бистро скопје – Kurir.mk

Истражувавме: Каде има најдобар појадок во Скопје?

Ивона Петрова — Thu, 29 Mar 2018 07:40:58 +0000

Нашата истражувачка екипа на јадачи си постави нов предизвик: да откриеме каде во Скопје може да се добие најдобриот и највкусниот појадок. Прошетавме и дегустиравме низ еден куп локали, ресторани и гостилници, но како стварно посебен локал што би сакале да го издвоиме по своите појадоци, како и по атмосферата е “БистроСкопје”. Доколку некој не знае, Бистро е лоциран во најстрогиот центар на Скопје, на најфреквентниот дел на ул. Македонија, до Рекорд. Во моментот кога го добивме менито за појадоци навистина имавме „проблем“, а веруваме дека истиот го имаат и другите посетители. Како да избереш меѓу толку појадоци што звучат така вкусно: традиционален Легендарен Бистро Скопје појадок, софистициран француски со плаво сирење порткал, сува кајсија, јајца, јаболка и капучино, американски класик појадок, чорбите од лосос и пилешко и што уште не. Многу избори и сите така вкусно звучат. Не можете да се одлучите? Не можевме ниту ние. Затоа нарачавме два различни.

Легендарен појадок – Бистро Скопје. Не за џабе го викаат легендарен. Крцкавите мекици (од Мекиците од Стража) се одличен начин да се почне денот. Добро познатите мекици се посни, па и оние кои внимаваат на такви работи ќе можат да јадат ем посно, ем вкусно. Им додадовме превкусен традиционален македонски ајвар и сирење што се топи во устата и добивме појадок на кој ретко кој може да му одолее. Впечатокот немаше да биде комплетен без најдобриот пршут и киселата павлака, а си надополнивме и со чај, затоа што чај, мекица и ајвар е неодолива комбинација. 100-процентниот сок од портокал е бонус од кој едноставно не сакавме да се откажеме.

Американски класик појадок. Високопротеински од една страна и супер фит и здрав оброк од друга. Три јајца, крцкава и вкусна сланина и најдоброто овчо сирење се протеинска бомба што нè држеше сити до ручекот. Особено го препорачуваме за сите што имаат важни обврски во текот на денот, кои бараат концентрација. Протеините ги избалансиравме со витамини: домат, краставица и маслинки. Не го забораваме ни лепчето. На крајот, добивме и макијато со арома што се памти цел ден.

Денот на жената во Бистро Скопје ќе трае два дена

Ивона Петрова — Tue, 06 Mar 2018 07:54:13 +0000

Зошто славењето на она што значи да се биде жена да трае само еден ден. Зошто да не се два?! Забавата за Денот на жената во првиот вистински блуз и џез ресторан во Скопје, Бистро Скопје, започнува од 14 часот со Бојана Фабел Квартет. Комбинацијата на уникатниот глас на Бојана Фабел и извонредна храна по која Бистро Скопје е веќе познато, прават вистински почеток на празнувањето на 8 Март. Од 21 часотистиот ден, по барање на редовните гости на Бистро Скопје, започнува настапот на Trio Gentlemen, момците со силни гласови и нежни срца. Резервирајте маса на време во Бистро Скопје на 071/352-265 или во Чув де Чув на 078/520-552 или поминете на Аперол на шанк! Влезот е слободен. Петокот, пак, е резервиран за концертниот настап на мајсторите на добриот звук - групата Фолтин. Уникатната звучна магија на Фолтин ќе Ве вовлече во вителот на љубовта и страста, надреалното и возвишената леснотија на постоењето во Бистро Скопје! Бројот на места за концертот на Фолтин е ограничен, затоа резервирајте во Бистро Скопје на 071/352-265 или во Чув де Чув на 078/520-552. Нека почне славењето на нејзиното височество - Жената.

Kое е најдоброто место за вечера на Св. Валентин?

Ивона Петрова — Mon, 12 Feb 2018 09:28:33 +0000

Маж или жена – секогаш кога си на идеја да го изненадиш партнерот со убава резервација за Валентин, се соочуваш со ситуација на немање слободни места, гужви, разочараност од понудата на локалите и сл. Затоа, решивме да одвоиме нешто за овој 14-ти февруари... Бистро Скопје, новиот блуз и џез ресторан на улица Македонија, на 14-ти февруари организира прекрасна вечер заедно со „JB Quartet“ и Нико Ѓоргиевски. Два фантастични машки и женски вокали, Нико и одличната џез вокалистка Јасмина Беличанска ќе бидат придружени од all-star составот на басистот Марко Василевски, пијанистот Филип Димишковски и Антоние Весковски на ударни инструменти. Ќе се пеат врвни аранжмани од преработки на Frank Sinatra, Nat King Cole, Diana Krall, a и Македонски евергрини кои ќе ви ги разгалат музичките сетила. За останатото ќе се погрижат извонредните шефови Жика и Рубин и нивните веќе добро познати кулинарски ремек-дела во Бистро Скопје. А за оние кои сакаат да го прослават Св. Трифун ќе има посебно изненадување – промоција на Тиквеш и промотивни цени на нивните вина. Резервирајте си место во Чув де чув на 078 52 05 52 или на [email protected] за незаборавна романтична вечер. Побрзајте, затоа што голем дел од местата се веќе пополнети од редовните клиенти на Бистро Скопје. Погледнете и мал дел од атмосферата на последниот настап кој „JB Quartet“ го имаа во Бистро Скопје...

ФОТО: Бистро Скопје стана вистински скопски хит!

Ивана Ефремовски — Thu, 18 Jan 2018 09:03:44 +0000

Зошто луѓето веќе три недели по ред го полнат Бистро Скопје? Затоа што одамна Скопје не видело ваква уникатна спојка од врвна музика и специјалитети од реномирани шефови! Омилената дестинација за ручек и вечера полека, но сигурно се претвора во топ место за уживање во маестрални џез стандарди. Концертите продолжуваат овој петок и сабота (19-ти и 20-ти јануари) со Marija Jazz Quartet предводен од импресивниот џез вокал со огромно искуство Марија Димитријевиќ, заедно со докажаниот Дамир Имери, Кирил Кузманов, Трајче Велков и најдобриот млад џез музичар за 2017-та Виктор Филиповски. Резервациите одат стандардно, со јавување во Чув де чув на 078 52 05 52 или на [email protected], кои заедно со Бистро Скопје се организатори на овие вечери кои едноставно не смеат да се пропуштат. Мора да побрзате и да резервирате место веднаш за уживање во ова уникатно искуство кое ретко кога може да се почувствува кај нас.

Василичарски џез концерт во Бистро Скопје на „JB Quartet“

Катерина Бојаџиева — Wed, 10 Jan 2018 09:04:30 +0000

„JB Quartet“ на 12-ти и 13-ти Јануари ќе одржат два концерти во фантастичниот амбиент на новиот блуз и џез ресторан во центарот на Скопје, на местото на поранешната пекара Мекиците од Стража. Концертите се во организација на Бистро Скопје и Чув де Чув. Извонредните шефови Жика и Рубин ќе подготвуваат специјалитети со плескацица од првокласно телешко месо, бри, капини... Специјалитети кои апсолутно мора да ги пробате. Гостите ќе имаат и можност да изберат врвни вина од богатата винска карта со промотивен попуст на вината на Тиквеш кои се поддржувачи на настанот. А коисе JB Quartet? Предводени се од одличната џез вокалистка со големо искуство, Јасмина Беличанска. Членуваат и еден од најпознатите македонски музичари, басистот Оливер Јосифовски кој е основач на Љубојна и поранешен член на Фолтин, младиот пијанист Филип Димишковски и на ударни инструменти Бодин Попов од групата Beta House. На специјалниот Василичарски концерт ќе изведат маестрални кавери на Ејми Вајнхаус, Vaya Con Dios и слични артисти. Како да присуствувате? За присуство ќе мора да побрзате и да резервирате неколку од малкуте преостанати места во Чув де чув на 078 52 05 52 или на [email protected] Уживајте во прекрасната музика и храна во новото задолжително место за посета во Скопје – Бистро Скопје.

Предновогодишен концерт со европски шмек во Скопје!

Дарко Андоновски — Tue, 26 Dec 2017 09:29:35 +0000

Првиот вистински блуз и џез ресторан, Бистро Скопје нуди врвно искуство овојвикенд! Во организација на Чувдечув и новиот ресторан во центаротна Скопје, ќе се случат два врвни концерти на "Trio Gentlemen", оперските пејачи кои и мдаваат нов, уникатен дух на светските хитови и веќе им парираат на постоечките состави како што се ,,IL DIVO”, ,,IL VOLO“ и други. Уникатно за овие концерти е тоа што во нив ќе може да уживате заедно со прекрасните гурмански специјалитети подготвени од Жика и Рубин, двајцата готвачи кои од неодамна го одбраа Бистро Скопје како последна нивна дестинација по повеќе врвни ресторани во нивната кариера. Концертите ќе се одржат овој петок и сабота од 21 часотдо 00.30 часот. За присуство ќе мора да побрзате и да резервирате неколку од малкуте преостанати места во Чувдечув на 078 52 05 52 или на [email protected]. Бистро Скопје е ресторан кој се отвори на местото на пекарата Мекиците од Стража во центарот на Скопје и е последен од низата проекти на компанијата Мекиците од Стража, со цел да се подобри угостителското искуство во Македонија и истото да се крене на повисоко ниво.