биро за јавна безбедност – Kurir.mk

СПМ најавува кривични: Хаос во Одделот за управување со човечки ресурси во БЈБ, време е за одговорност

Ивона Петрова — Wed, 27 Jan 2021 07:46:14 +0000

Одделот за заеднички работи и управување со човечки ресурси при БЈБ до сите организациски единици во БЈБ испрати писмо во кое се вели дека во врска со изготвените решенија за бонус плата за 2017 година за работници за кои истите не требало да бидат изготвени поради поведени судски постапки по поведена тужба или започната постапка за медијација а врз основа на кои решенија веќе е исплатена бонус платата се бара вработените да го вратат дадениот износ и да го уплатат на сметката на Министерството, соопштуваат од Синдикатот на полицијата. Од СПМ велат дека повторно се бара раководителите до овој оддел да достават список со број на работници кои треба да ги вратат исплатените пари. -Освен што сте експерти за водење на незаконски постапки при процедура за распоредување, дали за се друго владее хаос во Одделот? Зошто досега Одделот не водел вакви евиденции за покренати судски спорови? Ова покажува и докажува дека никогаш до сега Министерството не водело евиденција по овој основ односно никој во Министерството не водел сметка и евиденција додека МВР односно наведениот Оддел свесно и со умисла го водел Министерството во колапс со губење на тужбите за бонус плата често терајќи ја постапката до крај пред Апелационите судови а со тоа свесно и со, намера се одело на правење на се поголема штета на буџетот на МВР, велат од Синдикатот. Во наредниот период Синдикат на Полиција во Македонија до надлежното јавно обвинителство ќе поднесе соодветни кривични пријави за ваквите злоупотреби.

Велковски му ја предаде на Тасевски должноста директор на БЈБ

Ивана Ефремовски — Thu, 23 Aug 2018 12:52:43 +0000

Во Министерството за внатрешни работи денеска Сашо Тасевски ја презеде должноста директор на Бирото за јавна безбедност. Како што соопшти МВР, Тасевски ја презеде функцијата од досегашниот директор на Бирото за јавна безбедност Лазе Велковски.

Дали Лазе Велковски е разрешен како резултат на коалиционен договор? ДУИ го зема местото директор на БЈБ!

Предраг Кукиќ — Wed, 15 Aug 2018 09:22:03 +0000

Низ безбедносните кулоари подолг период кружат информации дека СДСМ го препушта Бирото за јавна безбедност на коалицискиот партнер ДУИ, па злоупотребата на довчерашниот Лазо Велковски на службено возило на МВР било само добро покритие тоа да се реализира. Упатените коментираат дека театарот кој го направила власта околу смената на Велковски, глумејќи наводна коректност пред граѓаните не бил поради желбата за дисциплинирање и корегирање на направената злоупотреба со службени возила туку сега јасно се гледало дека тоа е резултат на коалицискиот договор и рокада на кадровските места. Досега БЈБ не била управувана од кадар на ДУИ, доколку Заев го отстапи местото, тоа ќе биде првпат кадар од оваа партија да управува со оваа значајна организациска единица на МВР, која покрај УБК е еден од двата стожери на министерството. По разрешувањето на Велковски, со државната полиција ќе раководи Бесир Деари. Деари ќе ја извршува функцијата директор на Бирото за јавна безбедност, се до изборот на новиот директор. Бесир Деари е актуелен заменик-директор на Бирото за јавна безбедност предложен од ДУИ.

Царината и Бирото за јавна безбедност ќе потпишат протокол за побрз проток на стоки

Матеја Петровски — Mon, 14 May 2018 06:54:34 +0000

Директорот на Царинската управа Ѓоко Танасоски и директорот на Бирото за јавна безбедност Лазо Велковски денеска во Владата ќе потпишат протокол за побрз проток на стоки. Целта на протоколот е уредување на постапките за побрз проток на жива стока, стока во свежа состојба, опасни материи, стока во Новиот компјутеризиран транзитен систем (НКТС), како и на празни камиони на граничните премини Табановце и Богородица. Според најавата, за придобивките од протоколот треба да зборува министерот за земјоделство, шумарство и водостопанство Љупчо Николовски. (Миа)