бизнисмен – Kurir.mk

Ќерката на Жељко Митровиќ по вторпат се сврши за милијардерот Илија – од цената на свршеничкиот прстен буквално се купува автомобил (ФОТО)

Дарко Андоновски — Wed, 27 Sep 2023 09:37:29 +0000

Ќерката на сопственикот на телевизија Пинк, Жељко Митровиќ се сврши за милијардерот Илија. Среќната вест ја споделија на социјалната мрежа Инстаграм каде го покажа скапоцениот прстен кој го добила од избраникот. Овој луксуз од брендот „Graff“ изработен е од бело злато и има дијамант на себе, а на официјалната страница стои цена од 8.400 евра па се до 15.000 евра во зависност од желбите на клиентите. Инаку, Кристина еднаш ја раскина свршувачката со Илија, а потоа се смирија и ја обновија романсата. Очигледно сега се позрели во одлуката и нивната љубов е посилна од било кога, пренесуваат српските медиуми.

Центарот на Софија блокиран од полицијата поради убиство на контроверзен бизнисмен

Дарко Андоновски — Wed, 16 Aug 2023 14:12:59 +0000

Центарот на Софија е целосно блокиран по убиството на контроверзниоит бугарски бизнисмен Алексеј Петров. На клучните булевари во градот има вооружени полициски екипи, јавија софиските медиуми. Сите влезови и излези на главниот град на Бугарија се блокирани и со полициски автомобили. Петров денеска беше застрелан во главниот град околу 12 часот и 20 минути. Тој бил придружуван од жена која е хоспитализирана и е во тешка здравстеба состојба. Според поициски извори, во момент на фаталната стрелба кон негоп, со Петров имало три лица од негово лично обебзедување. Алексеј Илиев Петров според софиски медиуми, бил контроверзен бизнисмен, политичар, експерт за корпоративна безбедност и антитероризам. Роден е на 23 април 1962 година. Работел 8 години во безбедносните сили и во антитерористичките сили до почетокот на 1990-те. На 15 август 2002 година, против него беше извршен неуспешен обид за атентат. Во 2009 година од тогашниот министер за внатрешни работи Румен Петков беше прогласен за долгогодишен таен соработник на контраразузнавањето, а подоцна и на државната Агенција за национална безбедност. На 10 февруари 2010 година е приведен и обвинет дека е водач на криминална група која се занимавала со рекет и изнуда. Во февруари 2014 година, специјализираниот суд одлучи да ја прекине истрагата за таканаречениот „Голем октопод“. Четири години по операцијата, обвинителството не успеа да ги собере потребните докази за да биде покренато обвинение и случајот да оди на суд. На 29 октомври 2015 година, против него беше извршен уште еден неуспешен напад со гранати. Алексеј Петров на 13 ноември годинава објави награда од 100.000 долари за информација кој стои зад нападот врз него. Бил селектор на бугарската карате репрезентација. На 7 јули 2011 година, неговата кандидатура за претседател беше предложена од група граѓански здруженија и од Иницијативниот комитет „За единство и тим“. Ова е прва кандидатура за претседателските избори. На 7 септември 2011 година, Алексеј Петров и неговиот тим повикаа на мораториум на активностите на политичките партии.

ЈАДЕЛ ПИЕЛ И НЕ САКАЛ ДА ПЛАТИ ПА ЗАВРШИЛ СО СКРШЕНА РАКА И РЕБРО: Во ресторан на плажа претепан син на бизнисмен!

Тале Кристо — Thu, 04 Aug 2022 10:42:47 +0000

Во ресторан во Пула претепан е гостин кој наводно не сакал да си ја плати сметката. Според пишувањата на локалните медиуми, персоналот на ресторанот го претепале 26-годишниот гостин бидејќи откако ручал не ја платил сметката. -Син ми седна во ресторан, и додека ме чекал , јадел пица и пиел пиво. Бидејќи поради работни обврски задоцнив да му донесам пари да плати и да си оди дома. Меѓутоа, штом стигнав на паркингот тој беше на другата страна од патот, видов како целиот персонал од ресторанот го удира додека лежи на земја. Мислеле дека ќе избега и викаа по него. Сега е со скршена рака и едно ребро. Дири и да имало некаков проблем, било какво недоразбирање, не е нормално да претепате човек за пица, вели таткото на нападнатото момче, сопственик на неколку кафулиња во Пула. Медиумите побарале одговори и во ресторанот во кој што се случил инцидентот. -Ќе проверам за што станува збор, но не верувам дека моите вработени некого би претепале. Се случувало некој да нема пари или тврдоглаво да плати, но никој никогаш не бил нападнат. Ние ја негуваме репутацијата на нашиот бар и навистина тоа што ме прашувате ми е за неверување, рекол сопственикот на ресторанот. Од полицијата го потврдија настанот и работи на околностите како дошло до овој немил настан. -Полицијата го испитува настанот со повредата на 26-годишното момче кое на 31 јули околу 23.20 часот пријавило дека на Форуот во Пула бил нападнат од повеќе лица затоа што не платил за оброкот кој го конзумирал во ресторанот. Во инцидентот тешко повредено е момчето, а полицијата продолжува да испитува под кои околности настанал овој настан, велат од полицијата.

Почина бизнисменот Адем Кочан

Тале Кристо — Tue, 09 Nov 2021 15:30:06 +0000

Почина бизнисменот Адем Кочан, објави семејството на Фејсбук. -Со длабока тага во срцата ве известуваме дека денес по подолго боледување почина нашиот сопруг, брат, син, татко и дедо Адем Кочан. Полн со живот и енергија која ги допираше сите кои го знаеа, Адем последната битка ја биеше тивко.Така и замина, опкружен со љубовта од најблиските. Нашата тага денес е единствено надмината од гордоста на него и животот кој го остави во секој од нас. На неговото последно патување ќе го испратиме утре на 10ти Ноември во 13.30 во Џамијата во Бутел 1, а погребот ќе се одржи на градските гробишта во Бутел во 14.30, информира семејството. Роден е во 1955 година, во Рожаје, Црна Гора. Тој е познат бизнисмен на балканските простори. Се занимавал со оранжериско производство. Добитник е на голем број награди и признанија. Неговите колеги за него велат дека бил голем човек и голем хуманист.

ФОТО: Ќерката на познат бизнисмен се преврте со својот џип во центарот на Охрид

Тале Кристо — Sun, 19 Sep 2021 21:36:08 +0000

Ќерката на познат охридски бизнисмен вечерва се преврте со својот џип џипот се преврте на улица во Охрид, за среќа нема жртви. Сообраќајот на улицата „Димитар Влахов“ во Охрид, во правец од општината кон чаршијата е сопрен, истиот се пренасочува по другите улици. Репортерот на Република јавува дека со црвениот џип мерцедес управувала ќерката на познат охридски бизнисмен, која од непознати причини изгубила контрола над управувачот. Полициски екипи вршат увдид на местото на несреќата, а подетални информации ќе има во текот на утрешниот ден.

Ангеловски: Во нормална држава министер ќе војува со непријателот, а не со сопствениот народ

Ивана Ефремовски — Wed, 08 Apr 2020 14:21:43 +0000

Мартин Ангеловски од Групацијата за Угостителство порачува: Во нормална држава министер ќе војува со непријателот, а не со сопствениот народ кој го избрал за да му помогне кога има потреба. -Кај нас наместо да помогне, се заканува. Инаку статистика бројките од нас ги црпи и не е баш умно од нив да чекаш бројки, кога прецизна бројка за една минута може агенција за вработување да ти даде. И на крај доста со манипулации, Развојна банка дава кредити, а кредити веќе имаме.Како во нормална држава помош ни требаше, а не да не дозаглавите со кредити. Новите мерки за кои зборевме, дури вчера ги објавивте баш ме интересира јавно да кажете кој тоа од вчера до денес ги искористил, порача тој. Овој коментар го објави споделувајќи изјава на министерот Бектеши.

Фрапантни сведоштва на бизнисмен: Луѓе на Зоран и Вице Заеви во акција да ми го превземат имотот

Тале Кристо — Tue, 10 Dec 2019 16:32:24 +0000

„Јас сум член на СДСМ уште пред да биде претседателот, или Заев. И моето дружење со него од 2014 до 2017 година сега не би го коментирал. Од 99 година сум член на СДСМ, а во целата приказна влегов заради тоа што верував во премиерот и во неговите добри намери, во лидерот на мојата партија СДСМ. Цврсто му верував на премиерот“ Ова се зборовите со кои почнува да сведочи пред камерата на Алфа бизнисменот Киро Тошевски, сопственик на фирмата БАНА под чија капа е објектот за кој, како што вели, намерата била да заврши во рацете на братот на премиерот Зоран Заев, Вице. -Од 2017 година кога веќе дојде на власт, се што тој почна да прави врз мене се разни манипулации со други личности, поврзани за Заев и неговиот брат Вице Заев, раскажува Тошевски. Но за само две години, работите стигнале до таму, што сега како што вели Тошевски, стравува дека ќе го изгуби имотот каде што е објектот. Но одиме со ред. Објектот што е предмет на агонијата на Тошевски всушност е карабина, има платено комуналии за околу 12700 метри квадратни, а нето површината е безмалку 10 илјади метри квадратни. Се наоѓа меѓу хотелот Хилтон и факултетот ФОН. Летото во 2017 Тошевски одлучува да го продаде објектот по цена од 4 милиони евра. Дури почнува и да разговара со потенцијални купци. Но во еден момент добива повик од премиерот да не брза со продажбата, односно да ја чува локацијата како атрактивна за странските инвеститори -Ми кажа дека ми мисли добро, односно да се стрпам да бидам спокоен дека објектот и имотот ќе се продаде на вистински луѓе странски инвеститори, велиТошевски. Тогаш почнало се. Прв директен понудувач бил сопственикот на луксузен хотел во Аеродром. Но никогаш не се спогодиле за сумата. Сепак уште тогаш вели, Тошевски, се насетувало кој стои зад понудата од лицето, ама нашиот соговорник не сакал да верува во позадински намери. -На еден од состаноците пред да влезам во неговиот кабинет во холот имаше на две места по десет пакета ајвари и лутеница „Мамас“, зелени и црвени, објаснува бизнисменот. Откако не успеал бизнисот со првиот, како што Тошевски го нарекува посредник, следувал втор. -Се појавува адвокатот Тумановски, доаѓа во моите канцеларии, не можам точно да се сетам еднаш или два пати, кратки средби. Ми покажа документи од мојот имот. Ми рече „ова го имаш, ти пишува дека имаш само земјиште под зграда, комплицирано ти е малце“. Му велам добро, кажете ми за кого е, кој е купувачот? „Добро“ ми рече, „знаете за кој човек е, да не зборуваме сега многу, се работи за Вице Заев, пратен сум од Вице Заев“, раскажува Тошевски. Алфа побара одговор од адвокатот Алксандар Тумановски, дали во името на братот на премиерот преговарал за купување на имотот. Не добивме демант, но ни потврда. -Како адвокат за одреден клиент кој бил заинтересиран за недвижноста сум направил проверка на цена и услови на ден 27.09.2017 година, по разгледување на можностите и потенцијалот на таа недвижност, клиентот покажа незаинтересираност за кое нешто во брз рок беше известено лицето Киро Тошевски, рече адвокатот Александар Тумановски. Алфа побара одговор и од бизнисменот Вице Заев. Одговори веднаш на нашиот телефонски повик. Демантираше буквално се. Не сакаше да го снимаме, но ни дозволи да биде цитиран: -Со Киро Тошевски се имам видено можеби еднаш. Ниту некогаш сум сакал да го купам, ниту сум го барал неговиот имот. Секојдневно добивам различни понуди за градежни земјишта, од различни бизнисмени, нема логика да влегувам во нешто што не го сакам, уште повеќе да си правам било какви проблеми со државата злоупотребувајќи го името на мојот брат. Ги отфрлам сите лажни сведоштва на Тошевски како неточни. А ако има доказ дека комуницирал со мене директно нека го приложи истиот. Нема да дозволам да ми се оцрнува името од било кој, вели бизнисменот Вице Заев. На ова Тошевски приложува порака, за која тврди дека е испратена од премиерот кога бизнисменот, како што вели му се пожалил на премиерот што прави брат му. Во пораката стои: -Штом верувате дека мојот брат ви направил нешто лошо, јас со него ќе се скарам и ќе му наредам да се тргне комплетно од што и да разговара со вас и што и да прави со вас комплетно да се тргне, стои во пораката што ни ја испрати Тошевски, скенирана од неговиот телефон. Но да се вратиме на периодот после Тумановски. Тошевски тврди дека премиерот му побарал писмо за намена, или проектна документација за имотот со цел да ја дадел на заинтересирани инвеститори. Ја доставил, вели, во влада на 20.08.2018, преку неговиот адвокат, но не добил архивско бројче дека предал документ. Заради ова како што тврди, се јавил кај шефицата на кабинет на премиерот да провери дали писмото е стигнато во рацете на Заев. Таа му потврдила. Но ова е верзијата на Тошевски. Алфа испрати официјално писмо со прашања до пи ар кабинетот на премиерот. Дали сето ова е точно. И дали се од досега кажаното од Тошевски би можел да го демантира. Но до сега одговори немаме. По извесен период, на вратата на Тошевски тропнале нови купци. Но се изненадил кога ги видел истите своите документи, односно оние кои ги доставил во влада на барање на премиерот… (продолжува утре во вестите во 17.30) Извор: Алфа.мк

Малта: Осомничениот бизнисмен за убиството на новинарката пуштен на слобода

Тале Кристо — Fri, 22 Nov 2019 14:33:42 +0000

Малтешката полиција денека го пуштила на слободата „лицето од интерес“ за истрагата за убиството на малтешката новинарка Дафне Карун Галиција, бидејќи им било потребно повеќе време да го испрашаат, изјави денеска премиерот на Малта, Џозеф Мускат. -Ако некој биде изведен пред суд, полицијата не може понатаму да го испитува, им кажа Мускат на новинарите. Познатиот бизнимен од оваа земја, Јорген Фенеч, во средата беше уапсен кога неговата јахта беше пресретната откако испловила од пристаништето, јавија британските медиуми. Според малтешкиот закон, меѓутоа, уапсените мора да бидат обвинети или пуштени од притвор во рок до 48 часа. Фенеч денеска беше пуштен на слобода со платена кауција, но и натаму се наоѓа под надзор. Дафне Карун Галиција беше една од најпознатите истражувачки новинари на Малта, која беше убиена во близина на Ла Валета во октомври 2017 година, во експлозија на автомобил бомба. Тројца мажи веќе чекаат судење заради подметнување на бомбата во автомобилот, а уште не е утврдено кој го извршил убиството.

„Њујорк пост“: Блумберг размислува да се вклучи во претседателската трка

Ивона Петрова — Fri, 08 Nov 2019 06:33:14 +0000

Познатиот американски бизнисмен, политичар, писател и филантроп Мајкл Блумберг размислува повторно да се вклучи во претседателската трка следната година, разочаран од сите големи кандидати на Демократската партија,објави Њујорк пост повикувајќи се на неименувани извори. „Блумберг смета дека Џо Бајден е слаб, а Берни Сандерс и Елизабет Ворен не можат да победат“, нагласи изворот запознат со промената на мислењето на поранешниот градоначалник на Њујорк во три мандати, кој пред неколку месеци изрази незаинтересираност за да биде кандидат. Друг извор изјави дека Блумберг ќе донесе одлука набрзо, додека трет извор очекува одлуката да биде донесена во рок од неколку дена. Пост нагласува дека Блумберг верува дека динамиката на трката за кандидат на демократите се променила дека умерениот кандидат Бајден заостанува, а Ворен која се противи на корпорациите, добива интензитет во кампањата. Демократите ќе го бираат својот кандидат за претседателските избори на 3 февруари.

До 1999 светот не знаеше како изгледа сопственикот на Зара: Бизнисменот „тежок“ 70 милјарди долари заплови со јахтата на Јадранот (ВИДЕО)

Дарко Андоновски — Tue, 06 Aug 2019 12:37:18 +0000

Шпанецот Амансио Ортега (83), сопственик на модниот гигант Индиттекс чии брендови се: Зара, Бершка, Масимо Дути, Страдивариус, Ојшо и Пол & Беар, во петокот со сопругата Фолара Перез испловија кон пристаништето на Хвар! Амансио пристигна со јахта од $ 80,000,000, а слетаа во 19 часот. Околу 20 часот, семејството тргна на прошетка низ Хвар и разгледување на островот. Туристите и локалното население беа во можност да го запознаат еден од најбогатите луѓе на светот, чија фотографија првпат излезе во јавноста во 1999 година, бидејќи Ортега вешто ја крие својата приватност. На прашањето на фоторепортерот кој го фотографирал – како му се допаѓа Хрватска? – Ортега наводно кажал: „Прекрасна е!“ По прошетката, парот уживаше во вечера во ресторан близу до нивната јахта, од чии тераси можеа да го гледаат морето и нивниот луксузен брод. Останаа во ресторанот околу два часа, а сопственикот на ресторанот, каде вечерал Амансио, Јурица Хастро, откри неколку детали од нивното мени. – Ние се однесуваме кон секој гостин подеднакво и не се прави разлика помеѓу нив, иако секоја година го посетуваат многу познати личности. Ние ја почитуваме целокупната приватност во целост и не би откривале премногу, но можам да кажам дека наредија избор на сите наши мезиња, за главниот јадење побараа претежно риба и малку месо, а исто така и тестенини. Кога заминавме, ги прашавме дали е сè во ред и добивме само комплименти – изјавил човекот за „Глорија“. По Хвар, семејството „пловело“ за Сплит. Амансио Ортега со Флора Перез, со кого се ожени во 2001 година, има едно дете, ќерката Марта (35), која по пензионирањето на татка си пред 8 години, го презеде управувањето со Индиттекс. Од првиот брак со покојната Росалија Мер, тој има син и ќерка, Сандра и Маркос. Инаку, Ортега е познат по тоа дека никогаш не носи облека од „Зара“. Тој живеел во тешки услови уште од детството, а го напуштил училиштето и се вработил на 14-годишна возраст, кога слушнал дека неговата мајка пазари на вересија во продавниците, затоа што тие ги немале основните работи. Првата работа му беше на Гала, каде што научил како да шие, а во 1963 година, по 10 години искуство како менаџер за соработка со шиење, ја основа првата компанија. И покрај создавање на една од најголемите деловни империи во светот, тој никогаш немал своја канцеларија, така што секој од неговите вработени може да му пристапи кога сака, без најава. Тој носел вратоврска само еднаш, на својата свадба и живее во станбениот блок Ла Коруња, без посебно обезбедување. До 1999 година, единствената негова фотографија достапна до јавноста беше една од лична карта.