безживотно тело – Kurir.mk

По три недели потрага: Пронајдено безживотното тело на 52 годишникот од Теново

Ивона Петрова — Tue, 22 Aug 2023 16:26:34 +0000

По речиси три недели потрага денеска е најдено безживотното тело на 52 годишниот Иса Рушити од село Теново, Општина Брвеница. По него се водеше потрага од 6 август, откако ноќта помеѓу 4 и 5 август излегол од дома и оттогаш не се вратил во Теново. - Денеска 22 август во 15 часот во СВР Тетово пријавено е дека во водите на реката Вардар, во близина на месноста Бриони и старото фудбалско игралиште, закачено на дрво, било пронајдено безживотното тело на И.Р.(52) од тетовско Теново. Екипи од тетовската Територијална противпожарна единица и СВР Тетово попладнево го извлекле телото на брегот. Увидна екипа на СВР Тетово во координација со Јавен обвинител извршиле увид, а ќе се врши и обдукција, информираат од СВР Тетово. Во потрагата учествуваа Центар за управување со кризи, Дирекција за заштита и спасување, МВР, Општина Брвеница како и граѓани.

Тело на 27-годишно момче пронајдено во канал за наводнување од река Брегалница, бил пријавен за исчезнат

Катерина Бојаџиева — Fri, 11 Aug 2023 17:52:02 +0000

На 10.08.2023 во 18.13 часот во с.Истибања, виничко, кај место викано „Шилковица“, во канал за наводнување од река Брегалница, било пронајдено безживотното тело на Ј.Ѓ.(27) од виничко, за кого претходната вечер било пријавено дека се оддалечил од домот. Телото било извлечено од страна на Територијалната противпожарна единица Виница, а лекар од Итната медицинска помош Виница констатирал смрт без траги на насилство. По наредба на Јавен обвинител телото на починатиот ќе биде предадено за обдукција.

Безживотно тело на 16 годишник најдено во река Пена кај Бањиче

Тале Кристо — Thu, 22 Dec 2022 10:14:21 +0000

Утрово е најдено безживотно тело на 16 годишно лице во реката Пена кај месноста Бањиче. По пријавувањето во полиција, почнат е увид од претставници на СВР Тетово и Обвинителството. – Дежурен јавен обвинител од Основното јавно обвинителство Тетово изврши увид во местото викано Бањиче, каде во реката беше пронајдено безживотното тело на починатото 16-годишно лице. Станува збор за лице кое неколку дена било пријавено за исчезнато. Јавниот обвинител издаде наредба за прибирање на сите траги и докази со цел да се утврдат причините за смртта, соопштија од прес службата на Јавното обвинителство. Обвинителот издал наредба и за обдукција на телото на починатиот.

Увид во Кавадарци: Пронајдено безживотно тело на маж

Катерина Бојаџиева — Fri, 09 Sep 2022 11:21:14 +0000

Дежурен јавен обвинител од Основното јавно обвинителство Кавадарци изврши увид на лице место во семејна куќа во која беше пронајдено безживотно тело на маж на возраст од 70 години. Со оглед на тоа што од екипите на Итната медицинска помош беше констатирана смрт со видливи изгореници на телото, надлежниот јавен обвинител издаде наредба за обдукција на телото на починатиот. Од лице место беа подигнати траги со цел да се утврдаат околностите под кои настапила смртта.

Починат маж без видливи траги на насилство изваден од Охридско езеро, идентитетот непознат

Ивона Петрова — Tue, 12 Apr 2022 10:11:07 +0000

На 11.04.2022 околу 10 часот во СВР Охрид пријавено е дека во водите на Охридското езеро, кај комплексот „Св.Наум“, забележано е безживотно машко тело. -Јавен обвинител и полициски екипи извршија увид, а лекар од итна медицинска помош констатирал дека нема видливи траги на насилство, информираат од СВР Охрид. Безживотното тело е пренесено во Општата болница во Битола каде денеска ќе биде извршена обдукција. СВР Охрид презема мерки за утврдување на идентитетот.

Пронајдено уште едно безживотно тело на грчкиот остров Лезбос

Катерина Бојаџиева — Thu, 03 Mar 2022 09:04:46 +0000

Бројот на загинати мигранти во близина на грчкиот остров Лезбос, се зголеми на седум лица, откако спасувачкиот тим пронајде уште едно безживотно тело, јави дописничката на МИА од Атина. Засега не постојат информации кога и под кои околности се превртил чамецот во кој се пренесувале лицата, кои веројатно од турското крајбрежје тргнале кон Лезбос, а непознат е и бројот на патници и дали има и други исчезнати. Во понеделникот на брегот во југоисточниот дел на островот, беа пронајдени безживотните тела на шест лица, тројца мажи и три жени, кои се удавиле додека со чамец се упатувале кон Лезбос. Министерот за миграција и азил на Грција Нотис Митаракис завчера рече дека соработуваат со меѓународните организации за да се идентификуваат згинатите и да се известат нивните семејства и ја истакна потребата да се зајакне борбата против криумучарите, но и да се запрат нелегалните премини од Турција во Грција за бегалци и мигранти.

Скопјани пронашле безживотно тело- еве ги деталите

Катерина Бојаџиева — Tue, 18 May 2021 14:26:46 +0000

Вчера околу 07.20 часот во СВР Скопје, С.Д.(21) од Скопје пријавил дека околу 05.30 часот на подрачјето на Гази Баба, додека бил заедно со А.Н. и Ф.Н., забележале безживотно тело во водите на сепарацијата. Од лекар од Итна медицинска помош била констатирана смрт, без траги насилство, а телото било извадено и предадено на Судска медицина за понатамошна постапка. Увид на местото извршила екипа од СВР Скопје. Се преземаат мерки за расчистување на случајот.

ТРАГЕДИЈА ВО МАКЕДОНИЈА: Млада жена пронајдена мртва покрај викендица во Охрид

Дарко Андоновски — Mon, 03 May 2021 10:03:15 +0000

Безживотно тело на женско лице е пронајдено денеска во близина на викенд-куќа крај стариот пат што води од Охрид кон Струга. Првичните непотврдени информации укажуваат дека се работи за женско лице на возраст од триесеттина години, а телото е пронајдено на потегот спроти Специјалната болница за ортопедија и трауматологија „Свети Еразмо“. Екипа на крим-техника на полицијата врши увид на лице место, по што ќе бидат соопштени повеќе информации за околностите и причините за настапувањето на смртта.

Безживотно тело на маж извлечено од водите на Вардар

Ивана Ефремовски — Thu, 31 Dec 2020 16:48:34 +0000

Безживотно тело на маж, попладнево и е извадено од водите на Вардар на излезот од гостиварското село Чегране. Според последните информации сè уште не е познат идентитетот на жртвата. Во меѓувреме, местото го обезбедуваат полициски службеници и се врши увид на во близина на мостот, каде е забележано безживотното тело и се работи на утврдување на причините за смртта. Мујдин Д. очевидец кој го забележал телото, за МИА рече дека од понеделникот често поминувал покрај местото, но не забележал ништо со оглед на високото ниво на водата. Денеска околу 13 часот кога нивото на водата се спуштило, видел дека под мостот, има човечко тело по што го пријавил случајот. Тој посведочи дека телото било во фаза на распаѓање и во лоша состојба. Во меѓувреме екипа на СВР Тетово работи на расветлување на настанот, а повикан бил јавен обвинител. Се очекува да биде наредена обдукција по што ќе се зае идентитетот на починатиот и причините за смртта. (МИА)

Трагедија: Безживотно женско тело извлечено од Пчиња (ФОТО)

Ивана Ефремовски — Wed, 12 Aug 2020 15:37:08 +0000

Скопските пожарникари извадија безживотно тело на давеничка од реката Пчиња. -Техничка Интервенција, вадење на давеничка во р.Пчиња- Катланово. Непристапноста и сложениот терен ја отежнуваа работата, на крајот безживотното тело од реката беше извадено, информираат тие.