билјана беличанец – Kurir.mk

СЕЌАВАЊЕ: Четири години од смртта на Билјана Беличанец

Ивона Петрова — Thu, 06 Apr 2023 05:30:27 +0000

Денеска се одбележуваат четири години од смртта на актерката и поранешна градоначалничка на Кисела Вода, Билјана Беличанец. Беличанец беше актерка во Драмскиот театар во Скопје. Таа беше градоначалник на скопската општина Кисела Вода од 2013 до 2017. Дипломираше актерска игра на Факултетот за драмски уметности во Скопје (1994). Работеше во Народен театар „Војдан Чернодрински“ – Прилеп (1994-1997), а од 1997 година беше во Драмски театар Скопје. Одигра голем број улоги меѓу кои и Маргарет Флаерти („Заводникот од западниот свет“, 1997), Сузана („Свадбата на Фигаро“, 1998), Софија Јегоровна („Платонов“, 1999), Клариса де Бисоњози („Арлекин – слуга на двајца господари“, 1999), Кинегонда/ Газдарица на јавна куќа („Кандид во земјата на чудата“, 2000), Ерика Брукнер („Мефисто“, 2000); Маре („Тетовирани души“, 2001). Беше дел и од ТВ-проектот „Здраво генијалци“ и натсинхронизираше гласови во турски серии. Има добиено повеќе награди за актерските остварувања, меѓу кои и награда за најдобро актерско остварување за улогата на Кинегонда во претставата „Кинегонда во Карлаленд“ на МТФ „Војдан Чернодрински“ Прилеп (2009), награда за најдобро актерско остварување за улогата на Сара во претставата Генетика на кучињата на МТФ „Војдан Чернодрински” (Прилеп, 2012). Родена е во 1973 година.

Домот на културата во Кисела Вода го носи името на Билјана Беличанец (ФОТО)

Ивана Ефремовски — Tue, 15 Feb 2022 17:53:50 +0000

На Домот на културата во општина Кисела Вода е поставена нова табла и во иднина тој ќе го носи името на актерката и поранешен градоначалник на општината, Билјана Беличанец. Веста на својот фејсбук профил ја објави актерот Рубенс Муратовски. „Општина Кисела Вода, градоначалник, ми го стопливте срцето“, напиша Муратовски на Фејсбук. Низа актери колеги, како и пријатели и фанови, со позитивни коментари по оваа одлука на општината. Билјана Беличанец беше македонска театарска, телевизиска и филска глумица. Во својата кариера имаше реализирани бројни главни и споредни улоги во повеќе театарски проекти во Драмски театар и други инстутуции и проекти. На градоначалничката позиција во општина Кисела Вода беше во периодот од 2013 до 2017 година. Две години по завршување на мандатот, во 2019 година беше пронајдена почината во својот стан. Според информацијата на полицијата, стануваше збор за самоубиство.

Две години од смртта на Билјана Беличанец: Овие емотивни стихови вечно ќе зборуваат за неа

Ивана Ефремовски — Wed, 07 Apr 2021 11:55:33 +0000

Пред две години на вчерашен ден почина една од најдобрите актерки во Македонија, Билјана Беличанец. Таа си го одзеде животот во својот стан на 06.04.2019. Според официјалните податоци, Беличанец се обеси во својата бања. Поетот Венко Андоновски за неа напиша емотивни стихови.

Денес е ден на жалост: Кисела Вода тагува по Билјана Беличанец

Ивана Ефремовски — Tue, 09 Apr 2019 08:03:48 +0000

Денеска е прогласен ден на жалост во Кисела Вода, заради смртта на поранешната градоначалничка и актерка Билјана Беличанец. тоа значи дека сите културни, забавни, спортски и други активности се откажуваат. На вчерашната вонредна седница на општината беше донесена и одлука за преименување на новоизградениот Дом на културата КВК, што се наоѓа на територијата на оваа општина, во „Билјана Беличанец“. Беличанец беше градоначалничка на општината Кисела Вода од 2013 до 2017 година. На 6-ти април таа изврши самоубиство. Безживотното тело го пронашол нејзиниот сопруг. Имаше неполни 46 години. Нејзини последни претстави се “Господа Глембаевски” и “Последните Македонци” во матичниот Драмски театар. Беличанец глумеше во повеќе ТВ-проекти како “Здраво генијалци“ и натсихронизираше гласови во турски серии.

Претседателот Иванов по смртта на Беличанец: Билјана го претвораше сонот во јаве, а животот во сон

Ивана Ефремовски — Mon, 08 Apr 2019 12:21:54 +0000

Претседателот Ѓорге Иванов упати сочувство по повод смртта на актерката Билјана Беличанец. „Со неверување и длабока тага ја примив веста за трагичната смрт на нашата драга актерка Билјана Беличанец. Иако немам соодветни зборови што би ја ублажиле големата загуба дозволете, како претседател на Република Македонија да упатам најискрено сочувство до семејството, колегите од драмскиот театар и до целата македонска културна јавност. Нејзината драмска кариера започна во оној момент кога таа за прв пат го препозна повикот на театарот. Повик во својот живот да направи место за бројни ликови и да ги сподели со публиката. Преку незаборавните театарски улоги, Билјана го претвораше сонот во јаве, а животот во сон. И со тоа Билјана Беличанец го збогати македонското театарско творештво. Со нејзината трагична и прерана смрт, македонската театарска сцена остана без нејзиниот врвен талент и безрезервната предаденост кон драмската уметност, а сите ние останавме без нејзиното пријателство“, пишува во соопштението.

Комеморација по повод смртта на Беличанец во општина Кисела Вода

Ивана Ефремовски — Mon, 08 Apr 2019 08:34:17 +0000

Комеморацијата по повод смртта на прерано починатата поранешна градоначалничка на општина Кисела Вода, Билјана Беличанец ќе се одржи денес, 08.04.2019год, понеделник, со почеток во 15:00 часот. Комеморацијата е во новоизградениот Дом на културата КВК во општина Кисела Вода.

Ксенија Николова: Замина талент кој скришно се бореше со внатрешни демони

Предраг Кукиќ — Sun, 07 Apr 2019 21:10:31 +0000

Писателката Ксенија Николова на својот фејсбук профил се прости од Билјана Беличанец. Почивај во мир, драга Туфи, прекрасна дамо Беличанец. Секој пат кога ќе чујам за смрт, јас се потресувам, дури и да не знам за кого станува збор, јас се потресувам. Таква сум. А, кога од светот ќе замине талент кој скришно се бори со внатрешни демони, срцето ми се распарчува. Се плашам, се плашам од тоа каде оди светот, а колку ние се’ уште молчиме. Демоните не’ грицкаат, нас ни е тешко да признаеме, затоа што ако признаеме, кој ли ќе не’ разбере низ што поминуваме?! Менталното здравје пријатели, тоа е тема за која треба да се зборува. Да имаме емпатија и да даваме помош, да не чекаме да ни ја побараат, стои во објавата.

Едноминутен молк во чест на Беличанец на митингот на ВМРО-ДПМНЕ во Радовиш

Предраг Кукиќ — Sun, 07 Apr 2019 19:09:13 +0000

Претседателот на ВМРО-ДПМНЕ, Христијан Мицкоски, побара молк од една минута на вечерашниот митинг на партијата во Радовиш, а во чест на актерката Билјана Беличанец која почина синоќа. Згасна еден човечки живот, прекрасната глумица, Билјана Беличанец, замина од овој свет. Беше исклучителна личност и исклучителен градоначаник, претседател на градскиот комитет на УЖ ВМРО-ДПМНЕ – рече Мицкоски.

Последното интервју за медиумите на Билјана Беличанец (ВИДЕО)

Предраг Кукиќ — Sun, 07 Apr 2019 15:38:45 +0000

Актерката Билјана Беличанец своето последно интервју за јавноста го даде во 2017 година, за Телевизија Нова. Актерката и поранешна градоначалничка на Општина Кисела Водa Билјана Беличанец синоќа е пронајдена мртва. Имаше 45 години. Нејзин матичен театар е Драмскиот театар во Скопје. Нејзиното последно интервју:

Вака медиумите во регионот ја пренесуваат веста за смртта на Билјана Беличанец

Предраг Кукиќ — Sun, 07 Apr 2019 15:20:35 +0000

Актерката Билјана Беличанец сношти била пронајдена мртва во својот дом. Како што потврдија од МВР синоќа околу 22.30 часот, во полициска станица Центар, С. М. пријавил дека на ул.„Истарска“ во неговиот стан ја пронашол неговата сопруга Б.Б.А. (45) од Скопје. Веста за нејзината смрт ги потресе нејзините колеги, колешки, пријатели, роднини, но го потресе и регионот. Вака медиумите во регионот пишуваат за смртта на Беличанец.