ПОЖАР ВО БИТОЛСКИОТ ЗАТВОР – неколку чувари завршија во болница!

Дарко Андоновски — Wed, 12 Jul 2023 05:31:08 +0000

Нема повредени во пожарот што зафатил една просторија во битолскиот затвор лоциран во месноста „Црн Мост“ во Битола. Според првичните информации, единствено лекарска помош побарале и им е укажана на неколку чувари во затворот кои вдишале чад. Се очекува во текот на денот да бидат соопштени информации за причините за пожарот во битолскиот затвор кој веднаш бил изгаснат.

Албанците осуденици во битолскиот затвор од денеска почнуваат штрајк со глад

Ивана Ефремовски — Thu, 29 Mar 2018 09:32:13 +0000

Неколку Албанци осудени на казна затвор, кои ја издржуваат казната во затворот во Битола, денеска почнаа да штрајкуваат со глад, пишува интернет порталот на албански јазик „Журнал“. Според нив, условите се толку лоши што ги споредуваат со озлогласениот затвор „Гвантанамо“. Албанските затвореници во Битола, исто така, се жалат на дискриминација по етничка и верска основа. Во исто време, тие бараат сите да се солидарност со нив за подобрување на ситуацијата. Тие напишале: „Битолски затвор, „Гвантанамо“ на Македонија #Штрајк_Соглад #Сподели. Почитувани, во затворот во Битола неправедно се држат неколку Албанци, меѓу кои и имамот Реџеп Мемиши, кој беше осуден на седум години затвор, но неправедно се држи во затворот во кој со закон се чуваат само осудените под 3 години затвор. Условите во затворот за поголема казна се катастрофални, греење има само 2 часа, храна што не ja јадат ниту глувци, собите изградени од времето на Отоманската империја, се само некои од условите на затворениците во „Гвантанамо“ на Македонија, со кои се соочуваат секоја ден од животот. Националистичките и верските провокации не престануваат ниту еден ден. Познатата изрека „Тука е Битола“ е гордост на шовинистичките чувари против Албанците, за да ги притискаат, во секое време. Книгите не се дозволени, семејните посети траат само 30 минути, иако им следи повеќе. Иако, имаат деца под две години, наместо во затворот „Идризово“, каде што со закон им припаѓа да бидат, се држат над 200 км далеку од Скопје, во затвор каде што не постојат минимални услови за изолиран затвор. Психолошки терор не престанува, до сега се молчело бидејќи се соочуваа со разни закани внатре во затворот од страна на раководството на озлогласениот „Гвантанамо“ на Македонија, објавува „Журнал“. Понатака порталот пишува дека тие почнуваат штрајк со глад, бидејќи не им останала друга опција. На оџата Реџеп Мемиши, за време на посетата на Дирекцијата за санкции, наводно му бил ветен брз трансфер бидејќи сите основни права биле повредени. Но, до сега не е исполнето ветувањето. Штрајк со глад, од утре почнуваат тројца затвореници кои се соочуваат со шовинистички терор, тие се: Бурхан Салиу, Осман Османи и Реџеп Мемиши.

битолски затвор – Kurir.mk

ПОЖАР ВО БИТОЛСКИОТ ЗАТВОР – неколку чувари завршија во болница!

Албанците осуденици во битолскиот затвор од денеска почнуваат штрајк со глад