Благоја Грозданов – Kurir.mk

Грозданов: Хаосот во институциите го пренесоа во стопанството, испадна дека помошта од владата е скриен кредит којшто треба фирмите да го враќаат

Ристе Здравков — Wed, 27 May 2020 19:10:16 +0000

Благоја Грозданов од Комората на сметководители, вечерва на Телевизија 24, ја критикуваше владата и институциите за критериуите за аплицирање за економските мерки, за кои вели дека направиле невиден хаос во стопанството, како и тоа дека фирмите препознале дека помошта била скриен кредит коишто треба да го враќаат. - Направија хаос во главите на луѓето, хаос во кој функционираат државните институции мислам дека го пренесоа во стопанството, требаше да направат целосно решенија едноставни системи, но тоа не се случи и останавме со хаотична ситуација тоа што многу фирми не се решија да аплицираат се должи на тоа дека не се добија лесно сварливи информации за тоа како течат постапките и процедурите, не се презентираше во јавноста дека помошта е искрена и вистинска, затоа што помошта е скриен кредит и од почеток беше скриен кредит и тоа фирмите го препознаа, вели Грозданов. Тој објасни дека на крај испаднало дека тоа се пари кои оние коишто не се ликвидни, кои не можат да инвестираат понатаму, а сепак завршиле некако со добивка, сепак ќе треба да ги враќаат парите, а оние коишто се финансиски моќни, ликвидните копмпании, кои можат да инвестираат понатаму, нема да ги вратат тие пари, бидејќи во последната уредба имаме таква одредба, тоа е погрешен сигнал и тоа е неискреност, рече Грозданов. -За кредитите од Развојна банка имавме голем број на поплаки, дел од документите по нашата реакција беше овозможено да се добијат електронски, во комбинацијата на мерките се направија голем број на компликации, однос на пресметката за тоа кој се квалификува за мерките, од толку пати што ги сменија мерките и самите не знаат за кои дејности и по кои уредби треба да се споредува приходот од месец април, со ланскиот месец април, за кои приходот од март со ланскиот просек, нагласи Грозданов. Тој истакна дека се кренало толку фама, а се направија толку рестриктивни критериуми за аплицирање за тие кредити што немало ни време точно да се пресмета дали навистина фирмата ги исполнуваат.

Гроздановски од Комората на сметководители: 11.5% од вкупната финансиска помош отишла само за 10 компании, владата ги прекомплицира сите процедури, институциите крајно некоординирани

Ристе Здравков — Wed, 27 May 2020 18:40:01 +0000

Благоја Грозданов од Институтот за сметководители вечерва на Телевизија 24 со бројни критики кон владата за начинот на носење и предложените мерки за фирмите во коронакризата, истакна дека само 11.5% пд вкупната финансиска помош којашто владата ја дала кон бизнис секторот отишла кај 10 компании, распределбата не е правична, постои голема некоординираност на државнитѕе институции, како и тоа дека владата ги прекомплицирала постапките. Грозаднов вели дека не е само бројката колку ќе даде владата вкупно помош, фали транспарентност која фирма колку добила помош поеддинечно. -11.5% од вкупната финансиска помош отишла само за 10 компании, што значи дека 88.5% од помошта отишла кај другите 18.000 компании, распределбата не е правична. Помошта од и онака нашиот ограничен буџет требаше да биде алоцирана онаму каде што беше најпотребна, а не требаше да се расфрла со таа помош, порача Грозданов. Тој рече дека државата наместо да понуди рака на давеник, реши да се надмудрува и да игра партија шах, ги прекомлицираа сите процедури, се направија преобемни, во екстремно кратки рокови, најбитниот предлог што го дале како комора е да бидат продолжени сите даночни поднесоци до крајот на кризата, кој не бил прифатен од министерството. -Крајно отсуство на координација во самите институции, од почетокот на кризата нема јасна визија како да излеземе од истата, два пати главната уредба за 14.500 денари субвенција се смени поради апсурдноста на некои критерируми, па се повлече, па се смени уште два пати повлечената уредба, критикуваше Грозданов. Тој истакна дека фирмите немаа време да ги прочитаат процедурите и постапките не па да постапат по истите. -Се изгубивме во постапките, соседни земји ни покажаа како може да се реши со два клика, за жал сметководителите останаа на крај, останавме без никаква помош, а министерството е премногу затворено со само одреден број на експерти со кои соработуваат.

Претприемачите трпат штети и немаат алтернативен начин за вршење дејност

Ивона Петрова — Mon, 27 Apr 2020 08:51:07 +0000

Сојузот на стопански комори на Македонија, ги презентираше резултатите од најновото истражување за состојбата со која се соочуваат компаниите во изминатиот период од почетокот на здравствено – економската криза, предизвикана од Ковид-19. Во истражувањето, вклучени се претпријатија од сите региони во земјава и тоа најголем дел, 54% се лоцирани во Скопскиот, 9% се од Пелагонискиот, по 7% од Југоисточниот, Полошкиот и Источниот регион, по 6% од Југозападниот и Вардарскиот регион и 4% се лоцирани во Североисточниот регион на Македонија. Според дејноста претпријатијата припаѓаат на секторите угостителство, производство и преработка, сметководство и финансии, трговија, услуги, градежништво, туризам, здравство, транспорт и логистика и земјоделие. Благоја Грозданов, член на Управниот одбор на ССК, истакна дека во истражувањето учествуваа претприемачи, претпријатија од сите големини но пред се микро, мали и средни кои претставуваат 99,8 проценти од вкупниот број регистрирани правни субјекти во земјата. Од учесниците во истражувањето, 73% се микро, 21 % мали, 5% средни, а само 1% припаѓа на големи субјекти, што соодветствува и ја отсликува националната економија. -Генерално претприемачите се соочуваат со намален обем на работа како и со големи штети од пандемијата, а голем дел не се во можност да се задолжуваат со нови кредити, на веќе постоечките за да ја пребродат кризата. Според големината на штетата, 49% од анкетираните претпријатија одговориле дека трпат штети во нивното работењето меѓу 81% и 100%, 13% имале штета од 61% - 80%, 13% се со штета од 41% - 60%, 16% претрпеле штета од 21% - 40% и 8% се изјасниле дека имале штета од 0% - 20%. Само 1% се изјасниле дека немаат штета во нивното работење. На прашањето колку е намален обемот на работата во месец март 2020, 40% од претпријатијата одговориле дека обемот на работа им е намален помеѓу 81% и 100%, на 19% обемот на работа им се намалил од 61% до 80%, 12% имаат намален обем на работа меѓу 41% и 60%, кај 15% обемот е намален помеѓу 21% и 40% и кај 9% намалувањето е од 0% - 20%. Само кај 5% од прeтпријатијата немало намалување на обемот на работа. Во однос на бројот на вработени 85% од претпријатијата одговориле дека се уште не го намалиле бројот на вработени како резултат на состојбата за разлика од 15% од компаниите кои веќе го намалиле бројот на вработени, но доколку нема соодветни економски мерки и како резултат на состојбите дури 46% од компаниите се изјасниле дека планираат да го намалат бројот на вработени ако немаат ликвидност и средства да ги исплатат платите и трошоците, истакна Грозданов. Најголем дел од претпријатијата, односно 86%, сметаат дека економските мерки кои ги донесе Владата не се во согласност со потребите на стопанството и нема да ја исполнат целта да се преброди состојбата, додека само 14% од компаниите сметаат дека мерките се во согласност со нивните потреби. -Вкупно 65% од претпријатијата одговориле дека се уште немаат аплицирано за дел од понудените економски мерки за справување со кризата донесени од Владата, 19% аплицирале, а 16% воопшто не планираат да ги користат економските мерки. Во поглед на понудениот кредит на Развојната банка 65% од претпријатијата не аплицирале, 8% изјавиле дека аплицирале, 7% се изјасниле дека аплицирале и се уште чекаат одговор. 19% од претпријатијата се изјасниле дека нема воопшто да аплицираат за кредит, а 1% истакнаа дека се одбиени. Што се однесува до Мерката финансиска поддршка 14.500 денари, се изјасниле дека планираат да ја користат 47% од претпријатијата, 32 % не одлучиле, а 21% воопшто не планираат да ја користат. На прашањето дали се запознаени дека средствата за поддршка треба да се вратат во 2021 година, 79% од претпријатијата се изјасниле дека се запознаени со условите. Од сите претпријатија вклучени во истражувањето 80% се изјасниле дека немаат можност да ја вршат својата работа од дома или онлајн, а на прашањето дали бараат алтернативен начин за остварување на нивната дејност 70% се изјасниле дека не е можно да ја вршат нивната дејност на алтернативен начин, 19% од нив бараат алтернативни начини, а 11% не бараат друг начин, изјави Грозданов. Сојузот на стопански комори на Македонија, обединува 35 стопански комори, 30 групации, здруженија и асоцијации, кои застапуваат над 24.000 претпријатија од сите региони и сектори.