Од 1 декември збогувајте се со пластичните кеси – ќе се продаваат биоразгрдаливи по цена од 15 денари

Магдалена Андонова — Mon, 04 Oct 2021 18:08:34 +0000

Пластичните кеси заминуваат во историјата. Од 1 декември дозволени ќе бидат само биоразгрдаливите, кои ќе се продаваат по цена од 15 денари. Најголем дел од надоместокот ќе оди во Фондот за заштита на животната средина . Од декември се забрануваат и амбалажите за пакување или служење храна во угостителските објекти, за почеток само во заштитените подрачја. За заштита на животната средина, но и за усогласување кон европското законодавство Владата преку неколку закони ќе се справува со отпадот. Целта е и постепено да се премине кон циркуларната економија, каде преку рециклирање на отпадот се добива готов производ. Инаку од почетокот на јули во земјите членки на Унијата стапија на сила забраните за употреба на пластични производи за еднократна употреба. До сега, во целост се применува во само 8 од 27 те членки, каде сламките за пиење, пластичните шољи,чинии, прибори за јадење, кесите за пакување храна, чепкалките за уши, не исклучени од продажба. Во употреба остануваат пластичните ПЕТ шишиња.

Од 1 декември забрана за пластични кеси: Ќе се продаваат само биоразградливи и ќе чинат 15 денари

Катерина Бојаџиева — Mon, 04 Oct 2021 10:41:21 +0000

Од 1 декември ќе стапи во сила забрана за пластични кеси, односно ќе биде дозволена продажба само на биоразградливи кеси за кои ќе се наплатува надомест од 15 денари за специјален фонд за животна средина. Ова денеска го соопшти министерот за животна средина и просторно планирање Насер Нуредини на заедничката прес-конференција со премиерот Зоран Заев во Владата, на која беше претставен Националниот план за управување со отпад 2021 – 2031. – Идејата за цената на пластичните кеси е за да се намали употребата на пластиката. Фондот што ќе се создаде од овие 15 денари за секое купување на пластично кесе ќе отиде на посебен фонд којшто ќе се инвестира во животната средина, но и ќе се инвестира во совеста на граѓаните како да менаџираме со отпадот во нашата држава. Идејата е тој што загадува тој и да плати, и на тој начин производителите коишто ќе донесат производи во нашата држава треба да контрибуираат и во тоа, и со ова ќе се натера да придонесат за инфраструктурата со различни контејнери во нашата држава каде што ние како граѓани ќе ги селектираме отпадите и со ова ќе креираме систем којшто самите граѓани ќе го селектираат отпадот, појасни Нуредини. Од 1 декември, како што информира, ќе биде забранета пластика за еднократна употреба во угостителските објекти во заштитени зони – тоа значи Пелисер, Маврово, Шар Планина, итн.

биоразградливи кеси – Kurir.mk

Од 1 декември збогувајте се со пластичните кеси – ќе се продаваат биоразгрдаливи по цена од 15 денари

Од 1 декември забрана за пластични кеси: Ќе се продаваат само биоразградливи и ќе чинат 15 денари