на луѓето кои вршат поважна работа. Но, фудбалот нема да престане да биде фасцинантен настан, од кој сите добиваат големо задоволство, заклучи Валверде.

Финалето на Лигата на шампионите и Лигата на Европа може да помине без гледачи

Дарко Андоновски — Wed, 01 Apr 2020 12:44:55 +0000

Европската фудбалска асоцијација (УЕФА) се уште планира да ги одржи заврши турнирите на евро-куповите оваа сезона пред почетокот на ждрепката за следната сезона. Разгледана е опцијата за одржување на финалните натпревари од Лигата на шампионите и Лигата на Европа без навивачи. Денес, на 1 април, УЕФА, преку видео конференција, ќе разговара за прашања од договори за фудбалери и времето за трансфер прозорците. Исто така, ќе се дискутира за календарската состојба за остатокот од сезоната. УЕФА има иста позиција како и во англиската Премиер лига – првенствата мора да се доиграат. Претходно се појавија нформации дека европските првенства би можеле да бидат завршени во август. Во моментов, сите професионални турнири во Европа, со исклучок на Белорускиот шампионат, се прекинати поради пандемијата на коронавирус.

Тур де Франс можеби ќе се одржи без публика

Дарко Андоновски — Thu, 26 Mar 2020 15:25:24 +0000

Позната по своите бројни гледачи, најголемата велосипедска трка во светот – Тур де Франс можеби оваа година ќе се одржи без публика, изјави француската министерка за спорт, Роксана Марачинеану, јави дописникот на МИА. Владата е во разговори со АСО, организаторот на трката, за судбината на најпрестижната од големите велосипедски трки. По одложувањето на Олимписките игри и Европското првенство во фудбал, спортот, вклучително и велосипедизмот , е речиси целосно во прекин. Трката без публика, би била прва во нејзината повеќе од еден век долга историја.