бијонсе – Kurir.mk

Бијонсе и Тејлор Свифт – двигатели на растот на американската економија

Ивана Ефремовски — Mon, 02 Oct 2023 12:12:54 +0000

Американската стопанственичка Тина Ноулс ги прославува две од можеби најактуелните музички турнеи за 2023 година - „Renaissance Tour“ на ќерка ѝ Бијонсе и „Eras Tour“ на Тејлор Свифт. Според претприеменичката, токму овие два потфати во голема мера го придвижуваат растот на американското стопанство. На Инстаграм, Ноулс прво сподели слика од Фејсбук-објава со напис од „Њујорк тајмс“, поврзана со подробна анализа на економското и културното влијание на турнејата на нејзината ќерка Бијонсе. „Ова е толку прекрасно! Да можеш да ја стимулираш економијата не е мал подвиг! @beyonce", напиша мајка ѝ, пофалувајќи ја и другата поп-пејачка во својот став. - „И @taylorswift ! Самото тоа што се млади жени и се во можност да го доживеат ова, е толку прекрасно!!! Горда сум на двете!“ Турнејата „Ренесанса“ на Бијонсе почна на 10 мај во Шведска и ќе заврши на 1 октомври во Канзас Сити, САД. Пред почетокот, „Форбс“ проценуваше дека Бијонсе ќе заработи речиси 2,1 милијарда долари од овие концерти вкупно. За време на турнејата, Бијонсе пренасочи два милиони долари за студентите и малите бизниси преку нејзината добротворна фондација „Бијгуд“ (BeyGOOD). Турнејата „Ерас“ на првично требаше да трае од 17 март до 9 август. Но, Тејлор Свифт додаде дополнителни датуми, па сега има закажани настапи и за 2024 година, и во САД и ширум светот. Така, оваа турнејата има уште 13 месеци до крајот, а се проценува дека пејачката досега заработила милијарда долари од влезници, при што „Полстар“ проценува дека тие приходи до Нова Година ќе надминат 1,4 милијарди долари. (МИА)

Диетата на Бијонсе и Џеј Зи: Трае две недели, а една намирница е клучна за секој оброк – Дали би ја пробале?

Ристе Здравков — Thu, 06 Jul 2023 19:56:05 +0000

Бијонсе и нејзиниот сопруг, раперот Џеј Зи, се обидуваат да се грижат за својот изглед, но во еден момент од животот сепак се бореле со вишокот на килограми. Како што еднаш откриле, тогаш преминале на популарната медицинска или болничка исхрана. Со едноставно мени и 3 оброци на ден, вишокот килограми се елиминира со забрзување на метаболизмот. Овој начин на слабеење е поздрав од рестриктивните диети, а првите резултати се видливи многу брзо. Препорачливо е да се придржувате до диетата 15 до 18 дена, а важно е да се исклучат од исхраната шеќерот, тестенините, компирот и сите житни производи. Исто така, не е дозволено консумирање на алкохол, а потребно е да се пијат 2 литри вода дневно. Намирницата која се повторува во скоро секој оброк се портокалите, а менито е прилично едноставно. Појадокот секогаш се состои од исти намирници и тоа: 1 портокал, 1 парче тост и шолја чај или, пак, кафе. За вечера и ручек се препорачува комбинација од варени јајца, двопек, портокали, говедско месо и зеленчук. Значи, ако јадете јајца за ручек, изберете месо за вечера и обратно. Се препорачува и намалување на внесот на сол, а максималната препорачана доза е 5 грама дневно. Откако ќе завршите со диетата, постепено воведувајте нормална исхрана. Сепак, ограничете го внесот на шеќер и сложени јаглехидрати

ВИДЕО: Селена Гомез во жестока расправија со обезбедувач

Ивона Петрова — Mon, 29 May 2023 16:14:35 +0000

Селена Гомез во петокот присуствуваше на концертот на Бијонсе, а обожавателите го снимија моментот на нејзината расправија со чуварот. Имено, при пристигнувањето на концерт во Париз, Селена била видена како жестоко се расправа со обезбедувачот кој ја придружувал. Сè уште не е јасно која е причината за нејзината бурна реакција, но сепак се издвојуваат две причини. Корисниците на социјалните мрежи шпекулираа дека мажот бил дел од нејзиното лично обезбедување, бидејќи неколку пати бил забележан како ја следи за време на концертот и дека доцнење на концертот е причината поради која таа го нападнала. Според други таа наводно ги бранела своите обожаватели од обезбедувањето кое ги турнало за време на случајната средба.

Selena Gomez defended a fan from being pushed by her own security guard.❤️ Selena defended her fans so strongly!!!#SelenaGomez #PriyAnkit pic.twitter.com/H2nsK3VGTO
— Forgella (@Forgella26) May 28, 2023

Бијонсе со моќна порака по смртта на Тина Тарнер: Моја сакана кралице…

Ивана Ефремовски — Thu, 25 May 2023 17:16:58 +0000

Среде нејзината турнеја „Ренесанса“, Бијонсе објави емотивна порака на својата веб-страница посветена на Тина. -Моја сакана кралица, те сакам бескрајно. Многу сум благодарна за твојата инспирација и за сите начини на кои ни го трасираше патот. Ти си сила и издржливост, ти си олицетворение на моќта и страста. Сите ние сме толку среќни што бевме сведоци на твојата добрина и прекрасен дух кој вечно ќе живее, напиша Бијонсе.

Бијонсе и Џеј Зи ја купија најскапата куќа во Калифорнија

Ивона Петрова — Mon, 22 May 2023 10:08:55 +0000

Американската ар-ен-би пејачка Бијонсе и раперот Џеј Зи си приредија луксузна вечера во елитниот „Бар кај Хари“ во центарот на Лондон откако го купија најскапиот имот во Калифорнија. Пејачката е во посета на Велика Британија во рамките на нејзината светска турнеја „Renaissance“. Според „Пејџ сикс“ (Page Six), кој се повикува на очевидци, парот вкусил „вкусно суфле“ во друштво на египетскиот претприемач и милијардер Насеф Савирис. Според наводите, двојката, меѓу другото, го прославувала и неодамнешно купување на палатата во Малибу, САД, вредна 200 милиони долари - најскапиот имот некогаш продаден во Калифорнија. Треба да се напомне и дека ова е вториот најскап купен имот во САД. Поскап е само претходно продаден стан во Њујорк - 238 милиони долари. Куќата е дизајнирана од јапонскиот архитект Тадао Андо, кој исто така работеше и на имотот на Кање Вест од 57 милиони долари. Таа беше понудена на аукција од колекционерот на уметнички дела Вилијам Бел, кој потрошил 15 години градејќи ја палатата. Тој првично побарал 295 милиони долари, но сепак направи отстапка. Бијонсе и Џеј Зи веќе имаат палата во Бел Ер - имот што го купија пред шест години за 88 милиони долари. Куќата сега се проценува на 100 милиони долари. Инаку, славните музичари се венчаа 2008 година, а ги имаат 11-годишна ќерка Блу Ајви и петгодишните близнаци Сер и Руми.

Бијонсе започна светска турнеја: Обожавателите воодушевени, но многумина се загрижија поради ОВАА причина

Ивана Ефремовски — Fri, 12 May 2023 08:08:53 +0000

Една од најголемите светски ѕвезди, позната по својот неверојатен глас, ненадминатите хитови и награди со кои собори бројни рекорди, Бијонсе вчера ја започна својата светска турнеја која ќе се состои од четириесетина настапи. Бијонсе ги остави сите без здив синоќа со организацијата, костимите и нејзиниот настап. Пејачката е во четириесеттите години, но тоа не ја спречи да им приреди шоу за паметење на своите фанови, а социјалните мрежи беа преплавени со коментари дека нејзините години не можат ништо. Сепак, има и загрижени обожаватели кои тврдат дека изостана енергичната изведба полна со танцови потези што ги очекуваа од Бијонсе. Некои забележале дека пејачката не ги изведува движењата по кои е позната. На социјалните мрежи се појавија гласини дека тоа е резултат на операција на стапалото на која пејачката беше подложена пред неколку месеци, што таа никогаш официјално не ја потврди. „Бијонсе не мрда со стапалото, ногата сигурно не ѝ закрепнала“, „Бијонсе танцува со половина нога“, „Изгледа дека е крајно внимателна со стапалото (веројатно лекарски совет)“, беа само дел од коментарите по синоќешниот настап на пејачката во Стокхолм.

Бијонсе и „Адидас“ ја прекинале соработката?

Ивона Петрова — Mon, 27 Mar 2023 13:18:47 +0000

Американнската ар-ен-би пејачка Бијонсе и спортскиот бренд „Адидас“ наводно ја прекинале соработката, пишуваат западните медиуми. Веста за прекинувањето доаѓа речиси два месеци откако продажбата на линијата облека на Бијонсе - „Ајви парк“, опадна за 50 отсто, што ѝ донесе само 40 милиони долари во 2022 година во споредба со 93-те милиони во 2021 година. Во тоа време, „Волстрит журнал“ предвидуваше дека колекцијата на Бијонсе лани ќе ѝ донесе повеќе од 250 милиони долари приход, но сепак, во пет од последните шест изданија на колекцијата, приближно половина од произведената стока не се продаде, а тоа би значело огромна загуба за „Адидас“. Патем, колекцијата на Бијонсе има неколку стилови за возрасни и деца - хеланки, дуксери, фустани, чорапи, спортски градници и патики, во големини од XXXС до XXXXЛ. Последната линија беше во портокалова и сина боја. Пејачката го избра и раперот Ајс Спајс за во рекламите за таа облека.

Бијонсе освои четири „Греми“ награди и нов рекорд

Катерина Бојаџиева — Mon, 06 Feb 2023 08:27:21 +0000

Пејачката Бијонсе стана најуспешната добитничка на музичките „Греми“ награди досега, но на синоќешното доделување во Лос Анџелес ѝ побегна можеби најбитната награда - за најдобар албум, којашто ја доби Британецот Хари Стајлс, за „Harry's House“. Бијонсе освои четири награди - за најдобра ар-ен-би песна, традиционална ар-ен-би изведба, денс/електронски албум и денс/електронски запис. Taкa, таа во кариерата досега има вкупно 32 „Греми“ одличја - што е нов рекорд. Блуз, фолк и кантри-ветеранката Бони Раjт (73) ја доби наградата за песна на годината, за „Just Like That“. Признанието ѝ го врачи првата дама на САД, Џил Бајден, која беше една од доделувачките на свеченоста. Лизо ја доби наградата за најдобар запис на годината, за „About Damn Time“, а Адел ја има најдобрата соло-изведба во категоријата поп. Раперот Кендрик Ламар кој освои три награди - за најдобра рап-изведба, рап-песна, за „The Heart Part 5“ и најдобар рап-албум - „Mr. Morale & the Big Steppers“. Наградите Греми, основани 1959 година, се годишно признание за придонес во музиката и дискографијата од страна на Американската академија за уметности и науки за музички запиcи (НАРАС).

ФОТО: Прва после седум години: Бијонсе најави спектакуларна светска турнеја

Ристе Здравков — Thu, 02 Feb 2023 15:05:18 +0000

Американската ар-ен-би пејачка Бијонсе ја најави нејзината светска концертна турнеја „Renaissance“, на која ќе одржи дури 43 концерти ширум светот. Таа го објави седмиот студиски албум „Renaissance“ во јули годинава, а сега нејзините обожаватели, конечно, ќе имаат можност да ги слушнат песните од албумот во живо. Европскиот дел од турнејата ќе почне во главниот град на Шведска, Стокхолм на 10 мај, по што ќе следуваат концерти во Белгија, Велика Британија, Франција, Германија, Холандија и Полска.

View this post on Instagram

A post shared by Beyoncé (@beyonce)

Бијонсе ќе го започне северноамериканскиот дел од турнејата со концертот во Торонто, Канада на 8 јули. Потоа, ќе одржи концерти во Филаделфија, Луисвил, Чикаго, Њујорк, Бостон, Мајами, Лас Вегас, Лос Анџелес, Хјустон итн., а турнејата ќе заврши со концертот во Њу Орлеанс на 27 септември. Целосната листа со датумите можете да ја прочитате тука. Се очекува дека побарувачката за билетите ќе биде навистина голема бидејќи ова ѝ е прва солистичка турнеја по турнејата „The Formation“ во 2016 година. Генералната продажба на билетите ќе започне на 7 февруари, меѓутоа дел од билетите веќе ќе бидат пуштени во претпродажба уште денес.

View this post on Instagram

A post shared by Beyoncé (@beyonce)

Бијонсе и Џеј Зи го срушија рекордот: Вкупно 176 номинации за престижната награда Греми

Магдалена Андонова — Thu, 17 Nov 2022 19:52:00 +0000

Еден од најпознатите светски парови, музичарите Бијонсе и Џеј Зи, го соборија рекордот и станаа уметници со најмногу номинации за Греми на сите времиња, со по 88 номинации. Севкупно, оваа музичка двојка има 176 номинации за Греми, што е рекорд, а треба да се напомене дека Бијонсе е и најнаградуваниот музички изведувач во историјата, со дури 28 Греми. А само малку помалку успешен Џеј Зи. Раперот досега има освоено 21 Греми во сите четири рап категории, а моментално е изедначен со Канје Вест.