Билјана Јовановска – Kurir.mk

Заев нема време или не сака да провери кој е вистинскиот директор на ПИОМ, Јовановска или нејзиниот сопруг

Магдалена Андонова — Wed, 16 Dec 2020 18:50:03 +0000

Граѓаните секојдневно се повеќе сведоци на нефункциолнаноста и непрофесионалноста на институциите. Иако СДСМ пред да дојдат на власт ветуваат професионалност на институциите сепак тоа не го исполнија. Деновие е многу актуелна темата поврзана со Билјана Јовановска, директорка на Фондот за пензиско и инвалидско осигурување каде јасно се гледаше како нејзиниот сопруг извршува работи поврзани со оваа институција. По ваквата целата ситуација Зоран Заев на прашање дали е информиран дека одредени државни функционери се однесуваат како да се нивни приватни и дали ќе следува разрешување тој рече дека немал време да ја разгледа целата ситуација. -Прво овие денови сме преокупирани со многу работи како што е сеуште разгововорите со Бугарија и обиди до крајот на годината кога постои шанса за германското претседателство да направиме максимални напори, во најмала рака да создадеме атмосфера за решение догодина, ако не повеќе, завршетокот на парламентот, буџетот беше во владата, репрограмот беше усвоен, развојот на сите овие потреби поврзани со владата врзани со ковид кризата за одредени чекори како што беа дополнителни средства за обезбедување на можности за набавка на вакцина или слично. Немав можност да го согледам целиот овој пример. Сакам да ве уверам дека ќе постапиме соодветно и за сите како што и досега сме постапиле откога ќе можам да направам разговор, да ги согледам сите тие индиции и согласно тоа да превземе одредени чекори. Ние рековме дека законот треба да важи за сите, етичкото престапување исто така треба да важи еднакво за сите, но секако секој пат ќе знаеме да ја одмериме границата на одговорноста према сите. Јас апелирам до сите вас медиумите да бидете гласот на граѓаните за се што се случува по институциите зошто само така ќе ги направиме поодговорни функционерите, одговори Заев на прашањето. Имено за потсетување целиот овој случај за Билјана Јовановска се појави претходната недела каде јасно се гледаше дека нејзиниот сопруг на некој начин управува со институција со која раководи таа. По одговорот на Заев е јасно дека нему не му е важно што се случува по државните институции и неговото оправдување се сведува дека тој бил ангажиран за други активности кои не дадоа никакв позитивни резултати.

Стаменковска Стојковски: Аматерски е обидот да ги прикривате податоците за над 40.000 вработувања во јавниот сектор

Ивана Ефремовски — Fri, 14 Feb 2020 10:40:30 +0000

По повикот за разрешување на директорката на АВРМ, Билјана Јовановска, се најде прозван и министерот Дамјан Манчевски за бројот од над 40.000 ново вработени во администрацијата. Дамјан Манчевски и Билјана Јовановска, во обид да се прикрие вистинската состојба со вработувањата во јавниот сектор почнаа да си ја префрлуваат топката чија е надлежноста за водењето на вработувањата во администрацијата, порачува дополнителната заменик-министерка во МИОА, Невенка Стаменковска Стојковски. Нејзиниот статус го пренесуваме во продолжение: Во обидот да се објаснат Билјана Јовановска АВРМ и министерот Дамјан Манчевски се востанови дека ниту едниот ниту другиот знаат што е во доменот на нивната работа или едноставно не сакаат да кажат. За единствената работа со која што се согласувам со Билјана Јовановска е дека МИОА има обврска да води регистар на вработени во јавниот сектор и за таа цел а согласно член 18 став 3 од ЗВЈС кој гласи: “МИОА има право да ги обработува податоците содржани во Регистарот на вработените во јавниот сектор и обврска да врши размена податоци од својата евиденција со податоци од АВРМ, УЈП, ФПИОМ, ФЗОМ, во насока на вршење контрола и обезбедување на целосни, точни и навремено ажурирани податоци од страна на институциите во јавниот сектор”, и ги барам податоците кои Дамјан Манчевски се обидува да ги прикрие. Имено, АВРМ води административна статистика на вработените преку Пријавата за потреба од работник (ППР) и М1/М2 обрасците, во кои точно се содржани видот на работодавецот, начинот на вработување, основот и видот на пријава/одјава во и од работен однос и др. Аматерски е обидот да ги прикривате податоците за над 40.000 вработувања во јавниот сектор и да се повикувате на официјалната статистика на Заводот за статистика, во кој сосема е различно дефинирано вработувањето. Билјана Јовановска и нејзината приватна агенција за вработување, која освен блиските роднини, во изминатиов период ги вдоми сите членови на нејзината партија а посебно за секретарот и потпретседателот дури и систематизацијата ја менуваше за да можат да се вклопат во приватната институција, со признанието дека Агенција за администрација ги потврдила распоредувањата на вработените од 100км, 150км и 170км во еден правец од местото на живеење до работното место, ја проширува одговорноста и намерата за непочитување и брутално кршење на работничките права. Најбараниот демант од Дамјан Манчевски и Билјана Јовановска е да излезете со точни податоци од системот на АВРМ и врз основа на прецизните барања од мојот допис и да ја известите јавноста дали од 60.000 вработувања со кои се фалите, над 40.000 се во јавниот сектор.

Власта ги нападна невработените дека сами се виновни

Ивана Ефремовски — Fri, 12 Apr 2019 12:51:24 +0000

Власта ги нападна невработените лица тврдејќи дека самите се виновни што немаат работа. Од АВРМ излегоа со обвинувања затоа што невработените одбивале вработувања каде нешто не им одговара. Директорката на Агенцијата за вработување, Билјана Јовановска, обвинува дека невработените граѓани во земјава ниту сакаат да работат, ниту бараат работа. -Имаме ситуација кога 70 посто од поканетите невработени лица не доаѓаат на интервју бидејќи не е задолжително. Законот не вели дека тие ќе бидат избришани или тргнати од евиденција. Од 30 проценти што ќе дојдат на интервју се упатуваат кај работодавачот, половина од нив одат на интервју кај работодавачот и најчесто се случува и тие што ќе отидат кај работодавачот, да не прифатат односно да ја одбијат понудата за работа. Причините поради која што тоа го прават се најразлични, односно невработените лица наведуваат дека најчесто не им одговара местото, смената, платата, рече Јовановска. Проблем, како што вели директорката е тоа што сите работодавачи се обврзани да објават оглас за вработување, иако претходно имаат најдено лице за таа позиција. Најави реформи во системот за да се знае точно кој реално бара и нуди работа. -Невработените лица кога ќе го видат огласот и кога ќе се јават кај работодавачот тој им вели дека е пополнето или е направен избор и невработеното лице ја губи довербата кон нашата институција, додава Јовановска.

Скандалот со непотизмот во АВРМ го обелодени Николова од СДСМ уште во февруари

Ивана Ефремовски — Wed, 23 May 2018 22:50:25 +0000

Веднаш по дуелот на Заев и Мицкоски на МРТ со реакција на тврдењата на лидерот на ВМРО-ДПМНЕ, излезе директорката на Агенцијата за вработување, Билјана Јовановска. Таа ги демантира, според неа, искажаните невистини на лидерот на опозициската партија во дуелот, во кој тој тврди дека таа вработила свои роднини во АВРМ. -Искажаните обвинувања за непотизам при вработувањата во АВРМ ги демантирам како невистинити и тенденциозни. Во изминатите 10 месеци во АВРМ се вработуваат потребни стручни кадри, кои аплицирале на јавен оглас и ниту еден од нив не е во никаква роднинска врска со мене. Невистините пласирани од лидерот на опозициската ВМРО ДПМНЕ Христијан Мицкоски ги поврзувам со неговата партиска советничка Слободанка Алексовска која беше разрешена по моето доаѓање на директорската позиција во АВРМ, се наведува во реакцијата од директорката Јовановска. Скандалот, инаки, го обелодени Мери Николова од СДСМ, уште во февруари годинава. Според она што го пишува Мери Николова, Јовановска откако е директор во АВРМ ја вработила сестрата на сопругот, Трпана Бисовска, синот на сопругот, Никола Ѓуровски, внук од друга сестра на сопругот, Горан Петровски и старосватицата Слаѓана Ангелевска, која беше во трка и за претседател на СДСМ во Аеродром. Една од учесничките на таканаречената „шарена револуција“ Мери Николова, бара одговорност од актуелната директорка на АВРМ, Јовановска. Таа во својот фејсбук статус очекува директорката да биде сменета од страна на Заев. – Се надевам во бранот на разрешени директори во Вторник, ќе го слушнеме и твоето име. Не се срамиш малку? Пишува Николова на Фејсбук. – Директорката на АВРМ Биљана јовановска, не само што има градежно-реконструктивни аспирации, туку и непотизмот е една од главните својства на нејзиното делување. Таа беше сменета откако потроши над 600.000 евра за реконструлција на Скопската агенција за вработување. Сега пак, се шета заедно со нејзиниот сопруг по градовите во внатрешноста на Македонија, за да види каде е потребна реконструкција и реновирање, веројатно за ново офајдување, пишува Николова во продолжение. Николова тврди дека директорката на АВРМ има станови во Аеродром и Лисиче, куќа во Лисиче и викендичка. Таа прашува дали Биљана Јовановска, раководната функција ја користи за лично богатење и вработување за своите роднини.