билети – Kurir.mk

Утре почнува продажбата на влезници за ЕУРО 2024

Ивона Петрова — Mon, 02 Oct 2023 19:41:10 +0000

Првата фаза од продажбата на влезници за Европското фудбалско првенство 2024 ќе почне утре, соопшти Европската фудбалска асоцијација (УЕФА). Заклучно со 26 октомври, до кога ќе трае првата фаза, достапни ќе бидат 1,2 милиони билети. Евроквалификациите се во тек и сè уште ниту една репрезентација нема обезбедено место на завршниот турнир, чиј домаќин од 14 јуни до 14 јули идната година ќе биде Германија. Цената на влезниците ќе се движи од 30 евра за натпревари во групната фаза, до 1.000 евра за најскапите билети за финалето во Берлин. Точниот распоред на натпреварите на ЕУРО2024 ќе биде познат по жрепката која е закажана за 2 декември во Хамбург.

Во продажба билетите за гостувањето на македонските фудбалери против Украина

Ивона Петрова — Mon, 02 Oct 2023 16:28:10 +0000

Навивачите на македонската фудбалска репрезентација од денеска можат да купат билет за гостинскиот натпревар кој избраниците на селекторот Благоја Милевски ќе го одиграат овој месец против Украина во Прага во рамки на квалификациите за ЕУРО2024. Билетите, како што соопшти попладнево Фудбалската федерација на Македонија (ФФМ), се по цена од 300 чешки круни, или приближно 755 денари, а ќе можат да се купат електронски. Македонските фудбалери ѝ гостуваат на Украина на 14 октомври, од 15 часот, во Прага на Арената „Летна“ со капацитет од 18.000 седишта. Македонската репрезентација е четвртопласирана во квалификациската група Ц со седум бодови, колку што има и Украина едно место погоре на табелата.

11.089 сезонски билети за КК Партизан обоновени, а продажбата уште не е започната

Бошко Тасиќ — Fri, 22 Sep 2023 04:11:27 +0000

Фановите на Партизан едноставно уриваат рекорди.Имено како што денеска објавија од страна на раководството на “црно – белите“, иако официјалната продажба на претплатни или сезонски билети стартува утре, “пламнале“ 11.089 билети.Имено оние кои од лани имаавакви билети само ги обновиле договорите и со тоа и во новата сезона ќе го следат својот омилен тим. Инаку според извори во КК Партизан,се очекува најмалку 15.000 сезонски билети да бидат продадени. Ако се знае дека капацитет на Арената во Белград е 22.000, тогаш јасно е дека пред секој меч во Евролигата ќе биде јагма за билети. Познато е дека Партизан, односно фановите на овој клуб во минатата сезона просто “растурија“ во поглед на посетата. Па така сега ги имаат најголемите десет посети на ТОП листата на посетени мечеви во Евролигата.

Еурофарм Пелистер задоволен од почетокот на продажбата на сезонските билети

Бошко Тасиќ — Wed, 06 Sep 2023 04:19:26 +0000

Македонскиот машки ракометен шампион Еурофарм Пелистер почна со продажбата на сезонски билети, а битолскиот клуб е задоволен откако за неколку часа продадени се неколку стотици билети. – Како до сезонски билет ?

Порталот за е-продажба на билети на РК Еурофарм Пелистер е веќе отворен.

На порталот ќе може преку реализација на електронска трансакција директно да го купите Вашиот сезонски билет или Преку апликацијата „Сезонска карта со Шпаркасе банка“ да го резервирате Вашиот билет за период од 48 часа • Шпаркасе Банка како наш верен подржувач и спонзор оваа година ќе даде и поддршка во купувањето на сезонските билети, односно ќе овозможи сумата од 6500 и 5500 денари да се плаќа на најмногу 9 еднакви месечни рати без камата преку активирање на траен налог. За таа цел: – После резервацијата на Вашиот билет (дефинирани ред и седиште) на е-порталот на РК Еурофарм Пелистер за купување билети, во наредните 48 часа ќе треба да отидете во експозитура на Шпаркасе Банка каде ќе треба да отворите сметка (доколку не поседувате активна во банката) и траен налог на најмногу 9 месеци. После завршување на оваа процедура од страна на банката ќе добиете примерок од договор за активиран траен налог и со истиот потоа ќе може да ја подигнете Вашата сезонска карта од клубот. Еден корисник на сметка во Шпаркасе банка може да купи најмногу две сезонски карти. – Во случај еден клиент да нема уплата од два последователни месеци од трансакциската сметка, билетот ќе се деактивира. Цена на поединечните билети за натпреварувачката 2023/24 година за натпреварите во Лига на Шампиони ќе изнесува: – 550 денари (Централни позиции јужна и северна трибина) – 450 денари (Странични позиции јужна и северна трибина) Цена на поединечните билети за натпреварувачката 2023/24 година за натпреварите во домашното првенство ќе изнесуваат: – Од 120 до 250 денари (Централни позиции јужна и северна трибина) – Од 100 до 180 денари (Странични позиции јужна и северна трибина) – Активирање на продажба на сезонски билети (продажбата ќе трае до 9.9.2023 до 23:59 часот)

Партизан се пофали: Надмината границата од 30.000 барања за сезонски билети

Ристе Здравков — Tue, 22 Aug 2023 10:09:20 +0000

Кошаркарскиот клуб Партизан се пофали дека е надмината бројката од 30.000 сезонски билети за новата сезона. Веќе се регистрирани 30.417 навивачи за купување на сезонски билети. Регистрацијата е предуслов за купување билети, а предност при купувањето најпрво ќе имаат сопствениците на сезонски билети од минатата сезона. Обновата на старите почнува на 28. август, а слободната продажба стартува на 13. септември. Партизан во новата сезона ќе ја брани титулата во АБА лигата, а за малку остана без Фајнлфор во Евролигата.

Ljubav je naša sve jača i jača i ona raste iz dana u dan!✊🏽🖤🤍#KKPartizan pic.twitter.com/nFQ1mRSD7G
— KK Partizan Mozzart Bet (@PartizanBC) August 22, 2023

ФФМ: Билетите за дуелот со Украина од денеска во продажба

Катерина Бојаџиева — Mon, 05 Jun 2023 19:12:29 +0000

Билетите за претстојниот натпревар на македонската фудбалска репрезентација во квалификациите за ЕУРО2024 против Украина од денеска се пуштени во продажба, објави Фудбалската федерација на Македонија (ФФМ). Влезниците за гостувањето на Украина на Националната арена „Тодор Проески“ во Скопје, на 16 јуни, се продаваат по цена од 300 и 400 денари. Навивачите ќе можат да купат влезници на билетарницата на Арената како и преку продажната мрежа на MKTickets со физичко присуство. Едно лице може да купи најмногу четири влезници, а билети ќе бидат задолжителни и за деца независно од нивната возраст.

Продажбата на билети за ЕУРО2024 ќе стартува во октомври

Дарко Андоновски — Mon, 10 Apr 2023 06:04:09 +0000

Организаторите на Европското фудбалско првенство 2024 објавија дека официјалната продажба на влезниците ќе почне на 3 октомври кога земјата домаќин го одбележува Денот на германско единствено и обединување на земјата во 1990 година.

ЕУРО2024 ќе се одржи од 14 јуни до 14 јули во десет германски градови – Берлин, Хамбург, Лајпциг, Дортмунд, Дизелдорф, Франкфурт, Гелзенкирхен, Келн, Минхен и Штутгарт.

Како земја домаќин Германија ќе биде во групата А и ќе игра во воведниот натпревар на 14 јуни во Минхен.

Финалето ќе се игра точно еден месец подоцна во Берлин.

Жрепката за составот на групи е закажана за 2 декември оваа година.

ФФМ ги пушти во продажба билетите за натпреварите со Малта и со Фарски Острови

Ивона Петрова — Thu, 16 Mar 2023 11:51:15 +0000

Фудбалската федерација на Македонија денес ги пушти во продажба на билетите за првиот натпревар на македонската фудбалска репрезентација против Малта од квалификациите за ЕП 2024 и пријателскиот меч против Фарски Острови. На 23 март (четврток), македонската репрезентација ги отвора квалификациите за ЕП против Малта на Националаната арена „Тодор Проески“ во Скопје. Четири дена подоцна, на 27 март (понеделник), во пријателски натпревар во Скопје ќе гостува селекцијата на Фарски Острови. -Продажбата на билети за натпреварот Македонија - Малта и натпреварот Македонија - Фарски Острови се одвива исклучиво преку продажната мрежа на MkTickets. Продажбата на билетите ќе се одвива исклучиво со физичко присуство на купувачите. Поради нефункционалност на читачите за билети на Националната арена, за двата натпревари нема да има on-line продажба и електронски билети, објави ФФМ Цената на билетите за Северна трибина: Блок 13, 14, 18, 19, 20, 21, 23 и 24 е 200 денари; За Јужна трибина: Блок 1, 2, 5 и 6 е 200 денари, Блок 3 и 4 по цена од 300 денари.

ФОТО: Бодрете ја Македонија, почна продажбата на билети – одбојкарски великани доаѓаат во Скопје

Ивона Петрова — Mon, 27 Feb 2023 13:23:44 +0000

Почна продажбата на билети за Европското првенство во одбојка во машка конкуренција на кое Македонија ќе биде коорганизатор. Првенството ќе се одржи во периодот од 30-ти август до 6-ти септември, а во арената „Борис Трајковски“ ќе гостуваат великанот на светската одбојка Полска, поранешниот олимписки првак Холандија, Чешка, Данска и Црна Гора. -Сегашната генерација во македонската репрезентација ќе има чест и привилегија третпат по ред да игра на континентален собир, но посебноста е во тоа што овој пат ќе настапува пред своја публика, иако очекувањата се дека ќе има и значителен број странски навивачи. Покрај ОФМ, денеска билетите во продажба ги пушти и Бугарија, а Италија и Израел тоа ќе го направат подоцна, велат од ОФМ. На следните линкови може да ги обезбедите билетите за натпреварите во Скопје:

https://tickets.cev.eu/cev-eurovolley-2023-men

https://tinyurl.com/CEV-MKD-EN

https://tinyurl.com/CEV-MKD-Daytickets-EN

https://tinyurl.com/CEV-MKD-Packages-EN

ФФМ ги пушти во продажба билетите за натпреварите со Финска и со Азербејџан

Катерина Бојаџиева — Mon, 14 Nov 2022 12:31:26 +0000

Фудбалската федерација на Македонија денес преку „Мк Тикетс“ започна со продажба на билети за натпреварите на македонската А репрезентација против Финска и Азербејџан. Влезниците се продаваат по цена од 150 денари за северната трибина и за јужната трибина (блокови 1, 2, 5 и 6) и 200 денари за централните блокови 3 и 4 од јужната трибина на Националната арена „Тодор Проески“. Продажбата на билети за претстојните натпревари ќе се организира исклучиво со физичко присуство на купувачите. Електронска (on-line) продажба на билети нема да има поради технички причини. Натпреварот се Финска ќе се игра на 17 ноември со почеток во 18 часот, со Азербејџан на 20 ноември од 14 часот.