бифтек – Kurir.mk

(Видео) Популарниот готвач Нусрет безобразно го наплаќа бифтекот: Ова момче го прави истото јадење за значително помалку пари

Ристе Здравков — Thu, 28 Oct 2021 12:42:32 +0000

Еден тиктокер го подготвил популарниот златен бифтек кој го прослави „кралот на солта“, односно еден од моментално најпопуларните готвачи во светот - Нусрет Гокче, но за многу помалку пари. Бифтекот во неговиот ресторан чини 20 евра, но доколку тој лично ви го посоли, цената може да достигне и до 800 евра и повеќе.

View this post on Instagram

A post shared by Nusr_et#Saltbae (@nusr_et)

Вртоглавите цени не ги спречуваат посетителите да ги посетат неговите локали и да го пробаат еден од најскапиот бифтек на светот кој се продава по цена од 1.450 фунти, што е речиси 1.500 евра. Ова јадење се служи во неговиот ресторан, а специфични го прават ливчињата злато со кои е покриен. Меѓутоа, сега еден инфлуенсер и тиктокер покажал дека ваков идентичен бифтек може да се направи и дома и тоа за значително помала сума на пари. Тој направил оброк користејќи путер кој го платил 2 фунти, лук кој чинел 60 пени, 70 пени за коријандер и јунешко месо од 32,92 фунти пред да го надополни со злато кое се јаде од 28 фунти.

@harrisonwebb97
How much the Salt Bae GOLD steak REALLY costs to make! 😳💰##saltbae ##Nusr_et
♬ Monkeys Spinning Monkeys - Kevin MacLeod

Вкупната цена за јадењето изнесувала 64,44 фунти или 75 евра што значи дека би заработил огромна сума на пари за едно парче такво месо доколку го продава по иста цена како „Salt Bae“.

Карлеуша објасни зошто гравот е подобар од бифтекот: „Месојадци, не јадете лешеви!“

Тале Кристо — Thu, 20 May 2021 07:52:08 +0000

Српската пејачка, Јелена Карлеуша веќе неколку години е вегетаријанец, при што често објавува на социјалните мрежи, алудирајќи на тоа луѓето да престанат да убиваат и јадат животни. Истото го направи и овој пат, преку социјалнат мрежа на Инстаграм. -2021 е, а на луѓето и понатаму треба да му се објаснува дека да јадеш леш од беспомошно животно не е здраво. Меѓудругото е бизарно, одвратно, непотребно и сурово, коментира Карлеуша. -За секој месојадец кој тврди дека му се потребни протеини во исхраната, 100 грама грав има повеќе протеини, калциум и магнезиум од 100 грама бифтек. Бифтекот е измислен збор за парче леш од теле... да убаво звучи. И да, за разлика од месото/лешот, гравот има нула холестерол. И да, гравот е поевтин од бифтекот, продолжи таа. -Најгрдо ми е кога луѓето велат: „Животните постојат за ние да ги јадеме. Ние затоа ги одгледуваме“. Ако веќе го оправдувате убивањето и тоа што немате милост, барем измислете друг изговор. Дури и тоа „Не ми е жал бидејќи е вкусно“, звучи малку пологично. Пологично е да си немилосреден, безчувствителен без мозок, напишала Карлеуша.

Минатите месеци Владата јадела месо и бифтек за 62.000 евра

Ивона Петрова — Fri, 01 May 2020 08:05:50 +0000

Минатиот месец Владата потпишала договор за набавка на свежо месо во висина од 51.155 евра, односно 3.146.025 денари, како и сувомеснати производи во висина од 11.594 евра односно 713.029 денари. Договорот во име на Службата за општи и заеднички работи на Владата го склучил директорот Пеце Мирчески, а набавката ќе биде спроведена од страна на „Римес МС Гроуп” ДОО претставувана од управителот Марјан Михајлов, пишува порталот Антропол.мк. Во понудата која ја достави оваа компанија, а која е составен дел од договорот, наведена е количина од 380 килограми јунешки бифтек добиен од млади говеда со единечна цена од 1.299 денари без пресметан ДДВ. Покрај бифтеци, на менито Оливер Спасовски и останатите владини службеници платени од народни пари, ќе имаат и јунешки мускул, јунешки бут, телешки ребра, телешки мускул, свинско каре, крезли и јатки од свежо јагне како и свежо прасе, пишува порталот.

Инаку во февруари годинава Службата за општи и заеднички работи на Владата набави и свежо пилешко месо во висина од 25.513 евра, кон крајот на минатата година свежо овошје и зеленчук во висина од 16.623 евра како и газирани сокови во износ од 18.468 евра. Од „Римес МС Гроуп” во март минатата година набавено било свежо месо во износ од 32.298 евра. Периодов повторно се актуелизира прашањето за состојбата на државниот буџет и управувањето со јавните финансии, кога и самата влада најави дека нема доволно средства за справување со кризата. Од друга страна, интензивно се позајмуваат кредити од меѓународните институции, со што јавниот долг достигна 50 проценти од БДП и изнесува највисок во последната деценија.