библија – Kurir.mk

Во Шведска одобрен собир на кој ќе се запалат Библија и Тора

Тале Кристо — Fri, 14 Jul 2023 15:40:21 +0000

Шведската полиција денеска одобри собир на кој три лица планираат да запалат по еден примерок од Библијата и Тората пред израелската Амбасада во Стокхолм, а Израел веднаш ја осуди одлуката. Во барањето испратено до полицијата, организаторот наведува дека сака да ги запали овие верски книги како одговор на палењето на Куранот организирано во јуни пред џамија во Стокхолм, што ги налути муслиманите ширум светот. Собирот треба да се одржи утре меѓу 13:00 и 14:00 часот по локално време. Полицијата наведе дека не издала одобрение за официјално барање за палење верски книги, туку одобрила јавен собир на кој ќе се изрази „одредено мислење“. - Таа разлика е важна, додаде Карина Скагерлинд, портпаролка на полицијата во Стокхолм. Собирот, сепак, предизвика остри критики од страна на Израел и еврејските организации. - Го осудив палењето на Куранот, кој е свет за муслиманите ширум светот, а денес душата ме боли од помислата дека истата судбина ја чека и еврејската Библија, вечната книга на еврејскиот народ“, реагираше израелскиот претседател Исак Херцог. Јаков Хагоел, претседател на Светската ционистичка организација, оцени дека издавањето ваква полициска дозвола не е „слобода на говор, туку антисемитизам“. На 28 јуни, Ирачанец кој избегал во Шведска запали неколку страници од Куранот пред главната џамија во Стокхолм на Курбан Бајрам, празник што го слават муслиманите ширум светот. Настанот предизвика низа реакции во муслиманскиот свет, а Советот за човекови права на ОН во средата донесе резолуција со која го осудува палењето на Куранот и изразувањето на верска омраза. Сепак, некои земји, главно западни земји, се спротивставија на донесувањето на закони за богохулење, но јасно ги осудија таквите постапки.

Најстарата хебрејска Библија продадена за 38,1 милион долари

Ристе Здравков — Thu, 18 May 2023 09:08:18 +0000

Хебрејска илјадагодишна Библија, најстарата за која се знае дека е речиси завршена, денеска е продадена на аукција во „Сотби“ во Њујорк, САД, за рекордна сума од рекордни 38,1 милион долари и ќе биде подарена на Музејот на еврејскиот народ во Тел Авив, Израел. Книгата „Сасун кодекс“, именувана по нејзиниот најпознат сопственик, Давид Соломон Сасун, ја купи поранешниот американски амбасадор и филантроп Алфред Мозес и неговото семејство. По наддавањето, „Сотби“ објави дека купувањето е направено „за добробит на американските пријатели на Музејот на еврејскиот народ“ и дека е посебно наменета за оваа институција.

ВИДЕО: Татко пред своето дете запали Библија испечатена со благослов на г.г. Стефан

Ристе Здравков — Mon, 09 Jan 2023 08:37:53 +0000

Лица кои се претставуваат како верници на Македонската православна црква – Охридска архиепископија (МПЦ-ОА), од Преспанско-пелагониската епархија повикале на палење на Библиите за деца, објави „Религија.мк“. Библиите за млади, иако се од протестантски автор и се финансирани оид протестантска мисија, имаат благослов од Архиепископот на МПЦ-ОА, г.г. Стефан.

ФОТО: Само чудо го спасило – момче преживеало гранатирање на црква во Карабах, еве што држело во рацете

Магдалена Андонова — Fri, 09 Oct 2020 12:43:14 +0000

Едно момче од Нагорно-Карабах неодамна за среќа преживеало гранатирање на Црквата на Христос спасителот. На социјалните мрежи може да се прочита дека момчето наводно седело во црквата во моментот кога се случил нападот, кој наводно го извршиле силите на Азербејџан. Како што пишуваат медиумите, тој наводно во раце ја држел Библијата во која се зарила дел од гранатата, додека се околу него се рушело. На социјалните мрежи кружат фотографии од момчето додека лежи во болничка постела, како и фотографија од Светото писмо чии страници се искинати. Црквата на Христос Спасителот е позната како Газанчецоц, обележје на Исус, и целосно е уништена во вчерашните напади. Градена е од 1868 година до 1887 година и седиштето е на епархијата на Нагорно-Карабах. Иако црквата претрпела големи оштетувања, ниедна икона која виси на ѕидовите не паднала, а мозаиците останале недопрени. Да потсетиме, борбата во Нагорно-Карабах почна на 27. септември, а Азербејџан и Ереван меѓусебно се обвинуваат за избивање на конфликтите.

Спречено криумчарење на Библија стара 1.200 години

Ивана Ефремовски — Wed, 06 Feb 2019 12:39:20 +0000

Канцеларијата на гувернерот на турскиот град Дијарбакира издаде соопштение дека локалната полиција врз основа на анонимна дојава спречила продажба на древен библиски ракопис. Тим за борба против криумчарење на 4 февруари ја запленил Библијата за која се вели дека има само 34 страници, со златна интарзија на кожата и се проценува дека е стара 1.200 години. Шест осомничени лица се приведени поради учество во оваа трговија, се наведува во соопштението на гувернерот. Дијарбакир се наоѓа во близина на границата со Сирија и не е познато дали Библијата била криумчарена од воената разорена земја, но се знае дека Турција станала примарна дестинација за антиквитети од Сирија. Властите објавиле и список на експонати за кои се верува дека се украдени од Сирија, за кој се запознаени царинските службеници, но и колекционерите. Илјадници операции против криумчарењето се спроведуваат ширум Турција секоја година за да се спречи илегалната продажба на културно – историско богатство и да се заштити наследството на земјата.