Благоја Механџиски – Kurir.mk

Механџиски: Да се стави крај на нереалните ,,тврдења” за загаден воздух во Берово

Дарко Андоновски — Fri, 06 Jan 2023 18:31:19 +0000

Да се стави крај на нереалните тврдења за загадениот воздух во Берово, бидејки Малешевијата е еден од најчистите краеви во државата. Ова е пораката која денес ја упати Благој Механџиски, сопственик на компанијата Зегин, кој присуствуваше на Божиќната литија организирана во пресрет на Бадник, порачувајки дека треба да се стави крај на шпекулациите кои неодамна преку одредени мерења го окарактеризираа Берово како град кој е еден од најзагадените во Македонија. -Пораката која што ќе ја дадам е до докторката од Јавно здравје која направи голема штета на Малешевскиот крај, која го даде своето мислење, не знам од кој е нарачано да каже нешто што не е вистина и што е надвор од реалноста. Од ова место каде гледате има еден вид мирен простест на младите, ќе кажеме дека овој крај, е крај кој е најчист во Македонија и е крај каде има најмногу озон и кислород. Овде има некаде над 370 автохтони растенија каде има раритени борови шуми каде се е ставено во служба на чистиот воздух, со кој се гордееме. Затоа сакам од овде да порачам јсно и гласно дека треба да ставиме крај на ваквите изјави и лажно авторитети, кои не се точни, рече Зегин. Апелираше до посетителите да го посетат Малешевскиот крај, кој како што додаде е најчист крај, а беровчани како што посочи се најдобри домаќини, заради што ги покани туристите не само за Божиќните празници туку и за другите празници да го посетат Берово и да се уверат во чистиот воздух. Зачудени од констатацијата за загаден воздух се и туристите кои денес ги затекнавме на Градскиот плоштад во Берово. -Веќе трети ден како сум овде не сум осетил такво загдување. Можеби нема ветер и од греењето од дрва, но во Берово како што знам нема никаква индустрија, така шт нема од што да се загадува воздухот, истакна турист од Скопје. Во светло на дебатите кои минатите денови се отворија најчесто на социјалните мрежи заради погрешно толкување и читање на резултатите од мерењата на квалитетот на воздухот, Општина Берово и градоначалникот Звонко Пекевски официјално побараа одговор од Министерството за животна средина и просторно планирање за официјалните мерења и мислење од министерството. Во интегралниот одговор кој општината го има добиено од министерството се вели дека согласно податоците од Државниот автоматски мониторинг систем за квалитет на амбиентен воздух од мерното место во Берово од 1 декември 2022 година до денес се бележат благи надминувања на среднодневната гранична вредност за РМ10 од 50 микрограми на метар кубен. Целиот текст прочитајте го ТУКА.

Механџиски: Парична и медицинска помош за семејствата на загинатите во автобуската несреќа

Ивона Петрова — Thu, 25 Nov 2021 11:33:24 +0000

Како фамилија Механџиски, која негува здрави општествени и човечки вредности и како сопственици на Холдинг-компанијата ЗЕГИН, со која управуваме и која има долга традиција на општествена одговорност, одлучивме на семејствата кои ги загубија своите најмили во трагичната сообраќајна несреќа на 23 ноември во Бугарија, да им доделиме парична помош во износ од 45.000 евра, информира семејството Механџиски. Воедно на членовите на потесните семејства на загинатите ќе им се овозможи едногодишно бесплатно користење на комплет поликлинички здравствени услуги и лекување во ПЗУ Д-р Верица Механџиска - Зегин Интер Медика. -Ја користиме приликата на семејствата кои ги загубија своите најмили да им изразиме длабоко и искрено сочувство и да ги замолуваме да ни дозволат заеднички да ја споделиме нивната неизмерна болка и тага. Драги и почитувани, сметајте на нас и во иднина, вели семејството Механџиски.

Механџиски: Не сме само во вакцините на последно место, во се` сме- власта погреши што не дозволи фирмите кои работат со лекови да набават лекови

Катерина Бојаџиева — Fri, 19 Mar 2021 18:13:50 +0000

Не сме само во вакцините на последно место, во се сме. Ги гледате светските статистички податоци, не сакам да споменувам во која област, секој пат сме на најниското место што можеме да го достигнеме, истакна Благоја Механџиски, сопственик на „Зегин“ во интервју за „Трилинг“. Механџиски додаде дека власта лошо настапи со тоа што не дозволи фармацевските компании да преговараат во набавката на вакцини против КОВИД-19. Власта треба да знае дека не се набавуваат само лекови директно преку фабриката има и други веледрогерии. Ние не знаеме да градиме за перспектива било тоа да е економијата, дали е во здравството, дали е тоа некои инвестициони зафати. Ние сега добиваме нешто многу тенко, што е тоа 1.000 да добиеме вакцини, рече Механџиски. Механџиски посочи дека Македонија има доста слаб тим на ниво на министерството за здравство. -Министерството не може да направи агенда, индекс за работите како ќе се движат во државата со КОВИД-19. Ние живееме од едно јавување на министерот на телевизија до друго. И сето тоа јавување се базира има, нема, ќе има, појасни Механџиски. Механџиски рече дека на запад тоа не е така, ако некој од власта потфрли јавноста веднаш го критикува и бара одговорност, кај нас за жал не е така.