бизнисмени – Kurir.mk

Азески со македонски бизнисмени на средби со американски, норвешки, германски и јапонски компании во Белград и Берлин

Ивана Ефремовски — Tue, 01 Nov 2022 12:52:47 +0000

Стопанската комора на Македонија продолжува со редовните, но најавува и повеќе меѓународни активности. Во Белград, Берлин и Скопје, како што информира, ќе се одржат состаноци, дебати и средби за инвестиции, како и за проширување на соработката во енергетиката, дигитализацијата, напредните технологии и иновациите. -И во услови кога енергетската криза е во полн ек со сериозни проблеми во деловното функционирање на компаниите, Комората ги продолжува останатите редовни активности кои се од интерес за нашите компании. Фокусот во претстојниот период е на меѓународните активности. Утре во Белград ќе се одржи средба со 100 влијателни американски компании на тема „Нов пат и можности: Регионот на Западен Балкан во однос на Соединетите Американски Држави“, на која бизнис познавачи од регионот и учесниците од САД ќе имаат можност да разговараат за нивните планови и за тоа како да се соочат, да се прилагодат и да одговорат на новите глобални трендови во ИТ и енергетскиот сектор, обезбедувајќи јасна слика за тековните изгледи на пазарот и идните можности за соработка, вели претседател на Комората, Бранко Азески. Во Белград ќе се одржи и седница на Управниот одбор на КИФ, каде Азески е копретседател. На седницата, меѓу другото, ќе се разгледува вториот годишен извештај за мерење на постигнувањата во спроведувањето на акцискиот план за заеднички регионален пазар – колку фирмите на терен ги чувствуваат придобивките од одлуките што се носат за регионалното поврзување, во насока на воспоставување единствен регионален економски пазар. На седницата ќе се разговара и за претстојната инвестициска конференција на 22 ноември 2022 година во Љубљана што КИФ ја организира заедно со Регионалниот совет за соработка (РСС) со седиште во Сараево, на кој заеднички ќе се претстават инвестициските потенцијали на регионот на Западен Балкан пред потенцијални инвеститори од Словенија, Хрватска Италија и Австрија. Во четврток, на 4 ноември, во Берлин, Азески заедно со претседателот на Асоцијацијата за напредни технологии при Комората, Виктор Мизо ќе има средба со германските компании кои потенцијално разгледуваат можности за инвестиции или проширување на нивните инвестициски активности во Северна Македонија. На 17 ноември, пак, Норвешката амбасада во Белград организира инвестициска конференција за енергетика на тема „Инвестициските можности во обновлива енергија“, на која ќе учествуваат 50-тина норвешки фирми и сите претседатели на влади и министри за економија на балканските земји, но и бизнисмените кои веќе имаат искуства во оваа област. Во Скопје на 18 ноември ќе се одржи Балкански економски форум, поддржан од Стопанската комора со фокус на развој и имплементација на иновативни стратегии и креативни решенија за тековните економски предизвици со кои се соочуваат балканските земји за да се стимулира економскиот раст кој, пак, ја зајакнува регионалната соработка, мир и безбедност. Комората информира и дека почнуваат активностите за основање јапонско-македонска стопанска комора, преку која ќе се спроведат програми специјализирани за Комората како најголема и најбројна бизнис заедница, а се работи и на продолжување на договорот со Јапонската агенција за меѓународната соработка (JICA), која нуди грантови за поддршка на приватниот сектор во развој на инфраструктурни проекти кои ќе придонесат за ублажување на климатските промени и заштита на животната средина, програми за зголемување на менаџментниот капацитет преку обуки, тренинзи и посети на нашите компании, организирани од страна на Јапонија. (МИА)

ВОНРЕДНА ЕМИСИЈА: Јована Јеремиќ открива се за ЕЛИТНАТА ПРОСТИТУЦИЈА во Србија, контраверзната водителка со ова видео ја здрма бизнис елитата

Ристе Здравков — Wed, 23 Mar 2022 11:18:25 +0000

Јована Јеремиќ во својата вонредна емисија „ До коска со Јована Јеремиќ“ ја разоткри елитната проституција на Јахорина. Водителката појде на оваа планина и така ја откри вистината за елитната проституција за која тврди дека ја има. Јована во своето обраќање преку Ју тјуб кажува како девојките им се приближуваат на богатите мажи. -Ова е вонредно издание на емисијата „До коска со Јована Јеремиќ“. Зошто? Зато што дојдов до најнови сознанија поврзани со елитната проституција на оваа планина. Тема на денешното вклучување е планинската проституција. Како се работи, како девојките им се наметнуваат на клиентите и кои се тие клиенти на елитните проститутки, рече Јована. Јована вели дека ќе открие дел од имињата на мажите кои ги користат овие услуги. -Нема да ви откријам се. Само ќе ве замислам и ќе ви кажам дека најчести клиенти во планинската елитна проституција пред се, се бизнисмени и некои политичари, а нивните имиња ќе ги откријам во наредната емисија, а до тогаш нека се потат тие кои ги користат овие услуги.

Во Црна Гора 30 отсто од бизнисмените работеле нелегално или полулегално

Ивана Ефремовски — Fri, 10 Dec 2021 13:47:02 +0000

Управата за инспекциски работи (УИП) во Црна Гора извршила над 9.000 контроли во текот на летната туристичка сезона, при што е откриено дека 30 отсто од бизнисмените работат незаконски или полулегално. Освен што инспекторите донеле 168 решенија за забрана за вршење дејност, издале и прекршочни пријави во вредност од речиси 1,4 милиони евра, се наведува во Информацијата за работењето на УИП во летната туристичка сезона, која ја разгледуваше Владата, пренесува Мина. УИП контролирала 17.000 вработени и издала 254.310 евра прекршочни налози бидејќи меѓу другото биле затекнати 399 работници на црно. Станува збор за нерегистрирани 79 домашни и 320 странски државјани, а 53 од нив се воведени во легален бизнис по интервенција на увидот. При контрола на плажи евидентирани се десет што оперираат без одобрение, две плажи во Будва и Котор, една во Тиват и пет во Херцег Нови. Неправилности се констатирани и во работењето на хотелите и угостителските објекти, а затворени се 11 продавници, најмногу поради работа во недела. Во заклучокот се наведува и дека по превентивни мерки и укажувања на неправилности во контролните прегледи, 80 до 90 отсто од случаите биле законски во предвидениот рок. (МИА)

Бизнисмените од регионот бараат од владите „зелени линии“ за непречено деловно патување

Тале Кристо — Mon, 02 Nov 2020 11:24:45 +0000

Заеднички, усогласени правила и протоколи, т.н. зелени линии, за патување на бизнисмените или нивни претставници и вработени во земјите од Западен Балкан заради непречено извршување на деловните активности и реализирање на соработката и во време на пандемија, бара Коморскиот инвестициски форум (КИФ) од владите на земјите во регионот. Според КИФ, ваквиот режим на „слободно“ движење за да нема застои во бизнисот би се реализирал преку правање брзи ПЦР-тестови на граничните премини, ограничување на движењето на лицата кои патуваат на конретните локации каде што треба да ја извршат задачата, лимититирање на нивните професионални и лични контакти, како и обврзување да ги почитуваат сите заштитни мерки што се на сила во земјата во која патуваат. -Второто барање на КИФ се однесува на обезбедување согласност од владите дека таквиот усогласен режим би се применувал без одглед на идното евентуално влошување на ковид ситуацијата, истакна денеска на прес-конференција Татјана Штерјова – Душковска, директор во Стопанската комора на Македонија. Ваквата иницијатива на КИФ, појасни Штерјова – Душковска, е по моделот на т.н. зелении коридори за проток на стоки, воведен во април годинава, кој покажа одлични резултати. -Во многу од државите во регионот веќе осум месеци се применуваат формалности кои го ограничуваат движењето, но проблемот е што ограничувањата се различни и многу често се менуваат, дури на дневна и неделна основа. Тоа значително го отежнува планирањето на деловните активности. За очекување е дека овие ограничувања ќе стануваат многу порестриктивни поради ковид состојбата, а во многу европски земји тоа и се најавува. Од овие причини КИФ минатата недела упати иницијатива до премиерите на шесте држави со која бара воспоставување мрежа на „зелени линии“, со кои би се обезбедило непречено движење од деловни причини и извршување одредени работни задачи. Овој предлог би бил надополнување на т.н. зелени коридори за стоки од април годинава кој покажа многу позитивни резултати за непречено снабдување, истакна Штерјова – Душковска.

БиХ оваа недела ги отвора границите за бизнисмени

Тале Кристо — Mon, 18 May 2020 08:34:14 +0000

Границите на БиХ ќе бидат отворени на 1 јуни, пишува „ЕвроБлиц“, а претседателот на Советот на министри Зоран Тегелтија најави дека деловните луѓе од странство ќе можат да ја преминат границата на БиХ уште оваа недела, со задолжително почитување на мерките. Тегелтија вели дека Советот на министри деновиве ќе ја има таа тема на агендата. Весникот наведува дека Советот на министри треба да ја промени одлуката за посебните услови за влез на странците во БиХ и на тој начин да овозможи влез и престој на бизнисмени од странство кои имаат важни деловни обврски во БиХ. Услов за тоа ќе биде тие да имаат потврда за негативен тест за коронавирусот од овластена лабораторија, не постара од 48 часа, и покана од компанијата. зш/ 2020-05-18 10:29:06, од Златко Шумковски

Тепачка на црногорски бизнисмени во авион на „Монтенегро ерлајнс“

Дарко Андоновски — Wed, 18 Dec 2019 12:26:51 +0000

Двајца црногорски бизнисмени се степале во авион на „Монтенегро ерлајнс“, кој летал од Белград до Подгорица. Тепачката се случила во бизнис класата на авионот на националната авио-компанија, по што персоналот ги сместил на различни делови во авионот. Тепачката не била пријавена во полиција. Од компанијата „Монтенегро ерлајс“ нема известување за инцидентот. Авионот на нивната компанија слетал на подгоричкиот аеродром синоќа околу 20 часот и 10 минути. Еден од бизнисмените е сопственик на компанијата „Нормал компани“