бизнис заедница – Kurir.mk

Обновување и унапредување на прекугранична соработка меѓу општините и бизнис заедницата

Тале Кристо — Fri, 27 May 2022 14:37:57 +0000

Во организација на регионалната стопанска комора со седиште во Битола, денес во с.Стење се одржа работна средба на која присуствуваа претставници на општините Лерин, Аминдео и Преспа, како и претставници на коморите од Лерин и Пела од Република Грција, информираат од општина Битола. Тема на средбата беше: Обновување и унапредување на прекуграничната соработка во пост – ковид периодот меѓу општините и бизнис заедниците во преспанско – пелагонискиот регион во прекуграничните области на Република Македонија и Република Грција. На покана на претседателот на регионалната комора од Битола, Мирко Велковски, на работниот состанок присуствуваше и градоначалникот на општина Битола, Тони Коњановски, кој во своето обраќање пред присутните ги потенцираше можностите кои ги има Битола за нови инвестиции, како и очекувањата за економски напредок и нови инвеститори во градот. На средбата беа разменети искуства од досегашната соработка, а посебно беше ставен акцент и на идните планови за развој и продлабочување на прекуграничната соработка, особено во областа на енергетската ефикасност и заштитата на животната средина, се вели во соопштението од општината.

Бизнис заедницата од Г-20 повика да се обезбеди одржување на сегашниот економски раст

Тале Кристо — Sat, 30 Oct 2021 10:14:47 +0000

Претставниците на деловната заедница на државите од Г-20 стравуваат дека тековниот економски раст што се случи откако пандемијата стивна може да биде бесмислен без координирана политика за обезбедување инвестиции и енергетска транзиција, изјави Ема Маркегалија – претседателка на Б-20 (Бизнис 20), која нагласи дека бизнисмените очекуваат политичарите да обезбедат одржлив раст. – Главната грижа е дека сегашното економско закрепнување што го гледаме по неверојатната рецесија во 2020 година ќе биде краткотрајно. Она што е важно не е сегашниот економски раст што се проектира за оваа година (до 6 отсто во Италија), туку потребата да се задржи овој раст на долг рок. Друга загриженост е дека нерамномерниот раст ќе создаде уште поголеми економски и социјални разлики. Истовремено, неопходно е да се избегне протекционизам, кој и штети на светската економија, рече Марчегалија. Според неа, оваа година се очекува раст на светскиот БДП на 5,7-6 отсто, а во 2022 година – 4,5 отсто. По минатогодишниот колапс, светската трговија порасна за речиси 10 проценти. Овие две години се многу важни во однос на растот, кој не смееме да го загубиме, рече претседателката на Б-20. Таа изрази мислење дека на глобално ниво е можно до крајот на 2021 година да се вратат предпандемиските показатели. Б-20 очекува политичарите да усвојат заедничка политика насочена кон одржување на конкурентноста на компаниите. Не е потребна само еколошка транзиција, туку и поддршка на социјалните и економските модели. За таа цел, има потреба од инвестиции во истражување и иновации, како од страна на државата, така и од приватниот сектор. – Не е доволно само да се каже дека ќе се спротивставиме на климатските промени – ни треба политика, инвестиции, рече таа. Маркегалија истакна дека Б-20 е за одредување „цена на јаглеродот“ и исто така сака јасни критериуми за стандардите на компаниите со „зелен статус“. – Сакаме координиран систем сличен на европскиот модел за тргување со емисии да се воведе насекаде во сите земји. И ова ќе даде јасен сигнал до инвеститорите да посветат поголемо внимание на проектите за обновливи извори на енергија. Но, ова не го гледаме како данок, туку како пазарен систем. Такви модели веќе постојат – во Европа, во Јапонија, но овие системи мора да се координираат, вели бизнисменката. Таа изрази мислење дека треба да се зачува природниот гас. Неговата употреба постепено ќе се намалува, но без него е тешко да се направи каква било енергетска транзиција. – Во тој поглед, ние не се придржуваме до никакви идеолошки линии, туку се водиме од многу практични и прагматични размислувања. Потребни се инвестиции во нови технологии и истражувања. А за да избегнеме ситуации како сегашната на енергетскиот пазар, мора да ја напуштиме идеологијата и да се придржуваме до прагматичната линија на однесување, рече Марчегалија. Таа истакна дека големиот бизнис има повеќе допирни точки и можности за постигнување договор за клучните прашања. „Важно е да бидеме чуени, бидејќи ги познаваме пазарите и тоа ни овозможува да дојдеме до заклучоци кои потоа им ги пренесуваме на политичарите. Но, се разбира, без политичка волја, глобалните проблеми не можат да се решат, заклучи шефицата на Б-20. Во Рим денеска почнува Самитот на Г-20. Таму ќе бидат презентирани заклучоците и препораките од состаноците на ресорните министри одржани во текот на годината, како и од Б-20. Главните теми на форумот се климата, здравјето и одржливиот развој, кои се меѓусебно поврзани.

Муцунски: Во Македонија мора да создадеме економска благосостојба, држава која што ќе биде партнер со бизнис заедницата

Тале Кристо — Fri, 03 Jul 2020 10:12:38 +0000

Голем број наши здравствени работници, се уште се под голем притисок од корона кризата. Нашите болници се преполнети, секој ден имаме цифри, троцифрени бројки од зарзени, имаме и многу мртви. Нашите молитви треба да бидат со нашите здравствени работници и со сите заболени, а првиот напор што треба да го преземе следната Влада, е да преземе реална и конкретна здравствена политика која што ќе го реши тој предизвик, потоа следуваат многу предизвици, истакна во синоќешната телевизиска дебата на телевизија 21 кандидатот за пратеник од редовите на ВМРО-ДПМНЕ во ИЕ1 Тимчо Муцунски. -Во Македонија мора да создадеме економска благосостојба, продуктивна економија. Држава која што ќе биде партнер со бизнис заедницата, држава која што ќе ги намли даноците и за сите трговски ентитети, но посебно за младите категории, кој што гледаме се почесто се иселуваат од државата, треба да преземеме конкретни мерки и да ги убедиме да останат тука врз основа на добри деловни услови, рече Муцунски. Ќе се согласам и со претходните говорници, добри деловни услови претпоставуваат на правна држава нешто што ние го нарекуваме и што по мене е најбитно во владеењето на правосудниот систем, тоа е предвидливост. Вие да знаете дека законите важат за сите, но и ќе бидат применувани од тие што имаат обврска да ги применуваат, посочи тој.