БитФест – Kurir.mk

Заврши Битолско културно лето „БитФест“

Ивона Петрова — Sun, 04 Sep 2022 08:40:40 +0000

Со концерт за паметење кој го приредија членовите на групата „Меморија“, синоќа во Битола заврши битолското кулурно лето „БитФест“. Во изминатите два и пол месеци на повеќе летни сцени во Битола се одржаа концерти на класична, поп, рок, џез музика, театарски претстави, ликовни изложби, уметнички перформанси, фестивали… -Граѓаните дадоа поддршка на сите манифестации, на 140 настани со повече од 44.000 посетители, 77 денови, 9 фестивали…Почнавме спектакуларно со Каролина Гочева, фасцинантно завршивме со „Меморија“, групата на нашата младост, групата која ја возвишува македонската рок музика, истакна градоначалникот на Општина Битола, Тони Коњановски, на последната фестивалска вечер што се одржа на ракометното игралиште. За време на сите фестивалски денови, во Битола гостуваа уметници и културни работници од Израел, Полска, Чешка, Швајцарија, Турција, Шпанија, Италија, Колумбија, САД, Србија, Полска, Црна Гора, Албанија, Франција…

На БитФест во Битола вечерна поп симфонија

Ивона Петрова — Thu, 07 Jul 2022 11:23:10 +0000

Битолското културно лето БитФест продолжува со Балкан гала фестивал, односно со поп симфонија која ќе се одржи на ракометното игралиште во Битола. Од Општина Битола информираат дека најпопуларните проекти на Камерниот oркестар на Битола ќе бидат во комбинација со најдобрите домашни и најпознатите изведувачи од Балканот. Вечер во 20.30 часот на ракометното игралиште ќе настапат Ламбе Алабаковски, Тони Цетински, Гоца Тржан, Ристо Самарџиев, Горан Каран, Викторија Лоба, Александра Јанева и Виктор Апостоловски.

На „БитФест“ гостуваат актерите на МНТ со претставата „Народен непријател“

Ивона Петрова — Tue, 05 Jul 2022 10:39:17 +0000

Публиката на Битолското културно лето, вљубениците во театарот, вечер од 20 часот на сцената на Народниот театар во Битола, ќе имаат можност да ја проследат театарската претстава „Народен непријател“, во изведба на Македонскиот народен театар. Во претставата настапуваат актерите Никола Ристановски, Звездана Ангеловска, Дарја Ризова, Јана Вељановска, Ана Арсовска, Благој Веселинов, Петре Арсовски, Сашка Димитровска, Александар Михајловски, Нино Леви и Мартин Ѓоргоски. Театарската претстава „Народен непријател“ е годинашен добитник на четири големи награди признанија на МТФ „Војдан Чернодрински“ и тоа: наградата за уметничко остварување, наградата за главна машка улога во истоимената претстава за Никола Ристановски, наградата за сценографија за сценографката Вишња Вујовиќ и четвртата награда за рекламен материјал на Димитар Димитров. Режисер на претставата е Нина Николиќ.

На „БитФест“ во Битола – вечер на француска класична музика

Ивона Петрова — Sat, 07 Jul 2018 07:34:31 +0000

Битолското културно лето „БитФест“ продолжува со вечер на француска класична музика, концерт кој ќе го приредат гостинката од Франција, Фредерик Легранд- виолончело, и неговите придружници од Македонија Марко Поп Ристов-виолина, Марија Вршкова-пијано. На македонската музичка јавност познати и се Марко Поп Ристов од Скопје и битолчанката Марија Вршкова, додека пак своето деби во Битола ќе го има Фредерик Легранд која на пијано почнала да свири на 3 годишна возраст, а подипломирањето на конзерваториумот во Валенсиен, таа почнала да го изучува виолончелото со Дејвид Лоуерс и Елен Датри и дипломирала на музичка уметност на Кралскиот колеџ за музика во 2009 година, кај Александар Бојарски. Од „БитФест“ за Легранд информираат дека тааработи, компонира и свири редовно со бендови како што се „Надвор од кралското семејство“, „Млади ножеви“, Стефан Корбин, свирејќи и електрично виолончело за снимки на фестивали како што се Glastonbury, V фестивалот, Channel 4, BBC 3, Cranberries Tour 2010, а од неодамна, ја изведува операта Мајкл Нјман со квартетот „Лигети". Нејзините нови проекти за 2018 година вклучуваат возбудлива програма на камерна музика на фестивалот„Лаудердејл хаус“ во Лондон од февруари до декември 2018 година, изведувајќи ги во трио и квартети, вклучувајќи ги Дебиси и Енеску сонатите. Вечер во битолскиот Музеј, Легранд, Поп Ристов и Вршкова ќе ги изведат делата „Трио соната“ од Жан Баптист Лоилет, „Ла бандолин“ од Куперин, „Пиано трио“ од Дебиси и „Соната за виолина и пијано“ од Пуленц.