битолчани – Kurir.mk

Пронајдена дрога, приведени четворица битолчани

Ивана Ефремовски — Fri, 03 Nov 2023 11:02:40 +0000

На 02.11.2023 во Битола, полициски службеници од криминалистичката полиција на СВР Битола ги лишиле од слобода М.М.(37), М.А.(35), М.А.(33) и И.А.(53), сите од Битола. При претрес во нивниот дом, извршен со судска наредба, биле пронајдени и одземени марихуана, дробилка и пари во различни апоени. Лицата биле задржани во полициска станица и по целосно документирање на случајот, против него ќе биде поднесена соодветна пријава.

Кривична пријава против четири лица од Битола поради обид за кражба

Тале Кристо — Tue, 09 May 2023 16:54:57 +0000

На 09.05.2023 од страна на криминалистичката полиција на СВР Битола до Основното јавно обвинителство Битола поднесена е кривична пријава против Н.М.(18), К.М.(23), З.М.(22) и малолетник, сите од Битола, поради основи на сомнение дека на 02.05.2023 се обиделе да извршат тешка кражба во фирма во Радобор, битолско. Во извршениот службен разговор во СВР Битола, пријавените го признале во целост кривичното дело.

Оперирале низ Струга, кривична пријава против две лица од Битола

Тале Кристо — Wed, 20 Jul 2022 14:41:30 +0000

ОВР Струга поднесе кривична пријава против Ѓ.В.(29) и Б.В.(23), двајцата од Битола, поради постоење основи на сомнение за сторени три кривични дела „тешка кражба“. Тие, во периодот од март до мај оваа година, во кругот на ЈЗУ„Специјална болница за нефрологија“, на улицата „Партизанска“ во Струга, со употреба на остар алат, насилно пресекле и одзеле повеќе бакарни цевки, а на 30.05.2022 година ја пресекле цевката на централниот довод за медицински гас до операционата сала во зградата при што направиле дефект на системот за довод на медицински гасови.

Битолчани во куќни дворови, на балкони и со свеќа во рака го прославија Велигден

Тале Кристо — Sun, 19 Apr 2020 07:22:31 +0000

Битолчани ги испочитуваа националните и општинските препораки и ноќеска во своите дворови или на балкони, со свеќа во рака, точно на полноќ го прославија Велигден. Христос Воскресе се слушна во битолските населби и маала, но и желбата што побрзо, и насекаде да заврши пандемијата предизвикана од коронавирусот. Инаку, според востановената традиција, воскресението Христово, на полноќ во преспанско-пелагониската епархија го објави митрополитот г. Петар, придружуван од свештенослужители, но без присуство на верниците кои останаа дома. Точно на полноќ, владиката г. Петар со свештенослужители влезе во храмот „Св. Димитриј“ во Битола, прочита Велигденско Послание, а утрово одржа света златоустова литургија.

Кривични пријави за Битолчани кои што „оперирале“ низ Охрид

Дарко Андоновски — Sat, 21 Sep 2019 09:43:44 +0000

Полицијата поднесе соодветни пријави против три лица од Битола кои што извршиле повеќе кражби за време на летниот период во Охрид. СВР Охрид поднесе кривична пријава против В.С.(27) од Битола поради постоење основи за сомнение за сторени две кривични дела „кражба“, три дела „тешка кражба“ и две кривични дела „тешка кражба во обид“, против С.С.(49) од Битола, поради постоење основи на сомнение за сторени шест кривични дела „помагање“ и против Ѓ.Б.(47) од Битола, поради постоење основи на сомнение за сторени шест кривични дела „поттикнување“. Во периодот од 11 август до 9 септември 2019, пријавениот одземал пари ,мобилни телефони и други вредни предмети од куќи и апартмани во Охрид. За време на извршувањето на кражбите, второпријавената С.С. вршела обезбедување и набљудување на просторот околу куќите, додека третопријавениот Ѓ.Б. со возило ги превезувал и ги чекал на договорени места.

Битолчани му ги вратија автобусите на Шилегов, сега ја чекаат галијата

Дарко Андоновски — Fri, 23 Nov 2018 16:18:23 +0000

Трите дотраени автобуси од ЈСП “Скопје“, што скопскиот градоначалник Петре Шилегов ги испрати на позајмица во Битола за превоз на учениците, сепак, како што беа донесени инкогнито, така и си заминаа. Поради големите реакции заради опасноста да се врши превоз, дефектите што мораа да се отстрануваат на единствениот автобус кој беше ставен во функција и поради еуро-0 еколошки стандари со кои не е дозволено да се вози меѓуопштински превоз, оваа авантура на општинското раководство конечно заврши. – Автобусите од град Скопје беа позајмени и пуштени до Општината Битола со намера да одговориме во тој критичен период и ситуација во која се најдовме. Откако ја надминавме, цениме дека нема потреба да престојуваат во нашата Општина и да носиме одговорност за нив – рече денеска градоначалничката Наташа Петровска. Сега, битолчани се шегуваат дека во Битола се чека бродот од Скопје, откако првата дама на Битола на последната средба со Шилегов во Скопје му се заблагодари за трите автобуси и му побара една од галиите во “Вардар“.