битолчанец – Kurir.mk

Млад битолчанец доби кривична пријава, кај него пронајдени MDMA

Ивана Ефремовски — Fri, 20 Oct 2023 16:02:45 +0000

СВР Битола поднесе кривична пријава против И.М.(22) од Битола поради постоење основи на сомнение за сторени кривични дела „неовластено производство и пуштање во промет наркотични дроги, психотропни супстанци и прекурзори“ и „овозможување на употреба наркотични дроги“. На 05.03.2023 во Битола, полициски службеници извршиле преглед над пријавениот, при што пронашле и одзеле таблети метилен-диоксимеамфетамин - MDMA.

Битолчанец си заработил кривична пријава, еве што пронашла полицијата кај него

Тале Кристо — Fri, 20 Oct 2023 14:43:11 +0000

СВР Битола поднесе кривична пријава против Џ.Р.(34) од Битола поради постоење основи на сомнение за сторено кривично дело „недозволено изработување, држење и тргување со оружје или распрскувачки материи“. На 28.12.2022 во Битола, полициски службеници извршиле преглед над пријавениот, при што пронашле и одзеле пиротехнички средства.

Битолчанец загина во тешкаа сообраќајна несреќа на патот Прилеп-Крушево

Тале Кристо — Sat, 07 Oct 2023 10:29:32 +0000

Маж загина во тешка сообраќајна несреќа што се случи синоќа околу 21 часот на патот Прилеп-Крушево. Според информациите од МВР, загинатиот е 46-годишен маж од Битола, со иницијали Д.Т. кој управувал „киа“. Тој се судрил со „ауди“ во кое бил 43-годишен прилепчанец. Мажот од Битола по несреќата бил пренесен во Градска болница-Прилеп каде што починал, а по наредба на јавен обвинител телото е предадено за обдукција. Исто така, во несреќата со тешки телесни повреди се здобиле малолетен сопатник од Прилеп во возилото „ауди“, а возачот И.Б. и сопатниците И.Б.(38) од Прилеп и уште еден малолетник се здобиле со телесни повреди, кои им биле констатирани во Градска Болница-Прилеп. Бил извршен увид од страна на полицијата.

Полицијата претресе битолчанец: Поради тоа што го најде кај него, тој доби кривична

Ивана Ефремовски — Fri, 01 Sep 2023 17:52:48 +0000

СВР Битола поднесе кривична пријава против З.Б.(30) од Битола поради постоење основи на сомнение за сторено кривично дело „неовластено производство и пуштање во промет наркотични дроги, психотропни супстанци и прекурсори“. На 09.03.2023 во Битола, полициски службеници извршиле преглед кај пријавениот, при што биле пронајдени и одземени хероин, амфетамин, марихуана и дигитална вага со траги од хероин и марихуана.

Две лица од Битола завршија зад решетки, при претрес му била пронајдена марихуана

Тале Кристо — Thu, 03 Aug 2023 10:45:08 +0000

На 02.08.2023 полициски службеници од Полициската станица Битола ги лишиле од слобода А.Л.(26) и Ј.А.(23) од Битола, затоа што кај нив била пронајдена и одземена марихуана. По документирање на случајот против нив ќе биде поднесена соодветна пријава.

Сакале да го уапсат поради издржување на затворска казна од шест години, а тој се степал со полицајците – 22 годишен битолчанец допрва го чека пекол!

Дарко Андоновски — Fri, 21 Jul 2023 08:00:55 +0000

На 20.07.2023 на ул.„Караорман“ во Битола, полициски службеници од криминалистичката полиција при СВР Битола го лишиле од слобода Д.Џ.(22) од Битола. Тој бил баран по централна потерница врз основа на судска наредба за издржување казна затвор од шест години и три месеци за сторени кривични дела по член 238, 242, 236 и 396 од Кривичниот законик. Д.Џ. бил спроведен во Казнено-поправната установа Затвор Прилеп за издржување на казната. Инаку, при лишувањето тој физички нападнал полициски службеници кои вршеле службени дејствија за што ќе му биде поднесена соодветна пријава.

Битолчанец со автомобил удрил во велосипедист

Тале Кристо — Fri, 30 Jun 2023 14:40:35 +0000

На 29.06.2023 во 16.34 часот било пријавено дека во Битола на ул.„Партизанска“ патничко моторно возило „застава југо“ со битолски регистарски ознаки, управувано од Г.С.(45) од Битола удрило во велосипед управуван од Д.Т.(34) од Битола. Во несреќата со тешки телесни повреди се здобил велосипедистот, констатирани во Клиничката болница Битола. Извршен бил увид од увидна екипа од СВР Битола.

ОГРАБИЛ ЦРКВА, ПА ГО СТИГНАЛО КАЗНАТА – еве каков пекол го чека овој 31 годишен битолчанец

Дарко Андоновски — Thu, 15 Jun 2023 14:54:36 +0000

Полициски службеници од криминалистичката полиција при битолскиот СВР денеска во Битола го лишиле од слобода 31-годишниот битолчанец Џ.А. Тој бил баран по централна потерница врз основа на судска наредба за издржување на казна затвор од една година и шест месеци за сторени кривични дела „тешка кражба“ по член 236 од кривичниот законик. Исто така, како што соопштија од МВР, тој бил баран и поради сомнение дека на 14.06 2023 се обидел да изврши „тешка кражба“ во црква на улица „Довлеџик“ во Битола. Лицето ќе биде спроведено во Казнено-поправната установа „Затвор Прилеп“ за издржување на казната.

Приведено лице од Битола, одземени пушка и дијаболи

Тале Кристо — Thu, 25 May 2023 08:44:06 +0000

На 24.05.2023 во 18.30 часот во Битола на ул.„Димитар Илиевски Мурато" од страна на полициски службеници од криминалистичката полиција на СВР Битола бил лишен од слобода И .Г.(29) од Битола. Тој, управувајќи патничко возило „пасат“ со битолски регистарски ознаки, кај место викано „Грозд“, преку отворен прозорец со воздушна пушка испукал во кучиња скитници. Од него биле одземени воздушна пушка „гамо“ калибар 4,5 мм. и пакување со дијаболи. По документирање на случајот против него ќе биде поднесена пријава по Законот за оружје.

Битолчанец доби кривична поради коментар на Фејсбук

Ивана Ефремовски — Mon, 22 May 2023 17:45:34 +0000

СВР Охрид поднесе кривична пријава против Е.И.(63) од Битола, поради постоење основано сомнение за сторено кривично дело „ширење расистички и ксенофобичен материјал по пат на компјутерски систем“. Тој, по објавен текст на социјалната мрежа Фејсбук, објавил коментар со содржина со која ширел говор на омраза.