битолска болница – Kurir.mk

21 годишна мајка родила мртво бебе во деветтиот месец, а ова не и првпат да роди починато новороденче – детали за трагедијата во битолската болница

Дарко Андоновски — Mon, 17 Jul 2023 10:30:20 +0000

Родилка со неконтролирана бременост во Германија, два месеца по враќањето во Битола, вчера во ЈЗУ Клиничка болница – Битола роди мртво бебе. Според директорката на битолската клиничка болница Елизабета Ивановска, станува збор за несреќен случај во семејството на мајка која и претходно имала породување со мртво бебе. - Родилката (21 г.) беше со неконтролирана бременост во Германија, а во нашата клиничка болница се јави со вишок на плодова вода во деветтиот месец од бременоста. Бебето беше породено со „царски рез“, немалтретирано, но за жал без знаци на живот. Разговаравме и со родилката која и претходно имала породување со мртво бебе, изјави за МИА, д-р Елизабета Ивановска, директорка на ЈЗУ Клиничка болница – Битола. Иако станува збор за несреќен случај, сепак ќе се направи дополнително испитување на причините за смртта на бебето на родилката.

ИМА ЛЕКАРСКА ГРЕШКА, СЛЕДУВААТ МЕРКИ: Еве што покажа извештајот за смртта на новороденче во Битола

Ивана Ефремовски — Wed, 12 Apr 2023 15:15:11 +0000

Државниот санитарен и здравствен инспектортат го објави извештајот со вонредниот инспекциски надзор извршен во текот на вчерашниот ден, а во врска со смртта на новороденчен во битолската Клиничка биолница. Во извештајот се посочува за лекувањето и третманот на родилката В.К кај која дошло до смрт кај нејзиното новороднче. Од увидот во медицинската евиденција и документација која се води во пишана и во електронска форма, како и од изјавите дадени од докторите гинеколози – акушери кои учествуваа во лекувањето и третманот на родилката (д-р М. В, д-р Х Ѓ и , д-р М. А) констатирана е дека родилката В. К првпат се јавила на преглед во установата на 08.04.2023, а прегледот е извршен од дежурниот лекар на одделението за гинекологија и акушерство д-р М.В. На ден 09.04. 2023 год. пациентката е примена на одделението за гинекологија и акушерство со искреиран упат од истиот дежурен лекар кој претходно го извршил прегледот, во 02.25 мин. Запис за прием креиран во 02.34 мин, историја на болест отворена во 02.39 мин. По изјава на дежурниот лекар, пациентката била примена на одделението поради болки. Прв направен ЦТГ запис во 02.10 часот, земена е крв за биохемиска анализа во 03.11 часот;. Дополнително направени уште два ЦТГ записи и тоа во 03.30 ч и од 06.20ч со потпис од дежурниот лекар д-р М.В. По приемот на пациентката на одделението за гинекологија и акушерство на 09.04.2023г во утринските часови, по изјава на д-р М.В дадена и е терапија, по што е пуштена дома поради тоа што „раѓањето не било започнато“, пациентката била отпуштена дома со препорака доколку се јават болки или прскање на воденикот, да се јави на одделението. Во медицинската евиденција не се внесени дадените препораки и нема отпусно писмо. Исто така нема евидентирано анамнеза и статус на пациенката од страна на дежурниот лекар кој го извршил приемот. По изјава на лекарите специјалисти по гинекологија и акушерство кои биле дежурни во наредната смена, на ден 09.04.2023г, пациентката В.К околу 14.00 часот се јавила на одделението, и по извршениот клинички преглед во амбулантата направен е ЦТГ запис во 14.15 часот По препораката за прием заради отпочнато породување, со оглед на утврдената состојба при извршениот преглед, констатирано е дека за неа веќе е отворена историја на болест. Пациентката е примена во предродилна сала, направен е ЦТГ запис во 15.00 часот и извршено е породување по природен пат со употреба на вакум екстрактор при излез. Дежурните лекари во наредната смена изјавуваат дека при примопредавањето на дежурството не им било пренесено дека за пациентката В.К претходно е отворена историја на болест и извршен прием на одделението, ниту пак во рапортната тетратка на докторите или медицинските сестри е евидентиран приемот на истата во ноќните часови. За време на породувањето присутен е и специјалист педијатар – неонатолог. Од увидот во неонатолошкиот картон за лекување и третман на новороденото на В.К констатирано е дека уредно се пополнети сите рубрики. Родено е живо машко дете со АПГАР 2. По неуспешна 10 минутна реанимација од страна на неонатологот, повикан е анестезиолог и контактирана е ЈЗУ УК за детски болести и побаран е транспорт со инкубатор. И покрај упорната реанимација во траење од 2,35 часа во 18.25 ч. констатирана е смрт на новороденото од страна на присутните лекари специјалист педијатар – неонатологот и специјалист анестезиолог. Телото е предадено на обдукција со пополнети потврда за смрт и лекарски извештај за причина за смрт, а во пријавата за породување истото е нотирано, се посочува во извештајот на ДЗС. Докторите специјалисти кој учествувале во лекувањето и третманот на пациентката и новороденото имаат лиценци за работа кои се во рок на важност, а за константираните недостатоци од страна на ДСЗИ ќе бидат изречени прекршочни мерки за д-р М. В, за правното лице и за одговорното лице во правното лице врз основа на чл.48-а ст.1 т.1 и 2 и ст.2 и 3, а во врска со чл.6 од Законот за евиденции во областа на здравството. За д-р М. В ќе биде изречена и прекршочна мерка по чл.313 ст.1 т.2 од Законот за здравствена заштита, се истакнува во извештајот на Државниот санитарен и здравствен инспектортат.

ДЗСИ врши вонреден инспекциски надзор во Клиничка болница-Битола, директорот во оставка

Дарко Андоновски — Tue, 11 Apr 2023 10:59:38 +0000

Тим инспектори од Државниот здравствен и санитарен инспекторат (ДЗСИ) во ЈЗУ Клиничка болница-Битола денеска инспектираат со цел да ги утврдат причините за смртта на новороденче на Одделението за гинекологија и акушерство во таа болница.

Од Министерството за здравство соопштија дека комисија од специјалисти гинеколози, неонатолог и анестезиолог, врши вонреден инспекциски надзор.

- Во врска со случајот со починатото новороденче во Клиничка болница Битола, информираме дека денеска Државниот санитарен и здравствен инспекторат врши вонреден инспекциски надзор. Комисијата е излезена на терен и во тек е надзорот за утврдување на текот на лекувањето на починатото новороденче. Истовремено е формирана и комисија за стручен надзор, составена од двајца специјалисти гинеколози, неонатолог, анестезиолог, како и претставник од Министерството за здравство. Директорот на Клиничка болница Битола, д-р Александар Обедниковски, утрово до Министерството поднесе неотповиклива оставка од морални причини, соопштија од Министерството за здравство.

Новиот т.н. здравствен инцидент во ЈЗУ Клиничка болница-Битола, што е регистриран неколку седмици по смртта на шест годишното девојче Јана Христовска, која животот го загуби во Одделението за педијатрија во истата болница, предизвика револт во градот, кој утре во 17 часот повторно ќе биде искажан пред болницата со вклучување сирена и оддавање едноминутно молчење, известија организаторите на протестот.

По смртта на новороденче: Директорот на битолската болница поднесува оставка

Ивана Ефремовски — Mon, 10 Apr 2023 18:58:47 +0000

Д-р Александар Обедниковски, генерален директор на ЈЗУ Клиничка болница-Битола, најави дека утре ќе поднесе оставка од морални причини. Повод за повлекувањето на Обедниковски од функцијата прв човек на битолската болница е најновата трагедија во таа здравствена установа, односно смртта на новороденче која беше регистрирана во болницата, а за што денеска министерот за здравство Фатмир Меџити изврши вонредна посета во Битола. Како што е познато неодамна во ЈЗУ Клиничка болница-Битола почина и 6-годишното девојче Јана Христовска за што се води истрага, а битолчани во знак на протест организираа мирни собири во овој град. (МИА)

ЛЕКАРИ ТВРДАТ ДЕКА ОД ШЕЌЕР НЕ СЕ УМИРА – од што почина тогаш малата Јана во битолската болница? (ФОТО)

Дарко Андоновски — Fri, 24 Mar 2023 12:31:25 +0000

Зошто почина 6-годишната Јана? Клиничката болница во Битола е под вонреден инспекциски надзор. Комплетната документација ја чешлаат од обвинителството, полицијата, но се чека и вонредна инспекција од посебно формирана комисија од министерството за здравство. Во меѓувреме се земаат изјави од инволвираниот персонал и се разговара со сите кои имале контакт со девојчето. Директорот на болницата во Битола Александар Обедниковски, побара од министерот да се испрати комисија од Скопје за да нема сомнеж дека нешто се крие. Веста ја вознемири јавноста, особено откако таткото на малата Јана обелодени дека според анализите на крвта таа имала шеќер 9, а потоа и дале и гликоза со инфузијата со што шеќерот дополнително се покачил на 19, по што починала. Причините за смртта ги коментираат и лекари на социјалните мрежи. Докторот Ненад Лазаров во статус на Фејсбук вели „Од гликемија 19 не се умира акутно“. На неговиот пост колеги лекари ја коментираат состојбата и велат: „Не се умира од гликемија, но се умира од кетоацидоза. Тешка загуба за родителите, но компликација на хипергликемија во детска возраст, акутна состојба каде се јавува и инсулинска резистенција има ваква компликација„ Со ова се сложуваат и други лекари. „ Дијабетски хиперосмоларен синдром помислив прво“. „Тоа е причината претпоставувам. Тоа се ургентни состојби во детска возраст кој може да завршат со егзитус за жал“. Сепак сите се сложни дека треба да се почека обдукцијата да ја покаже точната причина за смртта по што ќе се знае дали се работи за лекарска грешка или не.

Скандал: Директорка и медицинска сестра патувале во странство на сметка на битолската болница

Ивана Ефремовски — Thu, 04 Mar 2021 16:03:46 +0000

Секторот за внатрешни работи Битола до Основното јавно обвинителство Битола, поднесе две кривични пријави, една против Н.И.(50) од Битола, раководител-директор за економско финансиско работење во ЈЗУ Клиничка болница Битола, поради основано сомнение за сторено кривично дело казниво по член 353 од КЗ на РСМ “Злоупотреба на службената положба и овластување“ . Пријавената во својство на службено лице по барање на тогашниот директор на Клиничка болница Битола, З.Л.(67) на 22.01.2020 година изготвила налог и извршила исплата на надомест за неискористен одмор во висина од 162.762 денари, без содветна одлука на Управен одбор. Исто така, поднесена е кривична пријава против Р.Б.(52) од Битола, вработена како главна медицинска сестра во ЈЗУ Клиничка болница Битола и Н.И.(50) од Битола, Раководител - Директор за економско финансиско работење во ЈЗУ Клиничка болница Битола, поради постоење основано сомнение за сторено кривично дело казниво по член 353 од КЗ на РМ “Злоупотреба на службената положба и овластување“. Пријавените, во периодот од 2018-2020 година, без одлуки на Управен одбор, реализирале повеќе службени патувања во странство, за што од сметката на ЈЗУ Клиничка болница Битола за сместување, превоз и дневници биле исплатени 654.388 денари.

ДСЗИ издаде решенија по вонредниот инспекциски надзор во болницата во Битола

Дарко Андоновски — Fri, 27 Nov 2020 13:03:16 +0000

На директорката на Клиничката болница во Битола и е наложено да обезбеди адекаватна просторија за починати пациенти или да ја прошири моргата која ќе одговори на потребите, по инспекцискиот надзор што го изврши Државниот санитарен и здравствен инспекторат откако во медиумите беше споделено видео дека во иста просторија во тријажниот центар пациенти примаат инфуција и има починати. Директорката на ДСЗИ Ирина Сотирова Бухова вели дека веќе се поставени и паравани и се задоволени потребните критериуми за почитување на правата за приватност на пациентите, а изречено е решение за санирање на санитарниот чвор што со претходно решение бил забранет за употреба. ДСЗИ досега иницирал 21 вонреден инспекциски надзори, а во тек се девет. -Тоа е делот од тријажниот центар каде се лекуваат и примаат терапија пациенти кои се надомашно лекување суспектни на Ковид. Случката е на 22 во 16.30 часот кога во болницата имајќи го предвид билетнот од претходниот ден, за жал, во битолската болница има вкупно 13 егзитирани пациенти, капацитеот на моргата која ја имаат за сместување на починати пациенти е четворица. Заради динамиката на подигање на телата, секако се во склоп со законските протоколи после колку време може да бидат подигнати телата, има недостиг од простор. На директорката и е наложено да обезбеди адекватна просторија или проширување на моргата која ќе одговори на потребите. Во однос на изолираноста на пацинетите со паравани, тие се веќе поставени и се задоволени основните критериуми почитувајќи ги правата за приватност од Закон за права на пацинети, изјави Бухова. Вонредниот надзор на ДСЗИ во Килиничката болница во Битола ги опфати и санитарно хигиенските услови, а по реакците за состојбата на санитарен чвор. ДСЗИ, појасни Бухова, уште минатата година има издадено решение за тој санитарен чвор и е забранет за употреба и со решение е наложена негова реконструкција. Тој дел од болницата пред почеток на пандемиските услови беше планиран за комплетно реновирање и пременување во геријатриски центар, но заради напливот на пациенти овој дел од болницата е отворен за употреба, освен санитарниот чвор. Во моментов е издадено решение по кое директорката веднаш постапува за санирање, рече Бухова, одговарајќи на новинарски прашања по средбата на инспкеторите од ДСЗИ со вицепремиерот Љупчо Николовски.

Ужас во здравството на Филипче: Во битолската болница човек прима инфузија, до него мртовец

Магдалена Андонова — Tue, 24 Nov 2020 12:43:34 +0000

На социјалната мрежа Фејсбук се појавија фотографии споделени од страна на профилот Vasco Beleski, на која што јасно се гледа како додека пациенти примаат инфузија, до нив на креветите има мртовци. „БАРАМ МИНИСТЕРОТ ФИЛИПЧЕ ДА СИ ДАДЕ ОСТАВКА И ХИТНО ДА СЕ ФОРМИРА НОВА ВЛАДА НА ЕКСПЕРТИ“ стои во Фејсбук статусот со споделената фотографија на Васко Белески. -Овие фотографии се направени во Болница во Битола. Од четири кревети, двајца примаат инфузија , на другите два кревети има два лешеви. Под хитно оставка на министерот Филипче заедно со Заев. Полошото тек доаѓа, пишува тој.

Клиничката болница во Битола пред колапс: Потресно сведоштво-дали короната наплаќа данок и кај други болни?

Ивана Ефремовски — Fri, 30 Oct 2020 08:51:59 +0000

Негрижа за пациентите, дури некои препуштени сами на себе, а за починатите да нема нема кој да ги извести домашните. Со овие квалификации за Клиничката болница во Битола, вчера пред камерата на АЛФА излегоа најблиските на 79- годишниот Трајко Бојоски, кој во понеделникот почина во Интерното одделение, а до денеска домашните немаат добиено отпусна листа ниту знаат од што почина. Починатиот, како што велат неговата сопруга и ќерка, со страшни болки и голготи, неколку пати приман, па враќан и после повеќе саати натегање со докторите, во неделата бил примен во Интерното одделение. Примал само симптоматска терапија како што рече ќерка му, а другиот ден дури го нашле врзан откако еднаш веќе паднал од кревет. -Мажот ми беше целиот изврзан како на бесилка. Рацете врзани за креветот и провиснати надолу и нозете врзани и расчекорени. Јас се запрепастив и барам сестра, ама нема, рече сопругата Блага Бојоска, пренесе АЛФА. При втората посета до вечерта, домашните го нашле мртов без претходно да бидат известени и според нив, никој ниту го погледнал. -Абе како може, тука се слекуваат и облекуваат и никој да нема од персоналот. Кога свриштивме, дојдоа ама беше касно. Три пати што ги побарав, три пати во истата соба беа собрани заедно, од болничарка до сестри. Во салонот бомба да фрлиш- рече ожалостената сопруга. Ќерката вели дека болницата е во колапс, а персоналот е тотално незаинтересиран за болните и сите се плашат да не закачат корона. -Болницата не функционира, тотален колапс. Таму единствено што функционира е обезбедувањето. Одделенијата се празни, ништо не ни дадоа и не не известија. Пациентот починат, оставивме два мобилни телефони за контакт, спсолутно никој не не контактираше, а нивни број за контакт не даваат за да прашаме за нашиот пациент. Во која држава, со кој систем Филипче ова го развива, кое здравство и која Клиничка болница?- рече ќерката Гордана Пресилска. Од Клиничката болница денеска не беше возможно да се добие мислење за овој случај. Меѓутоа, некои лекари неформално велат дека тука с`е е подредено на пациентите болни од ковид- 19 и дека сега и одделот за физикална терапија се подготвува да ги прими евентуалните пациенти. Меѓутоа, барем засега, точна бројка колку пациенти со корона можат да бидат примени не се знае како да е класифицирана информација, а на починатиот ниту му направиле тест за евентуална проверка.

Опрема под клуч, заболени доктори во битолска болница

Ивана Ефремовски — Fri, 09 Oct 2020 11:28:19 +0000

КОВИД -19 удри и по здравствениот персонал, а сето тоа се случува поради недостиг на заштитна опрема. Имено, веќе подолго време здравствениот персонал апелира до Mинистерството за здравство дека се соочуваат со недостиг на заштитна опрема што го доведува до ризик нивното здравје. Пример за тоа е и ситуацијата во Клиничка болница „Др. Трифун Пановски“ - Битола во Службата за aнестезија, реанимација и интензивно лекување каде што има заболени од КОВИД-19. -Тројца aнестезиолози се во изолација, од кои двајца со позитивен тест на коронавирусот. И уште неколку вработени од средниот медицински персонал се во изолација и со позитивен тест. Има позитивен здравствен персонал и на Одделението за хирургија, сведочат медицински лица. Од самиот почеток на пандемијата, велат тие, добивме само две N95 маски и додаваат скафандери се чуваат по шкафови под клуч, и се работи без никакви протоколи и насоки. Поради ваквите услови во кои што се приморани да работат здравствените лица, има се повеќе позитивни на КОВИД-19, но се доведува во прашање и здравјето на граѓаните. Бидејќи ако здравствениот персонал се зарази со вирусот ќе нема кој да ги лекува граѓаните, а тоа доведува до крахирање на целосниот здравствен систем во Република Македонија.