„Бигорски Манастир – Патот на Црешовото Топче“ – Kurir.mk

Мизрахи: Спасовски сведочеше пред Анкетната комисија, но зошто МВР молчело шест години за вакви злоупотреби на Клиниката за онкологија

Катерина Бојаџиева — Thu, 12 Oct 2023 17:34:41 +0000

Анкетната е таа која ќе го каже последниот збор, а за работата на истата има интерес. Има интерес да се најде разрешница. Како прв човек на Комисијата нема да дозволам истата да стане парасуд или параобвинителство, ние бараме политичка одговорност, рече пратеничката од ВМРО-ДПМНЕ, Рашела Мизрахи која е и претседател на Анкетната комисија за случајот Онкологија на вечерашното гостување во емисијата За или против што се емитува на телевизија Алфа. Мизрахи информираше дека се знае точната бројка на лица кои ќе бидат испрашувани од Комисијата или 44 се на предлог на ВМРО-ДПМНЕ, 27 лица се на предлог на СДСМ и еден на предлог на Левица. Таа укажа дека следен е Венко Филипче и оти доколку има можности во ист ден ќе биде и актуелниот министер за здравство Фатмир Меџити. „Треба да се знае дека има добар одзив и дека некои предлози се поклопуваат, ама ќе направиме распоред за наредната недела. Секако еден од повиканите ќе биде и поранешниот директор Васев“, кажа Мизрахи. Како што и познато на јавноста, рече Мизрахи, досега беа министерот за здравство Беким Сали и за внатрешни работи Оливер Спасовски за кој рече дека е симптоматично зошто МВР молчело шест години. „Мојот впечаток е дека Сали даде придонес и кажа зошто беше таква разрешницата со директорот Васев, но потоа беше и Сали разрешен што дава една сенка. Почнал да разрешува неправилности, па и тој бил разрешен. Спасовски пак спомена дека МВР имало интервенција во работата на Клиниката за онкологија, но Спасовски е шест години министер за внатрешни работи. За мене затаила функцијата на МВР, што правеше до септември 2023 година МВР. Зошто немало ништо од МВР, доколку постоел сомнеж МВР требало да ги стопира неправилностите во работата“, рече Мизрахи. Според неа работата не е да ги оцрниме белите мантили бидејќи како што рече во здравството има и луѓе кои работат посветено. „Заклучоците од Анкетната комисија ќе се достават до Собранието и кога ќе се усвојат треба да бидат и коректив за понатамошното работење како на оваа Клиника, така и воопшто“, вели Мизрахи. Мизрахи посочи дека роковите прават притисок да се заврши работата, но и се добри затоа што не треба да се разводнува работата. Претседателката на Анкетната комисија за случајот Онкологија, Мизрахи потенцираше дека во целата оваа работа важна улога имаат и други институции, не само клиниките или клиниката во случајов и министерството за здравство. „Фондот за здравство исто е многу важен дел генерално во здравството, како и во овој случај, тука е и Агенцијата за лекови, Државниот санитарен и здравствен инспекторат, Државната ревизија, која на пример во овој случај ни даде многу информации од типот дека се суспендирани сите контролни механизми“, кажа Мизрахи.

Денеска по 13ти пат коњаницата „Бигорски Манастир – Патот на Црешовото Топче“ пристигна во Бигорски Манастир (ФОТО+ВИДЕО)

Магдалена Андонова — Wed, 27 Jul 2022 16:52:13 +0000

Денеска како и секоја година по 13ти пат коњаницата „Бигорски Манастир - Патот на Црешовото Топче“ пристигна во Бигорски Манастир, каде како и секоја година положи свечена заклетва и избра нов војвода кој ке ги води по патот се до Крушево, а оваа година честа да ја води коњаницата му припадна на Христијан Мојсовски - Кице. МАРШРУТА НА КОЊАНИЦАТА "БИГОРСКИ МАНАСТИР- патот на црешовото топче-2022 година По повод 119 години од одбележувањето на ИЛИНДЕНСКОТО ВОСТАНИЕ, симболот на македонскиот непокор, здружението Бигорски манастир ,,Патот на црешовото топче" по тринаесетти пат ќе учествува преку организиран коњанички марш. Коњаницата оваа година ќе има учесници од Битола, Струмица , Скопје и неколку други градови од Македонија и се очекува околу 40 коњаници да се вклучат на овогодишната манифестација 10 дена крушевска република. Коњичкиот марш има за цел да го продолжи аманетот на славните јунаци од Иленденското востание и дека без разлика на различностите, најважна е МАКЕДОНИЈА. Во време кога нашата историја, традиција е оспорувана и напаѓана, токму ние младите треба да бидеме чувари на истото. Традицијата е коренот на еден народ, а народот кој не се грижи за својот корен брзо ќе исчезне. ГОРДО, ДОСТОИНСТВЕНО ЌЕ ОДАДЕМЕ ПОЧИТ НА СЛАВНИТЕ ИЛИНДЕНЦИ. ДА ЈА ПОЧИТУВАМЕ И НЕГУВАМЕ ТРАДИЦИЈАТА. МАРШРУТА НА КОЊАНИЦАТА "БИГОРСКИ МАНАСТИР- патот на црешовото топче-2022 година 26 јули 2022 вторник : Коњаниците ќе тргнат од с. Зубовце, с. Тумчевиште и Гостивар кон Бигорски Манастир и Крушево, по патот по кој било пренесено првото црешово топче како поддршка на илинденските востаници. 27.07.2022 среда: 10.00 часот Бигорски Манастир: Литургија ,Благослов и Заклетва. 11.00 часот Коњаницата по благословот во Бигорскиот манастир тргнува на пат за Јанче. 12,00 часот Пристигнување во с. Јанче, коњаницата од с.Јанче патува кон с.Галичник. 13.30 часот пристигнување во с.Галичник. 15.30 часот Коњаницата од селска ливада во Галичник тргнува за бачило Салтаница. 20.00 часот Пристигнување на коњаницата во бачило Салтаница. 28.07.2022 Четврток: 07.00 ч. Тргнување на коњаницата од бачило Салтаница и патува покрај бачилото Сулумуница. 11.00 часот пристигање на бачило Раштанец, по мала пауза коњаницата тргнува кон Кнежињо. 16.00 часот Пристигнување во Манастирот - Кнежино. 29.07.2022 Петок: 07.00 часот Тргнување од Манастирот во Кнежињо кон Крушино. 09.00 часот Пристигнување во Крушино. 10.00 часот Коњаницата влегува во Кичево на раскрсница кај борова шума -Коњаницата се упатува кон црквата во Кичево..Коњаницата после благословот од црквата се упатува кон с. Врањешница. 12.00 часот Коњаницата се упатува спрема општа болница во Кичево и излага на магистрален пат за с. Србјани. Коњаницата се упатува по селскиот пат Староец. 11.00 часот коњаницата влегува во с. Врањешница во црква СВ Илија. 30.07.2022 Сабота: 11.00 часот Коњаницата тргнува за пат за Цер.- По патот за сел Цер коњаницата поминува низ Турла и с.Црцко. 15.00 часот пристигнување во с Цер. 31.07.2022 Недела: 9.00 часот Коњаницата од с.Цер по патот за Крушево поминува низ с. Пуста Река покрај С, Долно Дивјанци и покрај Арилево 14,30 часот пристигнуване на езерото во Крушево -кампот на коњаницата Бигорски Манастир патот на црешовото топче. Коњаницата СВ ЈОВАН БИГОРСКИ ПАТОТ НА ЦРЕШОВОТО ТОПЧЕ по тринаесети пат ќе учествува на прославата 10 дена КРУШЕВСКА РЕПУБЛИКА.