безживотни тела – Kurir.mk

ХОРОР пред училиште во САД: Три безживотни тела пронајдени во автомобил

Ивана Ефремовски — Mon, 14 Aug 2023 19:17:40 +0000

Полицијата во Индијанаполис денеска во 8:15 часот по локално време пронашла тела на тројца мажи во автомобил пред училиштето Џонатан Џенингс во тој град. -Четвртиот маж кој бил во автомобилот бил пренесен во болница, но засега не е познато во каква состојба е овој човек, пренесува АП. Полицијата соопшти дека не се забележани видливи знаци на насилство дека истрагата е во тек. Од друга страна, окружната образовна управа соопшти дека еден од мажите во автомобилот бил во алкохолизирана состојба. Училишните автобуси беа пренасочени за да се избегне местото на несреќата.

Пронајдени безживотните тела на 20 лица по потонатиот брод кај грчкиот остров Евија

Катерина Бојаџиева — Wed, 02 Nov 2022 17:19:31 +0000

Во операцијата за спасување и потрага што од вчера се води во морскиот дел јужно од грчкиот остров Евија, пронајдени се безживотните тела на 20 лица откако вчера потона едрилица со мигранти. Како што јави дописничката на МИА од Атина, според последните информации од крајбрежната служба на Грција, 20 загинати и 12 спасени е билансот од вчерашниот бродолом, а според тврдењата на спасените на едрилицата имало 68 мигранти, што значи дека 36 се исчезнати. Спасувачката акција на крајбрежната служба на Грција продолжи и денеска и кај Евија, но и во близина на островот Самос, каде што се вчера беа спасени четири лица и пронајдено едно безживотното тело, а седуммина се уште се исчезнати. Несреќата кај Самос се случи во понеделникот кога се преврти чамец со 12 лица, а во морскиот дел југоисточно од Евија, вчера потона едрилица со 68 мигранти.

Пронајдени седум безживотни тела во близина на грчкиот остров Китира

Магдалена Андонова — Sun, 09 Oct 2022 11:19:31 +0000

Во спасувачката акција на грчката крајбрежна служба во близина на островот Китира, пронајдени се безживотните тела на седум лица, по несреќата во средата вечерта, кога потона чамец со околу 95 мигранти, јави дописничката на МИА од Атина. Од крајбрежната служба на Грција соопштија дека кај Китира, островот што се наоѓа јужно од Пелопонез, вчера биле извлечени безживотните тела на четири мажи и две жени, а во акцијата што трае неколку дена, спасени се вкупно 80 лица, 55 мажи, седум жени и 18 деца. Денеска било пронајдено телото на уште едно лице, додека, пак, потрагата продолжува. Несреќата се случи доцна вечерта во средата кога едрилица со мигранти удрила во карпа и преку бројот за итни случаи 112 била побарана помош. Неколку часа подоцна, имаше бродолом и кај Лезбос, островот во северниот дел на Егејското море и во близина на турското крајбрежје и беа спасени 28 лица, а загинаа 18 миграни (16 жени, едно дете и еден маж). (МИА)

Пронајдени 20 безживотни тела во пустина во Либија

Магдалена Андонова — Thu, 30 Jun 2022 09:30:28 +0000

Во пустина во Либија се пронајдени 20 безживотни тела, а се верува дека се работи за луѓе кои се изгубиле во пустина и дека починале од жед. Телата ги пронашол во вторникот возач на камион кој минувал. Телата се пронајдени на околу 320 километри југозападно од Куфра и 120 километри од границата со Чад. „ Возачот се изгуби. Веруваме дека луѓето починале во пустина пред 14-ина дена, бидејќи последниот повик на мобилниот телефон бил регистриран на 13 јуни“ соопшти директорот на Брзата помош во Куфра. Во оваа ретко населена област, летните температури често надминуваат 40 степени Целзиусови. Две од жртвите се идентификувани како либиски државјани, додека останатите се верува дека се мигранти од Чад кои побегнале во Либија. Од 2011 година, кога беше убиен Моамер Гадафи, Либија стана доминантна транзитна точка за луѓето кои бегаат од војна и сиромаштија во Африка и делови од Блискиот Исток, надевајќи се на подобар живот во Европа. Тие патуваат по опасна патека низ пустината за да стигнат до морето, а потоа до Европа. За жал, многумина страдаат на патот.

Пронајдени 6 безживотни тела, четири од нив се на деца

Ивона Петрова — Fri, 05 Jun 2020 10:29:01 +0000

Полицијата во Сан Антонио пронашла џип во приватна гаража со шест безживотни тела, членови на семејство. Четири од телата се на деца на возраст од 11 месеци до четири години, јавува АП. Началникот на полицијата, Вилјем Макманус изјавил дека постои доказ дека не се работи за инцидент, но не навести дека за смртта на семејството некој друг е виновен.

Во стан во Велес пронајдени две безживотни тела

Дарко Андоновски — Mon, 06 Apr 2020 11:51:59 +0000

Две безживотни тела се пронајдени денеска утро во стан во Велес. Според информациите од полицијата, се работи за мајка и син. Полицијата утрово пронајде две мртви тела во стан на улица 4-ти Јули во Велес, во близина на детската градинка кај Жаба зграда. Од полицијата потврдија дека добиле повик од соседи, кои се пожалиле на ужасна миризба која доаѓала од станот на починатите. Според соседите, најверојатно се работи за мајка и син кои повеќе од еден месец не биле видени од соседите. Јавен обвинител е на терен и врши увид, по што ќе се знае причината и времето на смртта на двајцата велешани.

МОРНИЧАВО: Две безживотни тела пронајдени во двe одделни куќи

Дарко Андоновски — Sun, 03 Nov 2019 14:35:37 +0000

Од СВР Охрид информираат дека вчера околу 16,30 часот, било пријавено дека на улицата „Кузман Шапкарев“ во Охрид, во сопствената куќа била пронајдена почината 58-годишна жена. Од страна на екипа на Итната медицинска помош, констатирана е смрт без траги на насилство. Увид на лице место извршила увидна екипа на СВР-Охрид, а по наредба на Јавен обвинител над телото на починатата ќе се врши обдукција. Вчера, во 17,45 часот во СВР-Охрид било пријавено дека е починато лице во куќа во охридското Косел. Од страна на Итната медицинска констатирана е смрт на 77-годишно лице чие тело било во распаѓање. Увид на лице место извршила увидна екипа на СВР-Охрид, а по наредба на ЈО над телото на починатиот ќе се врши обдукција.