Сензацијата Андреску против Вилијамс во финалето на „УС Опен“

Ивона Петрова — Fri, 06 Sep 2019 06:37:20 +0000

Деветнаесет годишната дебитантка на „УС Опен“, Бјанка Андреску, создаде нова сензација. Канаѓанката стигна до финалето во Њујорк, совладувајќи ја Белинда Бенчиќ со 7:6 (3), 7:5 за 2 часа и 15 минути игра. Андреску оствари импресивни 40 винери, иако имаше 38 непридизвикани грешки. Таа запиша 7 аса, но направи 9 двојни грешки. Сепак, Бенчиќ имаше само 16 винери на натпреварот и 32 непридизвикани грешки и само 2 аса на нејзина сметка. Тинејџерката на тој начин стигна до своето прво Гренд-слем финале во своето деби на терените на „Флешинг медоус“. Таа е прва тенисерка која постигнала такво нешто од Венус Вилијамс во 1997 година. Во битката за трофејот, Канаѓанката ќе се соочи со Серена Вилијамс во сабота,која претходноја совлада Елина Свитолина со 6:3, 6:1. Ова ќе биде повторено финале на од „Роџерс купот“, кое сепак не се одигра до крај, бидејќи Американката се откажа поради повреда по само 4 одиграни гема (3:1 за Андреску).

Серена во солзи на церемонијата на доделување на наградите по финалето во Торонто

Ивона Петрова — Mon, 12 Aug 2019 06:22:56 +0000

Американската тенисерка Серена Вилијамс се расплака за време на церемонијата на доделување на наградите по финалето на турнирот во Торонто. Таа го предаде мечот на 19-годишната канадска тенисерка Бјанка Андреску. – Благодарам момци. Жал ми е што морав да го сторам тоа. Пробав но, не можев. Бјанка, вие сте брилијантен спортист и жена. Благодарност до мојот тим. Одиме напред, рече Серена со солзи пред своите обожаватели. Турнирот во Торонто, Канада, се играше за награден фонд од 2,5 милиони долари.

Бјанка Андреску – Kurir.mk

Сензацијата Андреску против Вилијамс во финалето на „УС Опен“

Серена во солзи на церемонијата на доделување на наградите по финалето во Торонто