бездомник – Kurir.mk

Тинејџер станал бездомник откако бил исфрлен од дома токму на 18. роденден

Катерина Бојаџиева — Wed, 05 Jul 2023 08:55:15 +0000

Неименуван Американец-тинејџер е новиот миленик на интернет, откако раскажа како од неодамна живее на улица. Имено, тој бил исфрлен од страна на неговата мајка, на својот 18-ти роденден. Видеоснимката со момчето кое ја споделува својата приказна на Тикток-страницата @homesforhomeless, ги погоди гледачите и тие општо ја осудуваат мајка му и сите други престроги родители кои настојуваат нивното дете да го напушти својот дом откако ќе наполни 18 години. Според неговите кажувања, татко му е починат. - Мајка ми, во основа, ми рече - кога ќе наполниш 18 години, ќе бидеш сам... Така, откако ме избрка, сега сум во Солт Лејк Сити и постојано барам место за да преноќам, пред да најдам начин да се вратам во Калифорнија, раскажува тинејџерот. Прашан колку долго е на улица, тинејџерот појаснува дека всушност ова е неговиот прв ден како бездомник, што воедно е и неговиот 18-ти роденден. Тој додава и дека мора да се врати во Калифорнија бидејќи ќе треба да ја заврши последната година од средното училиште. Снимателот го прашува и кои се неговите три желби? - Татко ми да е сè уште жив, да ги видам моите сестри и да се вратам дома, кусо одговори момчето. Со оглед на растот на цените на становите и наемот, инфлацијата и влошената достапност до работни места, 18-годишниците во САД речиси и да немаат можности финансиски да се издржуваат без никаква помош од нивните семејства, истакнуваат познавачите. Исто така, факт е дека на новопечените возрасни лица сè уште им е потребна емоционална и психолошка поддршка од нивните родители. Преминот во зрелоста може да биде предизвик сам по себе, па стабилната и поддржувачка семејна средина е неопходна во секој поглед. Отфрлањето од безбедно засолниште, очекувано, води и до чувство на напуштеност кај младиот човек и негативно влијае на односот родител-дете.

Тешко повреден бездомник во Скопје: Гореше напуштена куќа во која тој престојувал

Катерина Бојаџиева — Mon, 03 Apr 2023 15:54:02 +0000

На 02.04.2023 во СВР Скопје било пријавено дека околу 00.20 часот настанал пожар во напуштена куќа на ул.„Благоја Деспотовски Шовељ“, во која престојувал бездомникот Р.Р.(24). Во пожарот, Р.Р. се здобил со тешки телесни повреди констатирани во Градска општа болница „Св.Наум Охридски“. Екипа на Бригадата за противпожарна заштита го изгаснала пожарот, а увид извршила екипа од СВР Скопје.

Млад бездомник нападнал скопјанец во кампот во Визбегово

Ивана Ефремовски — Tue, 12 Oct 2021 14:03:53 +0000

На 11.10.2021 во 21:10 часот во СВР Скопје, С.С.(39) од Скопје пријавил дека околу 20:30 часот во камп за бездомници во с.Визбегово, скопско, по претходна расправија бил физички нападнат од С.Ш.(24) од Скопје. Сочинет е записник за констатиран прекршок од Законот за прекршоците против јавниот ред и мир.

Бездомник осуден на 8 месеци затвор: Кога ќе дознаете што украл ќе ви биде жал за него

Ивана Ефремовски — Sun, 21 Feb 2021 19:40:28 +0000

Бездомникот Н. Л. од Хрватска ќе помине осум месеци зад решетки за кражба на „Вегета“ и сувомесни производи од продавницата. Одлуката ја донел окружниот суд во Бјеловар откако обвинетиот ја обжали првостепената пресуда на општинскиот суд во Загреб. Исто така, му било забрането да се приближува до продавниците на „ШПАР“ во областа на Загреб во рок од една година и осум месеци. Иако адвокатот на осудениот човек во тужбата побарал затворската казна да биде заменета со условна казна и општокорисна работа, судот не го прифатил ова. Според судот, олеснителна околност е тоа што тој го признал делото и ја вратил „Вегетата“ на нејзиниот сопственик, меѓутоа, поради неговата претходна казна и „упорноста во континуирано извршување на имотни деликти“, судот смета дека осум месеци затвор е соодветна казна. Тие дури и не му верувале дека тој украл „Вегета“ за да се прехрани, бидејќи, како што велат,Н.Л. веќе признал дека планирал да им ја продаде вегетата на соседите, па веројатно истото го испланирал и со сувомесните производи. Во пресудата се вели дека судот пред одлуката зел предвид и дека обвинетиот во неговата лична жалба против првата пресудата изјавил „дека е многу смешно што добил осум месеци затвор“.

Бездомник почина со 1 евро во џебот, а на сметка имал цело богатство

Ивана Ефремовски — Thu, 04 Feb 2021 13:15:22 +0000

Бездомник (75) кој умре од ладно на железничката станица во Милано минатата недела, имал повеќе од 100.000 евра во банка и 19.000 евра во акции, како и месечна пензија од 750 евра од времето кога работел во Минхен. Станува збор за Умберто Квинтино Дијако, кој исчезнал од дома кога имал само 17 години и отишол да работи во Минхен, напиша Кориере дела Сера, а пренесе агенцијата АНСА. -Тој одлучи да исчезне засекогаш, рекле членовите на фамилијата, а не е познато како успеал да направи толку пари. Старецот поседувал куќа во Калабрија и две комби возила, со платено осигурување. Кога бил пронајден мртов на станицата Порта Гарибалди во Милано, имал само 1,2 евра во џебот. Неговата сестра Кјарина за Кориере рекла дека „фамилијата сакала да го пронајде, но тој не сакал да биде пронајден“.

Пронајдена отсечена глава на бездомник во Тулон

Катерина Бојаџиева — Mon, 01 Feb 2021 17:38:38 +0000

Полицијата во францускиот град Тулон денеска открила отсечена глава на бездомник во картонска кутија, која била исфрлена од прозорец на стан во една зграда. Уапсен е еден осомничен, во чиј стан бил идентификуван бездомникот при полициска контрола претходниот ден, објави Радио Франс Инфо. Полицијата трага по друг бездомник кој бил идентификуван при синоќешната контрола. Многу улици во центарот на Тулон, пристаништен град на Азурниот брег и воена поморска база, се затворени, додека полицијата и армијата трагаат по други осомничени.

Почина бездомник од кампот за бездомници во Чичино село

Тале Кристо — Mon, 01 Jun 2020 17:42:55 +0000

На 31.05.2020 во 13:37 часот во СВР Скопје било пријавено дека во кампот за бездомници во Чичино село бил пронајден починат С.Ш.(61) од Скопје, времено сместен во кампот. Смрт констатирал доктор од Итна медицинска помош, а по наредба на Јавен обвинител телото на починатиот било дадено на обдукција.

Шокантна трансформација: Бербер претвори бездомник во холивудска ѕвезда (ВИДЕО)

Ивана Ефремовски — Thu, 05 Dec 2019 15:00:29 +0000

Бербер целосно го трансформира изгледот на еден бездомник, а резултатот импресионираше многу корисници на социјални мрежи. Рики Хернандез од Јужен Остин, Тексас, го повикал бездомникот Џеф за бесплатна фризура и бричење, а видеото, објавено кон крајот на минатиот месец, стана вирално и беше прегледано од повеќе од 4 милиони луѓе на Јутјуб само за неколку дена. Некои коментираа дека Џеф изгледа најмалку 10 години помлад по трансформацијата. Џеф повремено му помагал на Рики околу берберницата, а Рики му ја вратил наклонетоста и доби многубројни признанија за своето дело и се развиваше пријателство меѓу двајцата. „Тој сега изгледа како холивудска ѕвезда во 2019 година“, „Овој бербер го заслужува сето добро“, „Добра работа, видете колку му значеше“, се само некои од реакциите на ентузијастичните корисници на социјалните мрежи.

Бездомник секој ден барал храна во контејнер: Еден ден ја пронајде оваа порака и од срце се расплака

Ивана Ефремовски — Sun, 01 Sep 2019 13:58:10 +0000

Бездомник барал храна во контејнерот на еден ресторан. Гостите за тоа му кажале на менаџерот на ресторанот, а тој решил да направи нешто убаво! Не можел да го игнорира фактот, па му напишал на бездомникот една порака. „До личноста која пребарува во контејнерот барајќи нешто за јадење. Ти си човек и за тебе не е храна тоа што ќе најдеш во контејнер. Те молам, влези кај нас во текот на работното време и земи неколку парчиња топло јадење и чаша вода бесплатно. Без никакво прашање“. Инаку, ова се случило во градот Фарго, во САД. Некој го фотографирал овој напис и го споделил со луѓето на социјалните мрежи. Овој менаџер е вистински херој, зарем не?

Бездомникот од Центар кој напаѓал и вознемирувал девојчиња и жени им се крие на социјалните служби

Ивана Ефремовски — Tue, 02 Jul 2019 14:46:35 +0000

Социјалните служби не го нашле бездомникот кој се соблекувал, напаѓал и вознемирувал жители на Центар. Откако од МВР вчера телефонски пријавиле во Центарот дека 30 годишен маж спие и престојува во влезови, паркови и гаражи околу Соборниот храм и Дебар маало специјализиран тим веднаш излегол на терен не не успеале да го лоцираат лицето за кое првично граѓаните мислеле дека е мигрант. -Поразговарано е со граѓаните, но лицето не е најдено. Ова лице не евидентира како бездомник ниту е корисник на никакви права од областа на социјалната заштита, зијави Наташа Станоевиќ, директор на Меѓуопштински Центар за социјални работи. Од Ценртарот ќе пробаат да стапат во контакт со некој член на семејството на 30-годишникот, а во меѓувреме апелираат до граѓаните доколку го забележат да се јават на дежурните телефони, за да може стручни лица да го лоцираат и да му понудат соодветна социјална или здравствена помош. -Имаме 2 дежурни телевони на специјализираниот тим-076-381-762, 078-230-943, додаде Станоевиќ. Центарци реагираат дека агресивниот бездомник повеќе од 1 година недолично е однесувал и сексулано вознемирувал девојчиња и жени. МВР вчера информираше дека против ова лице биле поднесени 2 прекршочни пријави за нарушување на јавниот ред и понатаму надлежноста за овој случај ја префрлија на Центарот за социјални работи. ИЗВОР: СИТЕЛ