Бинали Јилдирим – Kurir.mk

Јилдирим избран за претседател на турскиот Парламент

Даниел Василев — Thu, 12 Jul 2018 16:16:14 +0000

Турските пратеницви денеска го избра поранешниот премиер Бинали Јилдирим за претседател на Големото турско народно собрание. Јилдирим е избран со 335 гласови „за“ во третиот круг гласање, при што учествуваа 584 пратеници од вкупно 600. Јилдирим е 28 претседател на турскиот Парламент. МИА

Јилдирим: Тензиите ќе запрат кога Атина ќе престане да мисли дека цело Егејско Море е нејзино

Матеја Петровски — Mon, 21 May 2018 10:41:05 +0000

Турскиот премиер Бинали Јилдирим во интервју за неделното издание на грчкиот весник „Вима" изјави дека тензиите меѓу Турција и Грација може да бидат избегнати, ако Атина престане да верува дека Егејското Море е целосно грчко. - Главниот извор на тензии меѓу Турција и Грција е грчкото сфаќање дека Егејското Море е целосно грчко море, притоа игнорирајќи ги законските права на Турција и нејзините легитимни интереси како крајбрежна земја, посочи турскиот премиер. Според него, избегнувањето тензии во Егејот не може да се постигне само со напори од страна на Турција. - Секоја од двете држави знае за чувствителноста на другата. Ние треба да сфатиме дека мирот е во интерес и на двете страни, додаде Јилдирим. (Миа)

Јилдирим: За непријателите на Турција, Грција е „безопасен азил“

Матеја Петровски — Fri, 20 Apr 2018 12:54:46 +0000

Турскиот премир Бинали Јилдирим денеска изјави дека е неприфатливо луѓето кои учествуваа во неуспешниот обид за воен удар да бидат заштитувани од Грција. - Непријателите на Турција ја сметаат Грција за „безопасен азил“, а грчкото однесување кон лицата, кои Анкара ги смета за поддржувачи на обидот за пуч, им штети на билатералните односи, истакна Јилдирим. Односите помеѓу Турција и Грција се влошени во последните месеци, пред се поради одлуката од 26 јануари на Врховниот суд во Атина, осумтемина турски војници да не бидат екстрадирани во Турција, по што тие поднесоа барања за азил. Грчкиот Уставен суд вчера донесе одлука за ослободување од притвор на еден од осумтемина турски војници, кои пребегаа во Грција по неуспешниот обид за воен удар во Турција во јули 2016 година. Офицерот сепак ќе биде под режим на строги ограничувања, се до почетокот на мај, кога Уставниот суд треба да одлучи дали ќе му биде одобрено барањето за азил. Според грчките медиуми, турскиот војник ќе биде пуштен од притворот во Олимпиското село во близина на Атина, каде што престојува заедно со неговите колеги, но нема да има целосна слобода. Тој ќе биде сместен на тајна локација и ќе биде под надзор, а нема да му бидат дадени ни патни исправи. Одделот за суспензии на грчкиот Уставен суд делумно го прифати барањето на грчката Влада со кое се бараше суспендирање на одлуката на Независната комисија за азил за доделување азил на турскиот војник. Со тоа, според грчките медиуми, одлуката за азил не се поништува целосно, туку само делумно, со поставувањето на ограничувања. Се претпоставува дека истата одлука во суштина индиректно ќе биде профатена и за другите седуммина војници. По неуспешниот обид за пуч во Турција во јули 2016, осум турски војници со хеликоптер пристигнаа во грчкиот град Александрополис. (Миа)

Турција: Каде бевте досега?

Даниел Василев — Sat, 14 Apr 2018 12:35:52 +0000

Турскиот премиер Бинали Јилдирим денеска се огласи за воздушните напади во Сирија од страна на САД, Велика Британија и Франција кои беа одговор за наводниот напад со хемиско оружје во градот Дума во минатиот викенд. -Седум години луѓето беа масакрирани во Сирија, а бруталноста продолжува. Вие се сетивте на вашата човечност кога режимот искористи хемиско оружје? Каде бевте до денеска? Нашиот систем и закони не дозволуваат убивање на луѓе ниту од хемиско, ниту од нормално оружје. Рано изутрината САД и сојузниците спроведоа операција. Секако, ние тоа го гледаме како позитивен чекор. Меѓутоа, треба да се направи многу повеќе за да се дојде до мир. Турција презема неопходни чекори за регионалните проблеми. Денеска бараме глобален мир против масакрите во Источна Гута и Дума, изјави Јилдирим. Во меѓувреме, државната новинска агенција Анадолија јави дека претседателот Реџеп Таип Ердоган и британската прва министерка Тереза Меј имале телефонски разговор, каде зборувале за последните случувања во Сирија. Цитирајќи претседателски извори, Анадолија јави дека Ердоган потенцирал на важноста да не ескалира тензијата во Сирија. Ердоган кажал оти политичко решение е единствен начин да се запре бруталноста на режимот со конвенционално и хемиско оружје, потенцирајќи дека тоа е единствениот начин со кој сириските граѓани ќе дојдат до долготраен мир.

Јилдирим: САД и Русија се расправаат како уличари

Матеја Петровски — Wed, 11 Apr 2018 14:41:25 +0000

Турскиот премиер Бинали Јилдирим ги повика САД и Русија да се откажат од „улични расправии“, објави електронското издание на турскиот весник „Акшам“. - Објавуваат твитови, се закануваат еден на друг. Се расправаат како уличари, како да се во улична расправија, изјави Јилдирим во врска со кризата меѓу Вашингтон и Москва. - Едниот вели: Јас имам поубава ракета, другиот вели: Јас имам поубава ракета, додаде турскиот премиер, коментирајќи ја трката во вооружување меѓу двете сили. Тој истакна дека на крајот плаќаат мирните граѓани. - Сега не е време за конкуренција. Сега е време да се преврзат раните во регионот, рече Јилдирим.

Иванов и Јилдирим: Поканата за НАТО ќе биде дополнителен поттик за реформите и безбедноста

Ивона Петрова — Tue, 20 Feb 2018 14:30:04 +0000

Претседателот на Република Македонија, Ѓорге Иванов во рамки на официјалната посета на Република Турција, денеска во Анкара имаше средби со турскиот премиер Бинали Јилдирим и со претседателот на Големото национално собрание Исмаил Караман. Како што соопшти Кабинетот на претседателот, на средбите биле разменети мислења за севкупните билатерални односи меѓу Македонија и Турција, при што било оценето дека двете земји негуваат традиционално пријателски односи, со интензивни контакти на највисоко ниво. Претседателот Иванов со премиерот Јилдирим и со претседателот на собранието Караман разменија информации за состојбите во двете земји и за актуелните состојби во регионот.