битола-ресен – Kurir.mk

Истрага за тешка сообраќајна несреќа на патот Битола-Ресен, притвор за осомничената

Тале Кристо — Wed, 07 Dec 2022 11:06:57 +0000

Постапувајќи по поднесена кривична пријава, јавен обвинител од Основното јавно обвинителство Битола донел наредба за спроведување истражна постапка против едно лице осомничено за кривично дело тешки дела против безбедноста на луѓето и имотот во сообраќајот според член 300 став 2 во врска со член 297 став 1 од Кривичниот законик. – На 28 ноември, на магистралниот пат Битола-Ресен, осомничената жителка на Ресен управувала автомобил „Мазда 3“ под дејство на недозволено количество од 0,98 грам промили алкохол во крвта. Во алкохолизирана состојба не ја приспособила брзината на автомобилот кон условите на патот – остра кривина и намалена ноќна видливост. Како резултат на ова возилото излетало надвор од коловозот на левата страна и удрило во заштитната ограда. Дел од оградата се откинал при ударот и навлегол во внатрешноста на возилото кон совозачкото седиште, а сопатникот во автомобилот се здобил со тешки телесни повреди на мозокот и починал, соопштија денеска од Јавно обвинителство на Република Северна Македонија. По предлог на јавниот обвинител, Основниот суд во Битола определил мерка куќен притвор за осомничената.

Нормализиран сообраќајот на патот Битола-Ресен

Тале Кристо — Tue, 01 Feb 2022 18:50:23 +0000

Од 17:10 часот, сообраќајот на патниот правец Битола – Ресен, кој претходно беше во прекин поради сообраќајна незгода, е нормализиран, информираат од Автомото сојузот на Македонија. Од 15:55 часот е воведена забрана за сообраќај на тешки товарни возила на патниот правец Ресен – Битола преку планинскиот превој Ѓавато. Собраќајна несреќа беше причината за блокадата на патот.

СОБРАЌАЈОТ ПОД ЦЕЛОСНА БЛОКАДА: Сообраќајка на магистралниот пат Битола-Ресен, кај „Ѓавото“ (ФОТО)

Тале Кристо — Tue, 01 Feb 2022 15:13:49 +0000

Собраќајна несреќа го блокирше патниот правец Битола-Ресен, кај Ѓавото. Снежните врнеши, како и натрупаниот снег дополнително ја отежнуваат ситуацијата, при што патот е под целосна блокада и создадена километарска колона на автомобили од двата патни правци. Очевидци, од лице место за КУРИР велат дека причина за сообраќајката е неисчистениот пат од снегот, како и врнежите кои траат. Како што коментираат истите, очигледно и оваа година снегот во месец феврури, повторно ги изненадило належните и „Македонија пат“. Поради снежните врнежи сообраќајот на државните патишта се одвива отежнато, а на некои има и забрана за тешки товарни возила. ФОТО: Курир

Забрана за движење на товарни возила на патниот правец Битола – Ресен

Тале Кристо — Tue, 30 Nov 2021 09:11:32 +0000

Од 09:40 часот се воведува забрана за сообраќај на тешки товарни возила на патниот правец Битола – Ресен преку планинскиот премин Ѓавато, информираат надлежните од АМСМ. Инаку претходно како што информираа од УХМР претпладне времето ќе биде облачно со повремени врнежи кои и на некои пониски места ќе се менуваат од дожд до снег. Во западните делови ќе се формира нова снежна покривка. Повремени слаби врнежи од снег ќе има и на повисоките делови од Скопската котлина. Во пладневните часови врнежите ќе престануваат и облачноста ќе се намали. Ќе дува засилен ветер од северен правец, најизразен вдолж Повардарието. Утринските температури ќе се движат од -4 до 5 степени, а дневните од -1 до 9 степени. Наутро доста студено, ќе биде времето утре, а преку денот сончево со мала, а во западните делови умерена облачност. Ќе дува слаб до умерен ветер претежно од западен правец.

Пронајден хероин во ресенско: Приведени две лица од кои едното е 54. годишна жена!

Магдалена Андонова — Thu, 10 Jun 2021 09:43:26 +0000

На 09.06.2021 во 21.40 часот на патот Битола-Ресен, полициски службеници од Отсекот за недозволена трговија со дрога и оружје од Одделението за криминалистичка полиција при СВР Битола и од Полициско одделение за БПС од ОВР Ресен ги лишиле од слобода С.Ф.(39) од Скопје, со живеалиште во Ресен и Ш.А.(54) од Ресен. При преглед во патничко возило „опел“, управувано од С.Ф., а сопатничка била Ш.А. бил пронајден и одземен хероин. Тие биле приведени во полициска станица и по целосно документирање на случајот против нив ќе биде поднесена соодветна пријава.

На патниот правец Битола – Ресен задолжителна употреба на зимска опрема за тешки моторни возила

Дарко Андоновски — Sat, 13 Feb 2021 15:30:23 +0000

Од 15:10 часот на патниот правец Битола – Ресен преку планинскиот превој Ѓавато се воведува задолжителна употреба на зимска опрема за тешките моторни возила, соопшти Диспечерскиот центар на ЈП „Македонијапат“. Од Автомотосојузот на Македонија потсетуваат на законската обврска за задолжително поседување зимска опрема во возилата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има појава на утринска магла и можност од појава на одрони. Тоа посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

„Ауди“ се заби во запрен камион, возачот тешко повреден

Ивона Петрова — Thu, 12 Dec 2019 10:11:10 +0000

Сообраќајна незгода помеѓу запрено товарно возило „ман Ф200“, со струшки регистарски ознаки, управувано од Ц.Т.(34) с.Ботун, општина Дебарца и „Ауди“, со охридски регистарски ознаки, управувано од С.И.(40) од Охрид, се случила вчера. Од МВР информираат дека несреќата е пријавена на патот Битола – Ресен, на мостот кај с.Кажани. -Во незгодата со тешки телесни повреди се здобил С.И., по што бил пренесен во Клиничката болница Битола за укажување на лекарска помош. Извршен бил увид на местото на настанот од увидна екипа од СВР Битола, информираат од МВР.

Сообраќајна несреќа на патот Битола – Ресен, тешко повредени три лица

Тале Кристо — Sat, 12 Oct 2019 10:00:56 +0000

На 11.10.2019 во 14,15 часот во СВР Битола било пријавено дека на крстосница од магистралниот пат Битола-Ресен со регионалниот пат Макази-Маркова Нога, се случила сообраќајна незгода меѓу патничко возило „Голф 3“ со охридски регистарски ознаки, управувано од К.С(35) од с.Лескоец,охридско и патничко возило “сеат толедо“ со ресенски регистарски ознаки, управувано од Г.Г.(28) од Ресен. Во незгодата со тешки телесни повреди се здобиле К.С., неговата сопатничка М.С.(31) од с.Лескоец,охридско и сопатничката во патничкото возило “сеат “, Н.Ц.(28) од с.Царев Двор,ресенско кои се пренесени во Клиничкиот центар во Битола за укажување на лекарска помош. За настанот бил известен јавен обвинител, а увид на местото на настанот извршила екипа од СВР Битола.