бистро – Kurir.mk

Урбаната нова тераса на Барбакан ве чека на кафе муабет

Super Admin — Thu, 28 Nov 2019 13:31:46 +0000

Веќе 7 години градиме приказна и веќе преминавме на „Ти“, вие сте наши, а ние сме ваши... За многумина од вас, нашите ценети и редовни клиенти, веќе добро знаеме и најситни детали од типот со какво кафе сакате да ви стартува утрото, на каква температура разладено го пиете омиленото вино и колку печен сакате да го консумирате бифтекот. A за оние што сѐ уште не нѐ посетиле само ќе кажеме дека однапред се радуваме на првата средба во нашиот пет френдли локал што нуди гастрономска магија од рацете на долгогодишните врвни готвачи, како и затворена тераса за љубителите на квалитетно кафе со цигара. Постоиме повеќе од половина деценија, но тоа не значи дека сопираме. Со вашата лојалност само нѐ инспирирате да бидеме подобри, покреативни и поподготвени на трка со светските стандарди. Од најдобрите вкусови до најпријатната атмосфера, од најзабавните афтери до најурбаните свирки, нема да го скротиме духот и да го смириме темпото. Пред вас, чесно ветуваме дека и понатаму посветено ќе работиме на тоа бистро барот Барбакан да го чувствувате како ваше второ „дома“. Сега, инвестиравме и во редизајнирање на нашата тераса, каде пијалакот на шанк има вкус што не се заборава, а скопските приказни што се разменуваат тука нема да ги чуете на друго место. Кај нас ќе сретнете свои пријатели, соработници, некогашни работодавачи или пак идни колеги, кај нас ќе креирате нова приказна во вашето секојдневие. Од љубовни приказни до кариерни подеми, некои работи едноставно подобро се одвиваат во друштво. Се трудиме да понудиме разноликост во однос на услугите, нешто што го нема во скопските бистро барови и успеваме. Кај нас се добредојдени и гости со домашни миленици, односно популарно сме препознатливи како „pet friendly“ локација. Многу внимание вложуваме во менито да понудиме избор и за гурмани со пребирлив вкус, квалитетна и свежа храна. Препознатливи сме и по добрите свирки во попладневните часови за гостите кои сакаат да се опуштат на „афтерворк“ забава. Сега сите тие комодитети и услуги ги нудиме и на затворената тераса. Ако минатата година се соочувавме со пребукираност во текот на зимските месеци, сега може да не ја пропуштите најдобрата забава во Скопје, се разбира на новата тераса од бистрото. Во околината на ресторанот има бројни бесплатни паркинг позиции, а од неодамна со новата подземна паркинг гаража сместена во состав на бизнис центарот Ми-Да, се надмина и метежот што вообичаено се создаваше. Скопската метропола ги следи светските трендови со нови кафулиња и скапи луксузни ресторани, а ние ја потполнуваме приказната со трендот препознатлив како „бистрономија“, односно спојот на бистро со гастрономија - модерен и комотен декор надополнет со квалитетна вкусна храна. Со шеф кој трансформира невообичаени порции со свежи и сезонски зачини во целосно ново искуство. Доказ дека ваквите места се реткост е и фактот што многумина однапред резервираат сакајќи да се осигурат дека нема да го пропуштат уникатното доживување што го нуди Барбакан. Добрите бистроа се душа на градот. Тоа се места каде го славите животот со квалитетно вино и храна, комотна атмосфера и одлично друштво. А во Барбакан сакаме да се чувствувате како дома, како да вечера во сопствениот дом. А тоа бара голема посветеност од персоналот во кујната и од услугата која ќе ве пречека со насмевка и во која треба да препознаете пријател. На нас е обврската на гостите да им го дадеме она што го сакаат и тоа кога тие ќе посакаат. Затоа тие што веќе биле кај нас повторно се враќаат а нивната добра препорака привлекува нови гости. А од сега и ако заборавите да резервирате маса, ќе има место на редизајнираната затворена тераса за вас и вашето друштво. Забавата може да почне!

Кое кафе си ти – провери во Барбакан!

Super Admin — Thu, 07 Nov 2019 09:49:07 +0000

Желбата за задоволување на потребите наутро е силна. Сите сетила се начулени, отворени за ново искуство што го носи секој нов ден. Првите капки кои ги допираат усните како велвет се распостилаат по јазикот. Слатко горчливиот вкус го буди телото, уживаш во кофеинот и првата утринска шолја кафе. Но, кое е кафето што ги задоволува твоите утрински потреби? По што копнееш, а што те исполнува? Дали е тоа кафе со силно тело кое нагорчува или лесна пена што те пренесува како бурни морски бранови. Изборот на кафе многу открива и за карактерот на оној кој го пие. Начинот на кој се подготвува, послужува и ужива во него покажува како се носиш со предизвиците и радоста во животот. Дали сакаш да патуваш на нови егзотични локации или не сакаш изненадувања? Дали сакаш остра арома со смел вкус што протресува како луѓето без влакна на јазикот или го пиеш кремасто и благо, налик на добрите луѓе. Денес со Барбакан за тебе подготвивме тест. Прво направивме тест да откриеш кое кафе си ти и може да прочиташ кое кафе треба да го одбереш за целосно да се опуштиш во божествениот вкус. Дојди во скопскиот бистро бар „Барбакан“, порачај го првиот тип кафе што ќе ти падне на ум од новиот бренд Buondi и откриј се себе си!

Еспресо

Роден лидер! Само една мала голтка од еспресо може да биде многу горчлива и многу интензивна. Исто како и оној што го бира ова кафе, прилично интензивна и смела личност. Работиш напорно, но и се забавуваш лудо. Знаеш како да ги постигнеш работите што ги сакаш. Ти си основата за сите други кафиња. Инспирација си за другите и сакаш работите да ти одат под конец.

Дупло еспресо

Логичар! Многу си практичен и не влетуваш во авантури вртоглаво, како некои од твоите пријатели. Секогаш имаш јасна и конкретна цел пред тебе и максимумот од себе го даваш кога претпоставениот точно ќе ти каже што очекува од тебе.

Макијато

Ти си личност што не сака да носи одлуки. Имаш опуштена природа и навистина не сакаш премногу да ја анализираш секоја одлука. Карактеристична нота ти е спонтаноста и сакаш релаксиран пристап кон работите во животот.

Капучино

Космополитен! Ти си многу софистицирана личност. Имаш префинета смисла за стил и се држиш до класиката. Многу креативен ум и висока социјална интелигенција. Тоа те прави одличен пријател.

Нескафе

Авантурист! Не се плашиш од кафе богато со ароми и вкусови. Сакаш да живееш спонтано во мигот наместо да ги планираш работите до детали. По природа си среќна и позитивна личност и луѓето сакаат да бидат околу тебе. Најдобар начин да го доживееш кафето што си ти, особено ако се сметаш за вистински вљубеник, може да се случи откако ќе го посетиш скопскиот бистро бар „Барбакан“. Затоа што кафето го третираат како стартер на комуникацијата и дружбата. Додека со друштвото уживате во богатиот избор на квалитетно кафе кое ќе го задоволи вкусот и на најизострените љубители на кафето, проверете го и тестот.

„Секој искусен угостител знае дека кафето е една од најважните работи за гостите. Професионалците посветуваат многу внимание кога го одбираат кафето што го служат во барот. Нашиот избор е Buondi, висококвалитетно кафе кое во светот го препознаваат како најдоброто еспресо кафе. Го одбравме и затоа што во шолјата Buondi е преточена една социјална нишка карактеристична за македонскиот менталитет, односно во тие неколку грама препознаваме забавен, интензивен, живописен и социјален, модерен, опуштен, елегантен и рафиниран вкус. Нудиме исклучително искуство кое буди страст, гостите го препознаваат и го одбираат Барбакан за своите бизнис состаноци или попладневни дружби со пријателите“, порачува бариста Ристе Барутовски од Барбакан.

Барот Барбакан се издвојува од останатите скопски места како место со добар вкус и внимателна услуга. Исклучителен амбиент којшто ги задоволува потребите на гостите кои одржуваат бизнис состаноци или оние кои бараат место во попладневните часови да се опуштат на „афтерворк“ забава со исклучително добра музика во живо.

„Љубителите на кафе во Барбакан може да бираат меѓу Buondi Gold и Buondi Perfetto според тоа какво кафе преферираат. Buondi Gold е мешавина од Арабика и Робуста сорти на кафе, со силно тело, ниска киселост и добра горчина избалансирана со кремаста какао структура. Додека Buondi Perfetto е 100% Арабика кафе, сертифицирано од Rainforest Aliance. Има средно тело, средна киселост, ниска горчливост и слатки ноти на бадем. Оние кои ја преферираат горчливоста на кафето може да одберат Buondi Gold, додека Buondi Perfetto е за оние кои не сакаат горчлив вкус. Барбакан се одлучи за кафето 100 Арабика“, објаснува Барутовски.

Со енергичната доза кофеин, во Барбакан може да одберете и вкусен десерт или едноставно, средбата да ја почнете со префинет оброк, што ќе продолжи во незаборавно дружење во амбиент што опива со добра музика.