без сертификати – Kurir.mk

ГОЛЕМА АКЦИСКА КОНТРОЛА ВО БИТОЛА: Пронајдена дрога, лажен сертификат, лица без сертификати – четири објекти затворени (ФОТО+ВИДЕО)

Магдалена Андонова — Sun, 20 Feb 2022 12:51:25 +0000

Денеска (20.02.2022) во периодот од 01.30 до 04.30 часот полициски службеници од Бирото за јавна безбедност при МВР во координација со Државниот пазарен инспекторат, Управата за јавни приходи и Државниот инспекторат за труд спроведоа акциска контрола во четири ноќни клубови и кабареа во Битола. При тоа, во два ноќни клуба е пронајдена дрога (прашкаста материја и марихуана) и ќе бидат поднесени кривични пријави по член 215 од Кривичниот законик, едно лице употребило лажен ковид сертификат и за тоа ќе следува соодветна кривична пријава, а до надлежното обвинителство ќе биде поднесен поднесок и против сопственик на објект кој упатувал закани кон полициските службеници и инспекциските служби. Исто така ќе следат соодветни поднесоци и затоа што во ноќен клуб е затекнат малолетник по 24 часот, а биле констатирани прекршоци и по законот за пушење. 42 лица биле пуштени во четирите угостителски објекти без да поседуваат ковид сертификат и тие се запечатени од страна на Државниот пазарен инспекторат и ќе следат соодветни поднесоци. Исто така, констатирани се и случаи на неиздавање на фискална сметка, а од страна на Државниот инспекторат за труд се констатирани 27 прекршоци за работење без договор за вработување. Акциските контроли продолжуваат и во наредниот период.

ПОЛИЦИСКА АКЦИЈА НА ГОСТИВАРСКО ПОДРАЧЈЕ: Во две казина затекнати 5 лица без сертификат, меѓу нив и малолетник

Магдалена Андонова — Sun, 09 Jan 2022 10:21:42 +0000

На 08/09.01.2022 во периодот од 22,00 до 03,00 часот полициски службеници од СВР Тетово во содејство со Државен пазарен инспекторат спровеле акциска контрола со која биле опфатени 4 угостителски објекти на тетовското и 24 угостителски објекти на гостиварското подрачје. При контролата во две казина на тетовското подрачје биле затекнати 5 лица кои не поседувале сертификати за примена вакцина против Ковид-19, потоа еден малолетник и едно лице кај кого бил пронајден и одземен нож. На затекнатите лица како и на објектите во кои се затенати ќе им бидат изготвени соодветни поднесоци. Покрај ова соодветен поднесок ќе му биде изготвен и на угостителски објект во с.Врапчиште-гостиварско каде било утврдено дека не се почитувале протоколите за работа.

Акциска контрола во Тетово: Затекнати лица без сертификати

Магдалена Андонова — Sun, 26 Dec 2021 13:56:32 +0000

Синоќа (25/26 декември) од 23 до 2 часот, полициски службеници на СВР Тетово спровеле акциска контрола со која вкупно биле опфатени четири угостителски објекти во Тетово.При контролата, во угостителски објект на улица "Димо Гавровски-Кара" биле затекнати и во координација со Државен пазарен инспекторат со соодветни поднесоци санкционирани четири лица од тетовските села Шемшово, Нераште, Мала Речица и Џепчиште, кои не поседувале сертификати за примена вакцина против "ковид-19" и 2 лица без документи за идентификација. Двете лица без документи приведени се во Полициска станица Тетово за натамошна постапка, а санкции ќе следуваат и за угостителскиот објект.Во угостителски објект на улица "Маршал Тито" , пак, бил затекнат еден малолетник и нему ќе му биде изготвен соодветен поднесок.

Четири лица ќе добијат полициски пријави за непоседување сертификати за вакцинација при престој во локали

Магдалена Андонова — Sun, 26 Dec 2021 10:28:15 +0000

Тетовската полиција ќе поднесе пријави за четири лица кои вчера се затекнати во угостителски објекти, а при тоа немале сертификати за вакцинација против Ковид-19. Акциска контрола била спроведена од 23:00 до 2:00 часот по полноќ заедно со пазарна инспекција, а биле опфатени четири угостителски објекти во Тетово. -При контролата, во угостителски објект на улица „Димо Гавровски-Кара“ биле затекнати и со соодветни поднесоци санкционирани четири лица од тетовските села Шемшово, Нераште, Мала Речица и Џепчиште, кои не поседувале сертификати за примена вакцина против Ковид-19 и две лица без документи за идентификација. Двете лица без документи се приведени во Полициска станица Тетово за натамошна постапка, а санкции ќе следуваат и за угостителскиот објект, информира Марјан Јосифоски, портпарол на СВР Тетово. Во угостителски објект на улица „Маршал Тито“ бил затекнат еден малолетник и нему ќе му биде изготвен поднесок по член 21 од Законот за прекршоци против јавниот ред и мир.

Казни за угостителски објекти во Битола: Давале алкохол на малолетници, затекнати лица без сертификати

Магдалена Андонова — Sat, 25 Dec 2021 11:30:00 +0000

На 24/25.12.2021 во времето од 22.30 до 00.30 часот, на подрачјето на ПС од ОН Битола, спроведена е акциска контрола во угостителски објекти, кафе бар на ул.Булевар 1-ви мај и бар лоциран на ул.Рајко Жинзифов во Битола. Констатирани биле неправилности од страна на Државен пазарен инспекторат односно се затекнати четири лица без ковид сертификат, а регистрирано е и точење алкохолни пијалоци на 17 малолетници, за што се изречени соодветни санкции.

Полициска акција во угостителски објекти во Тетово: Затекнати шест лица без сертификати, затворени два објекти

Магдалена Андонова — Mon, 20 Dec 2021 10:55:43 +0000

На 18 и 19 декември 2021 од страна на полициски службеници од Одделот за криминалистичка полиција во заедничка координирана акција со инспектори од Управата за јавни приходи и од Државниот пазарен инспекторат, во содејство со Единицата за интервентна полиција е извршена контрола на осум угостителски објекти во Тетово. Како што посочи портпаролот на Министерството за внатрешни работи Сузана Прањиќ Талевска, при контролата биле затекнати шест лица без сертификат за вакцинација и две лица без документи за идентификација. – Од страна на Државниот пазарен инспекторат привремено се затворени два угостителски објекта, а од страна на Управата за јавни приходи се изречени пет глоби на пет угостителски објекти за неиздавање на фискални сметки, соопшти МВР.