Бирмингем – Kurir.mk

ВИДЕО: Маж уапсен за неколку случаи со пуштање глувчиња во ресторани на „Мекдоналдс“ во Бирмингем

Дарко Андоновски — Thu, 02 Nov 2023 08:02:33 +0000

Во Велика Британија, 32-годишен маж е уапсен во врска со неколку случаи на пуштање живи глодари во рестораните на „Мекдоналдс“ во Бирмингем, Англија. Полицијата соопшти дека следи распит на втор човек, идентификуван како Билал Хусеин (30), во врска со инцидентите, коишто се чини дека се протести поврзани со конфликтот во Газа. На видео коешто се шири на интернет, може да се видат гости во ресторан како панично скокаат додека околу нив трчаат глувци обоени во боите на палестинското знаме. Пропалестинските активисти, наводно, повикале на протести против „Мекдоналдс“, откако нивен ресторан во Израел дарувал храна за израелски војници и безбедносниот персонал, preneuva „Телеграф". Полицијата соопшти дека инцидентите се третираат како прекршоци на јавниот ред.

Бирмингем може да се кандидира за домаќин на Олимпијадата во 2036 или 2040 година

Ивона Петрова — Tue, 09 Aug 2022 10:34:22 +0000

Бирмингем може да се кандидира за домаќин на Летните олимписки игри 2036 или 2040 година. Како што објави „Inside the Games“, во јули првиот човек на Британската олимписка асоцијација (НОК), Хју Робертсон, веќе разговарал на оваа тема со претседателот на Меѓународниот олимписки комитет (ИОК), Томас Бах. Од 28 јули до 8 август 2022 година, Бирмингем беше домаќин на Игрите на Комонвелтот. Според Кети Садлер, извршен директор на натпреварот, претставниците на МОК кои го посетија градот во изминатите две недели биле импресионирани од нивото на организација на Бирмингем. – Мислам дека имавме големи очекувања [за Игрите на Комонвелтот] и тоа повеќе од оправдано. Мислам дека Бирмингем покажа дека може да биде домаќин на големи меѓународни натпревари на исто ниво како и многу други градови. Сега сме на пат да го продолжиме ова. Надоврзувајќи се на наследството од Игрите на Комонвелтот, треба да размислиме како би можеле да ги искористиме овие места и искуства за поголем меѓународен натпревар. Мислам дека Олимпијадата не би била нереална амбиција, изјави министерот за спорт на Велика Британија, Најџел Хадлстон, цитиран од „Press Association“. Претходно беше објавено и за можна апликација на Лондон за домаќин на Олимпијадата во 2036 година.

Мајка повторно во прегратка со бебето кое и беше одземено при кражба на нејзиниот автомобил (ФОТО)

Даниел Василев — Fri, 20 Jul 2018 13:34:34 +0000

Фотографија од мајката која повторно е обединета со нејзиното четиримесечно бебе по кражба на нејзиниот автомобил, каде што на задното седишто било и бебето, денеска беше споделена од страна на полицијата во Вест Мидлендс. Клер Онил била повредена откако се обидела да го извади своето бебе, Елиза, надвор од автомобилот кој во тој момент бил предмет на кражба. Драмата се случила откако Онил (39) застанала со автомобилот во Бирмингем, па двајца мажи и се приближиле. Таа се борела со нив за да ја извади ќерката од автомобилот, но мажите го стартувале возилото, оставајќи ја Клер со повреди на лицето и нозете. Полицијата веднаш почна потрага по бебето, а 45 минути подоцна, екипа на итната медицинска помош ја нашле Елиза во добра здравствена состојба во нејзиното седиште во автомобилот.