библиотека – Kurir.mk

Претепан чувар во библиотека во Центарот на Скопје

Катерина Бојаџиева — Sun, 29 Jan 2023 16:27:22 +0000

На 28.01.2023 во 20.00 часот во Полициска станица Центар, Ч.Д.(60) од Скопје пријави дека околу 19.00 часот во просторија од библиотека на подрачјето на Центар, додека бил на своето работно место како чувар во библиотеката, бил физички нападнат од едно лице. Се преземаат мерки за расчистување на случајот, велат од МВР.

Повреден пожарникар додека гаснел пожар во Прилеп

Ивана Ефремовски — Tue, 18 Oct 2022 18:22:38 +0000

На 17.10.2022 во 16:30 часот во ОВР Прилеп било пријавено дека на ул.„Рампо Левката“ настанал пожар во стара напуштена библиотека. Од екипа на Територијалната противпожарна единица Прилеп пожарот бил изгаснат, а притоа со повреди се здобил пожарникарот Д.Б.(45) од Прилеп, констатирани во Општа болница Прилеп. Увид извршила екипа од ОВР Прилеп.

Читателите во oхридската библиотека од денеска ќе може да влезат сами да изберат книга

Ивона Петрова — Wed, 20 Apr 2022 05:51:47 +0000

Охридската библиотека „Григор Прличев“ од денеска преминува во отворен тип, односно читателите слободно ќе можат да влезат и да одберат книги од полиците. Ваквиот чин, како што информира директорот на установата Милчо Јованоски, е во пресрет на Светскиот ден на книгата и авторското право – 23 Април. – Читалната во одделот за издавање ќе биде отворена од понеделник до петок од 9 часот и 30 минути до 17 часот, а читалната за дневен печат и периодика со читатели ќе работи од 9 до 15 часот. Читателите ќе можат да влезат, да избираат книги од полиците и да побараат помош од библиотекарите, појасни Јованоски. Читалните, додаде тој, ќе можат да ги користат само зачленети читатели. – На 26 април, во чест на Светскиот ден на книгата на посебен настан ќе бидат прогласени најредовните читателите за 2021 година во категоријата деца и возрасни, најмлад и највозрасен читател, како и најчитаните домашни и странски автори и книги. На триесетина наши сограѓани Библиотеката ќе им додели благодарници за донираните книги во изминатиот период, изјави Јованоски. Работното време на Библиотеката со читатели, според директорот, останува исто од понеделник до петок од 8:30 до 18:30 часот.

Отворена прва детска библиотека во градинката во населба Лисиче

Ивана Ефремовски — Mon, 04 Apr 2022 11:26:28 +0000

Министерката за труд и социјална политика, Јованка Тренчевска денеска присуствуваше на отворањето на првата детска библиотека во градинката Пчелка 1, при ЈОУДГ„ Буба Мара“, Општина Аеродром. Библиотеката се отвора во знак на одбележување на Светскиот ден на литературата за деца – „Спознај го светот преку книгата“. Министерката Тренчевска потенцираше дека вложувањето во правилниот детски раст и развој е особено значаен, затоа што тоа претставува и влог во иднината на сите граѓани. „Вложувањето во зајакнување на капацитетите на децата, во стекнувањето на вештини, поттикнување на нивната љубопитност и желба за знаење од најрана возраст, директно придонесува за нивната успешност во понатамошниот живот“ , рече Тренчевска. Таа ја поздрави оваа иницијатива и посочи дека ова е позитивен пример кој треба да го следат сите детски градинки, затоа што на овој начин, се гради посебен однос и љубов на децата со книгите. „Читањето во предучилишна возраст е особено значајно. Затоа што преку читањето книги, приказни, бајки, децата влегуваат во светот на имагинацијата, го збогатуваат фондот на зборови, се стекнуваат со нови поими и изрази, ги поттикнуваат предчитачките вештини кои се предуслов за читањето во училиште. Затоа што дете што чита е возрасен што мисли“, истакна Тренчевска. Министерката посочи дека Министерството за труд и социјална политика продолжува во континуитет да инвестира во изградба на нови, реконструкција и проширување на постојните капацитети на детски градинки, како и во зајакнување на капацитетите на стручниот кадар во нив, а со цел реализација на квалитетен предучилишен процес.

ФОТО: Вратил книга во библиотека по 60 години, им напишал долго писмо

Ивона Петрова — Thu, 17 Feb 2022 12:15:19 +0000

Маж кој од библиотека во германски град позајмил книга, ја вратил 60 години по истекот на рокот за враќање. Книгата на адреса на библиотеката стигнала во пакет пратен од југот на Франција заедно со писмо напишано рачно, долго две страни, објави управата на библиотеката. Од библиотеката додаваат дека на поранешниот член нема да му ја наплатат заостанатата казна. Во писмото, денеска 81 годишниот член на библиотеката во Манхенгладбах бара „илјада пати прошка“ поради доцнењето во враќањето на книгата. Неименуваниот маж пред 60 години ја позајмил книгата на Фридрих Енгелс. -Градската библиотека е среќна поради враќање на својот имот. Сега можеме да го прецртаме насловот од долгата листа исчезнати книги, се наведува во соопштението. Од крајот на Втората светска војка од оваа библиотека исчезнале повеќе од 850 книги.

Библиотека затворена поради отровни пајаци

Катерина Бојаџиева — Wed, 24 Feb 2021 17:51:50 +0000

Библиотеката во студентскиот дом на Универзитетот во Мичиген е затворена поради закана од отровни пајаци. Универзитетските службеници неодамна откриле пајаци кои ги нарекуваат медитерански пустиник во подрумот и оддалечените згради на студентска населба во кампусот Ен Арбор, јави Си-Би-Ес Њуз. – Почна чистење на делови од кампусот каде што се појавија пајаците, изјави портпаролката на универзитетот Ким Брокхајзен.

Записи на Дарвин исчезнаа од Библиотеката во Кембриџ

Тале Кристо — Tue, 24 Nov 2020 12:12:44 +0000

Универзитетот во Кембриџ денеска упати повик да се најдат две тетратки за Чарлс Дарвин за кои се верува дека биле украдени од Универзитетската библиотека. Едната ја содржи неговата скица за „дрвото на животот“ – симбол на неговата теорија за еволуцијата. „По обемното пребарување, најголемото во историјата на библиотеката, конзерваторите заклучија дека тетратките чие исчезнување за првпат беше објавено во јануари 2001 година, најверојатно биле украдени“, се вели на интернет-страницата на Универзитетот. Полицијата е известена, а тетратките, за кои се проценува дека вредат неколку милиони фунти, се ставени во базата на податоци на Интерпол за украдени уметнички дела. – Длабоко жалам што овие тетратки не беа пронајдени и покрај обемните потфати за барање последниве 20 години, вклучително и најголемото пребарување во историјата на оваа библиотека на почетокот на оваа година, рече Џесика Гарднер, директорка на библиотечната служба. Универзитетот во септември 2000 година објави дека двете тетратки биле извадени од просторијата каде што се чуваат највредните дела од библиотеката, заради фотографирање. За време на рутинска проверка потоа, во јануари 2001 година, било утврдено дека кутијата со тетратките не е на своето место. Некои библиотекари потоа верувале дека тетратките биле ставени на погрешно место во библиотеката со околу 10 милиони книги, мапи, ракописи и други предмети. Но, се чини, не е така.

Пензиониран учител со камион- библиотека ја буди љубовта кон книгите кај децата (ВИДЕО)

Предраг Кукиќ — Tue, 16 Apr 2019 08:30:58 +0000

Антонио Ла Кава на уникатен начин ја буди љубовта кон пишаниот збор кај најмалите. Пензионираниот учител го претвори своето комбе во подвижна библиотека со која го привлекува вниманието на малите деца и ги поттикнува да читаат книги. Посветениот Италијанец го прилагоди своето возило, за да може да постави полици за книгите и го нарече „Библиомобил“. Сите книги се негова лична инвестиција. Веќе 16 години, Антонио секоја недела поминува осум различни села во италијанската покраина Базиликата, овозможувајќи им на децата од посиромашните предели да откриваат нови светови и приказни низ книгите. „Го поминав својот живот работејќи со најмладите, поттикнувајќи ги повеќе да читаат, а сега одлучив да направам нешто конкретно и да им ги носам книгите директно во рацете“, вели Ла Кава. „Книгите се од суштинско значење. Без книги, детето честопати е осамено”, додава Антонио. Антонио објаснува дека бил разочаран што луѓето во Италија не читаат доволно книги. „Бев огорчен, како граѓанин и како учител, поради идејата дека стареам во земја во која луѓето слабо читаат. Библиомобилот е создаден со идејата да се подигне свеста за оваа опасност. Не можеме да се одречеме од радоста која ни ја дава книгата“, изјави тој. Антонио ги инспирира децата и сами да пишуваат книги и потоа нивните дела им ги носи на децата од други села.

Кривична пријава за в.д. директор на ЈОУ Библиотека „Искра“ во Кочани

Дарко Андоновски — Tue, 05 Mar 2019 15:55:43 +0000

Поднесена е кривична пријава против в.д. директорката на ЈОУ Библиотека „Искра“-Кочани за злоупотребување на службената положба и овластување во периодот на 2017 година. Според наведеното, таа во два наврати постапила спротивно на одредбите од Законот за јавни набавки, на тој начин што без да спроведе постапка за јавна набавка во која би се јавиле и други економски оператори, кои на пазарот нудат стоки, услуги или работа, фаворизирала два правни субјекта, информираат од МВР. Имени, Секторот за внатрешни работи Штип до Основното јавно обвинителство Кочани кривичната пријава ја поднесе против Р.Т. (44) од село Оризари, кочанско поради постоење основано сомнение дека сторила две кривични дела „злоупотреба на службена положба и овластување“ казниво по член 353 став 1 од КЗ. Имено, во 2017 година ангажирала правен субјект од Кочани преку непосреден договор за услуга за одржување и поправка – вршење градежни активности во ЈОУ Библиотека „Искра“-Кочани и Оризари без притоа да биде спроведена постапка за јавна набавка на услуги. Исто така, пријавената во текот на 2017 година за услуги за патен транспорт (такси услуги за вработените), фаворизирала едно правно лице од Кочани без да спроведе постапка за јавна набавка и без истите услуги да бидат предвидени во планот за јавни набавки на Библиотеката, се наведува во соопштението од МВР.

Нова подвижна библиотека- Библиобус (ФОТО)

Катерина Бојаџиева — Tue, 05 Mar 2019 09:36:01 +0000

Градската библиотека „Браќа Миладиновци“ со финансиска поддршка од Град Скопје изминатиот период набави нова подвижна библиотека – Библиобус. Подвижната библиотека - Библиобус е адаптирано возило опремено со книги наменети за ученици и има за цел промоција на книгата, достапност на информациите, развој на културата на читање, како и создавање навика за читање кај детската популација. Библиобусот посетува повеќе скопски приградски населби и ги опслужува учениците од 19 училишта во Марино, Мралино, Бунарџик, Текија, Мршевци, Кучевиште, Сопиште, Сушица, Оризари, Припор, Долно Коњари, Добри Дол, Побожје, Долно Соње, Орман, Чифлик, Лисиче, Трубарево и во Волково. Подвижната библиотека работи пет дена во неделата, од септември до јуни, и ги посетува училиштата според претходно утврден план. Со библиобусот се овозможува полесен пристап и популаризација на книгата и до оние места кои се оддалечени од централните библиотеки и клонови. Учениците се ослободени од наплата на амортизација на позајмените книги.