билборди – Kurir.mk

Димитриеска Кочоска: Тоа што СДСМ во време на криза троши пари на билборди покажува дека не ги интересира како ги трошат парите на граѓаните

Ивана Ефремовски — Thu, 22 Sep 2022 10:37:15 +0000

Tоа е уште еден доказ дека се однесуваат како да нема енергетска криза во државата, како да нема економска криза, како да немаме висока инфлација и сега тие парите ги распрчкуваат и ги трошат на глупости, на некакви билборди со комплетно погрешна содржина, а граѓаните знаат дека тоа не е така. Вака потпретседателката на ВМРО-ДПМНЕ, Гордана Димитриеска Кочоска одговори на новинарско прашање за коментар околу тоа што во време на криза СДСМ троши пари на билборди против ВМРО-ДПМНЕ. Димитриеска Кочоска исто така додаде дека луѓето во СДСМ немаат домаќински пристап во трошењето на парите на граѓаните во време на криза и затоа се потребни предвремени парламентарни избори. -Повеќе од јасно е дека СДСМ воопшто не ги интересира како ќе ги трошат парите на граѓаните и затоа спомнав дека под итно ни се потребни предвремени парламентарни избори затоа што овие луѓе немаат домаќински пристап во трошењето на парите. Нив ги интересира да се склучуваат нови коалиции, да си бранат некакви личности кои што од нејасни причини имаат несогласување со ВМРО-ДПМНЕ. Легитимно е во демократски услови некој да не се согласи и да имаат различни ставови по одредени прашања како што е ситуацијата со госпоѓата Арсовска, но во исто време не можам да разберам, бидејќи државата има економска и енергетска криза, а тие се занимаваат со глупости, притоа трошејќи ги, ќе повторам недомаќински парите кои што ги даваат граѓаните, потенцираше Димитриеска Кочоска.

Касами го одржа ветувањето: На билборди го објави долгот на општина Тетово (ФОТО)

Тале Кристо — Thu, 16 Dec 2021 07:54:12 +0000

Градоначалникот на општина Тетово, Билал Касами го одржа своето ветување во врска со објавувањето на долгот на општина во првите 100 дена. Касами се обврза дека долгот на општината пред граѓаните ќе го објави на билборди, како и на монитор на плоштадот „Илириа“. Денеска, по улиците на Тетово, на билборди може да се забележи колкав е всушност долгот на општината.

Билборд кампања: Заев не задолжи 2 милијарди евра, можете ли да се сетите барем на еден видлив проект? (ФОТОГАЛЕРИЈА)

Дарко Андоновски — Wed, 11 Nov 2020 14:28:10 +0000

На повеќе локации во Скопје осамнаа билборди со содржина која речиси им е позната на сите граѓани на нашата земја. Имено на билбордите пишува дека „Заев не задолжи 2 милијарди евра. Можете ли да се сетите барем на еден видлив проект кој го направи?“. Инаку минатата недела и лидерот на ВМРО-ДПМНЕ преку статус на Фејсбук напиша што се ветил, но не исполнил Заев пред граѓаните. -Пред повеќе од една година Заев вети нов инвестициски пакет од 5 милијарди евра. Епилогот по година дена е: ❌долг од плус 2 милијарди евра. ❌секое семејство задолжено за нови 4 илјади евра ❌за само 9 месеци пад на индустриското производство од 12.1% ❌за 4.7% намален бројот на работници во индустријата ❌до крајот на годината се очекува пад на БДП поголем од 5% Парите се потрошија, народот не памети ниту еден проект. Новиот инвестициски пакет кој Заев го вети е реален колку што се реални: ❌инвестициите на Google и Facebook, ❌колку 5те инвестиции кои ги најави за септември, ❌колку решенијата за Еурокомпозит и Колска, ❌колку 700 км автопатишта, ❌колку странската инвестиција за фабрика за отпад во Дрисла, ❌колку клиничкиот центар кој требаше да биде готов... Значи ништо од ова! Некои од власта лажат повремено, само Заев постојано, стои во неговиот пост на Фејсбук.

Пред повеќе од една година Заев вети нов инвестициски пакет од 5 милијарди евра. Епилогот по година дена е: ❌долг од... Posted by Hristijan Mickoski on Monday, November 2, 2020

По поставените билборди се обративме и до ВМРО-ДПМНЕ од каде портпаролот Наум Стоилковски ни изјави дека паријата стои зад билборд кампањата. -Да ВМРО-ДПМНЕ стои зад билборд кампањата која ја отсликува реалноста која ни ја донесе Заев, а тоа се 2 милијарди долг, 40 илјади невработени, над илјада мртви од коронавирусот, пропадната банка во скандал тежок 200 милиони и уште многу друг хаос кој секојдневно го живееме, вели Стоилковски.

Жугиќ: Огромен дел од финансиски средства ќе се одлеат за дислокација на 250 билборди

Ивана Ефремовски — Sat, 23 May 2020 12:04:44 +0000

Морам да Ви кажам дека воопшто не ја гледам поврзаноста на справување со пандемијата и тргање на билбордите. Колку што слушнав во неговата изјава оправданоста на тргањето во ова време, во оваа вонредна состојба ја гледа во ослободување на јавниот простор во однос на велосипедските патеки, меѓутоа штотуку зборува за непревземање на основни нешта заштита на вработените во културни институции значи за немање во буквална смисла на зборот сапуни. Ова како одговор на новинарско прашање го даде советничката Јелена Жугиќ во коментар за најавата на градоначалникот Петре Шилегов дека ќе преместува билборди. „А, од друга страна веројатно огромен дел од финансиски средства ќе се одлеат за дислокација на 250 билборди. Притоа се поставува едно несомнено прашање кое што веројатно и јавноста ќе ја заинтригира, значи градоначалникот во ниту една своја изјава не кажа дали е и истечена концесијата за тие билборди. Доколку не е, колку пенали ќе плати Градот Скопје бидејќи тие билборди како што јас знам се закупуваат на 10 години, на 15 години. Бидејќи тоа е еден од најатрактивните начини за рекламирање во секој град, вклучувајќи го и нашето преубаво Скопје. Сега јавно прашувам дали е истечена концесијата на закупецот? Дали станува за еден закупец за тие 250 билборди или повеќе? Ако не е истечена концесијата колку Градот Скопје ќе плаќа пенали? И притоа ако земеме во предвид дека билбордите се најатрактивниот и највпечатливиот начин на рекламирање на одредени продукти и Градот Скопје зема навистина конкретни пари од издавање на јавниот простор, верувам дека кога ќе заврши пандемијата тој јавен простор повторно ќе биде издаден, градот има потреба од рекламирање. Меѓутоа очигледно на некој друг концесионер. И несомнено е значи, не можете да не помислите дека сепак тука станува збор под превезот на справување со пандемијата Ковид – 19 и така натака за некои лични бизнис интереси на градоначалникот, кој што и те како е познат по анонимност во своето работење. Значи останува на граѓаните да прашуваат. Се надевам дека оваа тема ќе биде актуелна периодов, градоначалникот да се произнесе на овие прашања, дали е завршена концесијата, доколку не е колку ќе плаќа пенали и кога планира и каде во иднина повторно да ги постави тие рекламни паноа. Кои што пак ќе споменам се одличен начин за рекламирање и граѓаните и бизнис секторот во градот го користат како начин на рекламирање“.

Ѓорѓиевски: Палењето и фарбањето на билборди е само доказ дека СДСМ се во страшна паника и не сакаат граѓаните да ја видат реалноста

Катерина Бојаџиева — Thu, 05 Mar 2020 12:28:59 +0000

СДСМ се исплашени од пораз како никогаш до сега. Како наближува 12-ти април, така расте и нивната нервоза. Палењето и фарбањето на билборди е само доказ дека се во страшна паника и не сакаат граѓаните да ја видат реалноста. Полицијата потврди дека билбордот во Ѓорче Петров е уништен од активист кој може често да се забележи во друштво на Зоран Заев, да се забележи во друштво на Оливер Спасовски и да се забележи исто така во друштво на Стево Пендаровски, истакна Орце Ѓорѓиевски, член на ИК на ВМРО-ДПМНЕ. -Уништувањето приватен имот е казниво, а додека Заев се крие зад политичкиот имунитет, неговите послушници се соочуваат со санкции. Ова се очајни обиди за спас од одговорност. Промена на власта ќе има, а Зоран Заев ќе мора да одговара. Со ваквите негови насилнички одлуки само вовлекува дополнително и други луѓе. Колку и да се трудат не можат да ја сокријат вистинската слика за нив и за Зоран Заев. Криминалот, корупцијата и рекетот кои ги прави оваа власт не може а, да не бидат видени од јавноста во Република Македонија, рече Ѓорѓиевски и додаде: „Ниту бојадисувањето на билборди, ниту пак нивното палење нема да ја сменат реалноста дека Зоран Заев знаел за милионскиот рекет кој се случувал цела година и дека токму со негова закрила се ограбувале и пљачкале луѓе низ Република Македонија. Сторителите на вандализмот, но исто така и нивните нарачатели треба да знаат дека одговорност ќе има. Ќе одговараат и тие што ги палат билбордите, но истовремено ќе одговараат и нивните наредбодавачи“. Уште еднаш, подвлекува тој, апелираме до сите здраворазумни активисти од СДСМ кои што се излажани токму од Зоран Заев и криминалната дружина околу него да не наседнуваат на местенките од страна на фамилијата на власта. -Додека врхушката ја изрекетира цела Македонија и си ги пушти децата на школување во странство, тие тука се принудени да прават кривични дела само за да го спасуваат Зоран Заев. Никој нека не се лаже дека ќе остане неказнет. Одговорност ќе има за сите до еден.

Потврдено: Зад демолирањето на билбордите стои Заев и СДСМ

Ивана Ефремовски — Wed, 04 Mar 2020 14:30:19 +0000

Повеќе билборди ширум државата на кои се наоѓа ликот на Зоран Заев и торбата Луј Витон се уништени само неколку дена по нивното поставување. Очигледно е дека некому вистината многу му пречи, па така работи напорно на уништување на билбордите кои се репрезентација на криминалите на власта, објави Инфомакс.мк Инфомакс пишува дека во текот на вчерашната вечер било пријавено дека на улица Ѓорче Петров во близина на Кристна Дамил било забележано лице кое фрла боја на билборд со Зоран Заев. Според нивните информации се работи за лицето В.С. кое по настанот е и приведено. Лицето В.С. е партиски активист на СДСМ, а на својот Фејсбук профил има фотографии со речиси целиот партиски врв. Тој е претседател на СДСМ во Дексион и вработен на Државна лотарија. Најбројни се фотографиите на лицето со Зоран Заев.

ФОТО: Вандализирани билборди – Власта нервозна сака да не се дознае пораката за „Луј Витон“

Ивона Петрова — Tue, 03 Mar 2020 07:09:35 +0000

Власта се обидува на секој начин да спречи да се дознае вистината за криминалите на Зоран Заев и поврзаноста со „Луј Витон“ случаите. ВМРО-ДПМНЕ почна билборд кампања преку која потсетува на, како што велат, криминалните активности на екс премиерот Заев. Но, ова не и се допадна на власта која се обидува да ја сокрие вистината од граѓаните. Поставените билбордите се вандализирани и офарбани со боја со цел да се прикрие пораката и вистината за поврзаноста на Заев во криминалите кои остануваат премолчени од институциите. Очигледно на СДСМ им пречи вистината.