бил клинтон – Kurir.mk

Бил Клинтон позитивен на коронавирус

Ивона Петрова — Thu, 01 Dec 2022 07:23:45 +0000

Поранешниот американски претседател Бил Клинтон објави дека е позитивен на тестот за Ковид-19 и дека има благи симптоми. -Имам благи симптоми, но генерално сум добро и сум дома, напиша на Твитер 76-годишниот демократ, кој служеше во Белата куќа од 1993 до 2001 година. „Среќен сум што бев вакциниран и што примив засилувачка доза“, додаде тој и ги повика „сите да го прават истото, особено кога се наближува зимата“. 42-от американски претседател беше хоспитализиран во октомври 2021 година поради инфекција на уринарниот тракт која се прошири во крвотокот, предизвикувајќи сепса. Бил Клинтон имаше многу здравствени проблеми во минатото. По напуштањето на Белата куќа, тој се вклучи во многу хуманитарни и дипломатски активности.

I’ve tested positive for Covid. I’ve had mild symptoms, but I’m doing fine overall and keeping myself busy at home. I’m grateful to be vaccinated and boosted, which has kept my case mild, and I urge everyone to do the same, especially as we move into the winter months.
— Bill Clinton (@BillClinton) November 30, 2022

Бил Клинтон отпуштен од болница

Катерина Бојаџиева — Sun, 17 Oct 2021 16:45:26 +0000

Поранешниот американски претседател Бил Клинтон во придружба на неговата сопруга, поранешната државна секретарка Хилари ја напушти болницата во Калифорнија. Клинтон беше хоспитализиран на 12 октомври откако беше на собир на неговата фондација во Калифорнија. Бил Клинтон (75) беше претседател на САД од 1993 до 2001 година.

Бил Клинтон излегува од болница

Ивона Петрова — Sun, 17 Oct 2021 07:03:54 +0000

Поранешниот американски претседател Бил Клинтон се очекува денеска да биде пуштен од болница во Калифорнија, каде што се лекува од инфекција неповрзана со Ковид-19, соопшти неговиот портпарол. Клинтон заздравува од инфекцијата и наскоро ќе биде отпуштен од болница, изјави вчера актуелниот претседател на САД, Џо Бајден. Бајден истакнал дека разговарал со Клинтон, кој во вторникот бил сместен во болница во Калифорнија поради уринарна инфекција. -Добро му е, навистина. Не е во сериозна ситуација. Наскоро ќе излезе, колку што разбрав. дали тоа ќе биде утре или ден подоцна, не знам, вели Бајден. Клинтон бил примен во болница бидејќи уринарната инфекција влегла во крвотокот, но не дошло до состојба на септички шок, која може да го загрози животот. Клинтон (75) беше претседател на САД од 1993 до 2001 година.

Поранешниот американски претседател Бил Клинтон примен во болница

Ивона Петрова — Fri, 15 Oct 2021 05:36:47 +0000

Поранешниот американски претседател Бил Клинтон во вторникот бил примен во болница во Калифорнија под сомнение за крвна инфекција, јави синоќа Си-Ен -Ен. Си -Ен -Ен јави дека Клинтон (75) била сместен на Одделот за интензивна нега заради сомнение за инфекција на крвта. Неговата состојба не е поврзана со неговите претходни проблеми со срцето или Ковид-19, додаде Си-Ен-Ен. Претставници на Медицинскиот центар на Универзитетот во Калифорнија се надеваат дека поранешниот американски претседател наскоро ќе биде отпуштен од болницата, откако беше хоспитализиран поради труење со крв. „Бројот на бели крвни клетки се намалува, добро реагира на антибиотици … Се надеваме дека наскоро ќе успееме да го пуштиме на домашно лекување“, изјави портпаролката на Клинтон, Ангел Уренија на Твитер. Лекарите забележаа дека биле во постојан контакт со тимот лекари на Клинтон во Њујорк, особено со неговиот кардиолог, бидејќи политичарот претходно беше опериран од срце. Си-Ен-Ен дознава дека проблемот кај Клинтон настанал откако се заразил со инфекција на уринарниот тракт, што потоа влегла во циркулаторниот систем, но за среќа инфекцијата била рано откриена, благодарение на што добро реагирал на третманот.

ВИДЕО: Бил Клинтон задрема за време на инаугурацијата на Бајден

Дарко Андоновски — Thu, 21 Jan 2021 15:34:14 +0000

Поранешниот американски претседател Бил Клинтон, во периодот од 1993 до 2001 година, задрема за време на вчерашната инаугурација на 46. претседател на САД, Џо Бајден, пишува „Њујорк пост“. Во кратко видео, кое се прошири низ социјалните мрежи, се гледа како Бил Клинтон не може да ги задржи очите отворени, а неговата глава постепено се наведнува надолу кон градите, додека трае инаугурацијата во Вашингтон. Клинтон на церемонијата седеше до својата сопруга Хилари, меѓу останатите поканети официјални лица.

Почина Американката која ја откри аферата на Клинтон со Моника Левински

Ивона Петрова — Thu, 09 Apr 2020 09:19:08 +0000

Американката Линда Трип, која тајно ги снимаше разговорите на поранешниот претседател Бил Клинтон и неговата соработничка Моника Левински и ја откри нивната афера, почина на 70-годишна возраст, објави нејзиниот адвокат. Трип стана позната на јавноста во 1998 година, кога во процесот на отповикување на Клинтон приложи снимки од неговите разговори со Левински, кои станаа главен доказ за случајот. За време на скандалот таа беше државна службеничка, а од 1994 година работеше за Пентагон. Во јануари 2001 година ја загуби работата во Пентагон и речиси 100.000 американски долари годишна плата кога стапи на сила администрацијата на Џорџ Буш. Потоа, Трип го тужеше Министерството за одбрана, тврдејќи дека официјален претставник на Пентагон во 1998 година му дал на Њујоркер доверливи лични информации за неа и како дел од спогодбата постигната кон крајот на 2003 година, добила повеќе од 595.000 американски долари ретроактивно, унапредување и поголема плата за последните три години работа.

22 години по секс-аферата која го шокираше светот: Бил Клинтон ја открива причината за врската со Моника Левински

Ивана Ефремовски — Fri, 06 Mar 2020 14:11:42 +0000

Некогашниот претседател на САД, Бил Клинтон, вели дека неговата сексуална афера со Моника Левински претставувала начин да се избори со стресот и анксиозноста. Бил Клинтон во документарецот „Хилари“ изнесе нови детали за секс скандалот, кој во деведесеттите години од минатиот век ја тресеше Америка. Клинтон објасни дека аферата, која речиси ја уништи неговата кариера, претставувала начин да се избори со анксиозноста и притисокот, кој го чувствувал при водењето на државата. Како што вели самиот, Бил Клинтон се чувствувал како боксер кој одриграл 30 рунди, па, додава, романсата со тогаш 22-годишната Моника Левински за него во тој момент била начин да се опушти на кратко. Клинтон призна дека во прв момент ја лажел сопругата Хилари и ја негирал аферата со Левински, меѓутоа, вели и дека било доста логично оти тој лаже. -Седев на креветот и разговарав со неа. И кажав што точно се случи. Реков дека се чувствувам ужасно поради тоа – открива Клинтон. Од друга страна, Хилари Клинтон во документарецот ја раскажа својата страна на приказната, истакнувајќи дека се чувствувала поразено. -Не можев да верувам. Бев доста повредена и не можев да поверувам дека ме лаже – раскажа поранешната прва дама, која на последните претседателски избори во САД беше кандидат за оваа функција и ја застапуваше Демократската партија. Хилари и Бил Клинтон тогаш посетуваа брачна терапија, која Хилари ја опиша како „болна и мачна расправа“. Бил призна и дека се чувствува ужасно поради тоа што токму тој скандал го дефинираше животот на Моника Левински. Сепак, тој додава и дека е време Моника да продолжи понатаму. -Со текот на годините забележав дека таа се обидува одново да води нормален живот, но самиот мораш да дефинираш што значи тоа „нормално“, вели Бил во документарецот кој го режираше Ненет Берстин.

Расветлена аферата од Белата куќа: Клинтон прозборе за Моника Левински

Ивона Петрова — Fri, 06 Mar 2020 09:18:19 +0000

Новиот документарец за Хилари Клинтон дава светло на најпознатио секс-скандал во Белата куќа. Поранешниот претседател на САД, во документарниот филм „Хилари“ истакнал дека кога ја запознал Моника Левински бил под голем стрес поради работата и дека аферата со неа му помогнала да се носи со проблемите и да ги оттргне мислите од истите. Воедно, Бил Клинтон првпат јавно и се извини на Левински и додал дека жалли што таа станала позната во светот по нивната врска. За потсетување, Клинтон последен пат зборуваше за скандалот во 2018 година и предизвика згрозување кај јавноста кога истакна дека на Левински не и должи јавно извинување. Во документарецот раскажува како во 1998 година морал се’ да и раскаже на својата сопруга Хилари, по што следувале долго и мачно брачно советување. -Седев на креветот и разговарав со неа. И кажав се’ што се случило и како се случило. И реков дека се чувствувам грозно, поминавме многу работи последните неколку години. Немав објаснување, а тоа што го направив не е за простување, истакна Бил. Хилари исто така пред камерите го искоментирала скандалот. -Бев скршена. Не можев да верувам. Бев толку повредена што не можев да верувам. Не можев да поверувам дека ме лажеше, истакнала таа и додала дека во тој момент му кажала на Бил дека ова треба да и го каже и на нивната ќерка, што му паднало уште потешко. На прашањето зошто го ризикувал својот брак, семејството и кариерата Бил истакнал дека во тој момент воопшто не размислувал на тие работи. Притисокот кој му го носела должноста која ја извршувал во Белата куќа бил преголем. -Тоа не е мое извинување, само објаснување. Се чувствувам ужасно, открива Бил. Двајцата се согласуваат дека брачното советување било тешко и болно.

Откриени тајни документи: Клинтон спречил формирање на „Голема Србија“ и „Голема Хрватска“ (ФОТО)

Предраг Кукиќ — Tue, 21 May 2019 18:52:10 +0000

Слободан Милошевиќ и Фрањо Туѓман заедно планирале формирање на „Голема Србија“ и „Голема Хрватска“ на сметка на муслиманите во Босна и Херцеговина, тврдел поранешниот американски претседател Бил Клинтон во разговорите со поранешните германски канцелари Хелмут Кол и Герхард Шредер во деведесеттите години. Ова го откриваат американските депеша од кои е тргната ознаката „доверливо“. Како што пренесува „Република.рс“, во еден од разговорите Кол и Клинтон изразуваат загриженост дека Туѓман и Милошевиќ ќе ја поделат БИХ. Тогаш ќе имаме Голема Србија и „Голема Босна“ и тоа и натаму ќе биде опасност-му велел Кол на Клинтон во 1995 година. Клинтон на тоа одговорил: САД сакаат да ја зацврстат муслиманско-хрватската федерација и не сакаме Туѓман и Милошевиќ да се догововараат зад грб на сите. Јас тоа ќе го спречам.

Левински со сочни детали: Клинтон ми ги виде гаќичките, па имавме секс во бањата

Ивана Ефремовски — Wed, 14 Nov 2018 10:10:18 +0000

Моника Левински се отвори и одлучи јавно да ги раскаже пикантериите што со години ја скокоткаат фантазијата на јавноста, од тоа како ја завел Бил Клинтон, до дамката на нејзиниот легендарен фустан. Левински во нов документарен серијал признава дека за време на нејзините први денови во Белата куќа „паднала“ на претседателот на САД, честопати и флертувала со него, а во една прилика и намерно се облекла така да и се гледа долната облека за да му го привлече вниманието. -На роденденска забава на вработен во Белата куќа, ми се гледаа гаќичките. Тоа никој друг не го забележа, но Клинтон го забележа, раскажала Левински. Документарец Левински објаснила дека одлучила да учествува во документарецот „Аферата Клинтон“, затоа што не сака никогаш нешто слично да и се случи на друга девојка. Во епизода што ја гледале од „Њујорк пост“, Моника рекла дека воопшто не знаела дека има дамка на фустанот. Таа објаснила дека дамката останала после сексот со Бил Клинтон во бањата во Овалната соба, откако тој и подарил украсна игла за шешир и книгата „Лисја од трева“ од Волт Витман и ја опсипал со комплименти. Секс во Овална соба Моника се потсетила дека влегла во Овална соба со Клинтон и неговата секретарка, која за кратко ги оставила сами. Клинтон и ги дал подароците и и рекол: „Слатка си со тие свои шешири“. -Се упативме кон бањата, каде што станавме уште поинтимни. Ми делеше комплименти, јас возвраќав. Дојдовме до точка кога тој во претходните средби секогаш би запрел. Застанав и прашав дали сака да продолжи. Тој конечно рече „ОК“ – раскажала Левински и додала дека тогаш имале секс, после кој таа го прегрнала и тој неа, по што си заминала. Истиот ден излегла на вечера, но никој од луѓето што ги сретнала не и рекол дека има дамка по цел фустан. ДНК Кога се појавија информации за аферата, Клинтон негирал. Но, подоцна фустанот послужил како доказ, бидејќи на него останала ДНК на Клинтон, па тогашниот претседател на САД немал избор, освен јавно да ја признае дека бил со младата приправничка. Скандалот наскоро стана глобален.

Monica Lewinsky details Bill Clinton affair, terrifying meeting with investigators in new doc https://t.co/I9dPl8LcVY pic.twitter.com/3Ys1Vr294W
— DailyHoustonNews (@DailyHoustonNew) November 13, 2018