билјанини извори – Kurir.mk

ФОТО: Избегната трагедија кај Билјанини извори во Охрид

Ивона Петрова — Sat, 11 Jun 2022 10:32:57 +0000

Дрво високо околу триесет метри во непосредна близина на ЈП Водовод, се откорнало и паднало во правец на ресторанот Билјанини извори. Во моментот на местото на настанот имало шетачи – туристи, но за среќа нема повредени луѓе. Причинета е само материјална штета, велат очевидци за Охридњуз. -Се се’ случи во миг, неочекувано. Наеднаш слушнавме силен удар, а дрвото падна на само неколку метри од луѓе кои поминуваа тука, туристи од соседството. Беше страшно. Избегната е трагедија. – вели соговорникот на Охридњуз. Дрвото се откорнало од корен и паднало, најверојатно како последица на обилните дождови кои се сливаат од планината Галичица кон Билјанини извори. При падот оштетен е инвентар од ресторанот. Повеќе на Охридњуз

Масовна тепачка кај „Билјанини извори“

Ивана Ефремовски — Wed, 25 May 2022 14:29:30 +0000

На 24.05.2022 во 22.20 часот во СВР Охрид, Ј.Б.(18) и М.Т.(18), двајцата од Охрид, пријавиле дека во угостителски објект и надвор од него во близина на спортска сала „Билјанини извори“ физички биле нападнати од С.К., Ф.К. и К.Б. и уште неколку лица, сите од Охрид. Се преземаат мерки за расчистување на случајот.

Пецаков: Се реконструира фудбалското игралиште во ЈП „Билјанини извори“

Тале Кристо — Wed, 27 Apr 2022 14:08:29 +0000

Деновиве се започна со реконструкција на долгогодишното запоставено северно фудбалско игралиште и на истото се планира во наредните три недели да се завршат градежно-санациони активности како дел од првата фаза за комплетно уредување и адаптирање на игралиштето за потребите на многубројните фубалски школи и фудбалски клубови. Во првата фаза ќе се изврши нивелација на игралиштето, аерификација, засадување на трева и дополнително заградување на фудбалскиот терен, објави на социјалната мрежа на Фејсбук градоначалникот на Охрид Кирил Пецаков.

Навивач на фудбалски меч фрлил предмет кон судијата, па завршил во полиција

Дарко Андоновски — Mon, 11 Nov 2019 15:02:46 +0000

На 10.11.2019 околу 15.00 часот во СВР Охрид било пријавено дека на Спортско – рекреативниот центар „Билјанини Извори“ во Охрид, за време на одржување на спортски натпревар во рамките на втората фудбалска лига – Запад, М.С.(38) од Дебар го нарушил јавниот ред и мир со фрлање предмет кон судијата на натпреварот. Против него ќе биде поднесена соодветна пријава, информираат од МВР.

Фекални бактерии во водите на Билјанини извори!

Предраг Кукиќ — Fri, 17 May 2019 12:30:27 +0000

Водата од Билјанините извори во Охрид не смее да се пие. Центарот за јавно здравје утврди дека е полна е со патогени бактерии кои се опасни за здравјето на луѓето. Во водата се евидентирани 15 ентерококи бактерии, пишува Алсат. „Констатирано е микробиолошко загадување, присуство на ентерококи, патогени бактерии кои согласно правилникот за безбедност на вода се штетни по здравјето на населението и таа вода не може да се користи за миење и пиење. Водата од Биљанини извори во овој период е небезбедна“, рече Сашо Точков, директор на Центар за јавно здравје Охрид. Точков додава дека ваквата појава е присутна години наназад и тоа најчесто во овој период од годината и доцна есен, кога има поголемо количество на вода. Од врнежите од дожд и топењето на снеговите, доаѓа до поместување на подземните води и подигање на нивното ниво. „Тој терен околу Билјанини извори особено на планината Петрино и порано било место каде имало бачила, се одгледувала стока, имало септички јами и тоа со тек на времето се таложело долу. Кога подземните води ќе стигнат до тој дел, го испираат тој слој од земјата и се рефлектира на ова загадување. Во јуни – јули се очекува водата да се стабилизира, да падне нивото на подземните води што значи дека патогените бактерии нема да бидат присутни“, додава Точков. Од Охридскиот центар за Јавно здравје велат дека редовно ја следат состојбата на терен. Експертите пак се на мислење дека ваквата состојба е недозволива и оти мора под итно од страна на институциите да се направи нешто за да се заштитат овие познати извори. Неопходно е велат да се направи систем за одведување на отпадната вода во оние објекти и населби кои се во близина на Билјанини извори и септичките јами. Велат дека ваквата појава е резултат на негрижата не институциите годиниве наназад и непреземање на мерки.