Благоја Ралповски – Kurir.mk

„Jaвниот сектор да работи од 9 до 15 часот“ – КСС со предлог мерка за заштеда на струја

Ивана Ефремовски — Mon, 05 Sep 2022 10:51:38 +0000

Јавниот сектор да работи два часа помалку, од 9 до 15 часот, кога има најмногу дневна светлина и кога е најтопло во текот на денот, е мерката за заштеда на електична енергија што ја предлага Конфедерацијата на слободни синдикати (КСС). Како што соопшти денеска претседателот на КСС, Благоја Ралповски енергијата што ќе се заштеди од јавните институции потоа да им се даде како помош на бизнис секторот и јавно – комунлните претпријатија за да се спречат поголеми ценовни шокови. -Може да се направи рационализација, јавниот сектор може да работи со скратено работно време од два часа со што ќе се заштедат големи количини електрична енергија. Може да се направат дежурни тимови кои ќе ги сервисираат неопхоедните дејности во текот на еден ден, истакна Ралповски.

КСС избира ново раководство, Ралповски единствен кандидат за уште еден мандат

Катерина Бојаџиева — Thu, 05 May 2022 10:00:03 +0000

Конфедерацијата на слободни синдикати (КСС) денеска на конгрес го избира новото раководство, а единствен кандидат за претседател е досегашниот претседател Благоја Ралповски. – Очигледно се задоволни од она што се случуваше во изминатите години. Мислам дека синдикатот го издигнавме на едно повисоко ниво и докажавме дека синдикалното организирање не е мртво, туку напротив го оживеавме и работниците се повеќе веруваат во синдикатот, изјави Ралповски пред почетокот на 5. Конгрес. Она што останува предизвик за новото раководство на синдикатот ќе биде обештетувањето на синдикалниот имот, борбата за почитување на законите и колективните договори и решавање на судските спорови за работни односи во разумен рок. – Споровите траат предолго. Работниците се заморуваат и финансиски се исцрпуваат. Затоа, бараме од Владата, пред се судските спорови од работен однос да бидат судени во разумен рок, односно согласно Законот – шест месеци на првостепен суд и три месеци на второстепен суд, истакна Ралповски. Претседателот на КСС се избира на конгрес и има мандат од пет години со можност за повторен избор.

Ралповски: Пет години не почитувате ни закон, ни колективен договор, дојде во среда на протест – Битиќи: Не, може да бидам обоен со боја

Ристе Здравков — Mon, 28 Mar 2022 20:25:30 +0000

Благоја Ралповски, претседател наКонфедерацијата на слободни синдикати, во вклучување во емисијата Анализа на ТВ 24, во дебата со вицепремиерот за економски прашања Фатмир Битиќи му порача дека владата изминатите 5 години не ги почитува ниту закони ниту колективни договори, посочувајќи дека им е доста од потценувачкиот однос од страна на владата. Во 2012 година се донесе минималната плата, и првите покачува во 2013та и 2015 година имаше усогласување по 5 проценти. Вие еднаш ја покачивте платата на 5 проценти во 2019та година и останавте глуви на нашите барања. Во тој момент најниската на плата на јавен службеник беше 13.200 денари, а минималната 10.080 денари. Сега доаѓаме до ситуација дека платата најниска е 13.848 денари, а минималната плата 18.000 денари. Не можете вицепремиер вие прв како најголем работодавач во државата да не го почитувате законот, имате обврска да го почитувате. Значи 5 години не почитувате закон ни колективни договори, ништо не почитувате, кажувате сега ни текнало. Не ни текна сега и 2018, 2019 и 2020 година, и вие сте сведок колку пати ни викавте Благоја ваква криза има, таква криза има. Еве ние чекавме, значи јас ви кажувам не може веќе ниту да не потценувате, вицепремиере и ние треба да живееме, потенцираше Ралповски. На ова вицепремиерот Битиќи одговарајќи нервозно со разни гестикулации сакаше да го минимизира и омаловажи ставот на Раловски дека всушност не ја говори вистината. Кој? Кога? Навистина, нервозно одговарајќи на прозивките од Ралповски. Битиќи истакна дека протестот не е решение, и дека дијалогот треба да продолжи на маса, на што Ралповски му одговори на Битиќи во среда да дојде на протестот и да го види одговорот на работниците, на што Битиќи изрично ја одби поканата нагласувајќи дека се плаши дека ќе биде обоен со боја од страна на работниците. Јас ви кажувам во среда дојдете на нашиот протест обратете се пред присутните ќе го видите одговорот, му порача на Битиќи. Не, затоа што може да ми дадат боја, посочи вицепремиерот Битиќи.

Ралповски: Власта во немоќ да ги подобри работнички права донесе дискриминирачки и неуставен закон за недела неработен ден

Катерина Бојаџиева — Tue, 21 Dec 2021 19:25:05 +0000

Законот за недела неработен ден не само што е дискриминирачки туку е неуставен. Генератор на проблемот е оној што сака гол популизам, владејачката партија во немоќ да ги подобри работничките права кои се на најниско ниво во овие 30 години прави популистички закон за кој не се консултирала со пошироката јавност и експертите. Само еден синдикат потпаднал под притисокот и треба да се знае кој ги уништува работничките права, изјави за „Топ тема“ на Телма, Благоја Ралповски претседател на Конфедерација на слободни синдикати. Тој истакна дека со законот за недела неработен ден ќе се злоупотребуваат и манипулираат работниците. - Не може да се определува работно време со закон кој не третира трудово право и ги крши конвенциите на Меѓународната организација на трудот и ги намалува работничките права пропишани со закон за работни односи, истакна Ралповски. Ралповски рече дека во градежништвото знаеме дека работат во недела, но барањето беше да не се легализира со закон кој е неуставен. - Ние сме против да се легализира во трговијата, во моловите, не да се манипулира со работниците, рече тој.

Ралповски: Законот за недела неработен ден е само манипулација, има двосмислености и еден куп дејности ќе работат

Тале Кристо — Tue, 21 Dec 2021 19:09:08 +0000

Во оваа форма ние законот за недела неработен ден не беше наш предлог и не го поддржувавме вака, бидејќи оваа форма ништо не ги подобрува работничките права туку имаме само манипулација со работниците. Имаме многу двосмилености и недокажаности во законот, изјави за „Топ тема“ на Телма претседателот на КСС Благоја Ралповски. - Во ставот 3 во законот се одредуваат еден куп дејности кои работат, ние од КСС укажавме дека ако важи за еден работник треба да важи за сите работници. Кој ќе работи во недела да биде платен 100% зголемена дневница. Но доаѓаме до ситуација каде се вика дека ќе работи царина, но каде се шпедициите, или со бајпас на законот за работни односи што е недозволиво преку законот за трговија се дозволува да работат молови или поголеми маркети, а каде се занаетчиите? – прашува тој. Ралповски нагласи дека работно време е дефинирано со Устав и Конвенциите на Меѓународната организација на труд, а и нив Македонија ги има ратификувано. - Работното време не може да се определува со правилници, ниту со други закони кои не се во областа на закон за трудово право. Најголема галама беше да не работат тие по молови и маркети и сега го бајпасираме законот и дозволуваме да се суспендира закон за работни односи, изјави тој. Ралповски потенцираше дека овој закон во ниеден момент не ги подобрува правата на работниците, недела нема да биде неработен ден, а сега има можност за манипулација и еден работник може да има само еден слободен ден во 14 дена.

КСС на 15 април излегува на протест пред Владата

Ивона Петрова — Fri, 09 Apr 2021 11:22:00 +0000

Конфедерацијата на слободни синдикати (КСС) најавува предупредувачки протест на 15 април незадоволна од актуелната ситуација во државата во однос на работничките права. Одлуката за протестот е донесена на највисокиот орган на синдикатот на 7 април. Протестот ќе почне од булеварот Гоце Делчев спроти Македонска телевизија, преку Собранието, a ќе заврши пред Владата. Претседателот на КСС Благоја Ралповски на денешната прес-конференција рече дека македонскиот работник е осиромашен и не може да ја преживее кризата, се отпуштаат работници и се принудуваат да потпишуваат спогодбено договори за отказ. Според Ралповски, апсурдно е да се зборува за зголемување на минималната плата од 1,7 проценти кога инфлацијата во март е 2 проценти. Од КСС посочуваат дека се вршат притисоци врз синдикалните лидери и се одоговлекуваат претставките во судовите поднесени од страна на синдикатите. – Со овој предупредувачки протест ги повикуваме надлежните да седнат и сериозно да ги разгледаат нашите барања кои не се илузија, туку барања за имплементирање на постоеките закони, рече Рапловски, додавајќи дека официјално 50 до 60 илјади работници ја имаат изгубено работата, а нови отпуштања се очекуваат во угостителскиот сектор кој е затворен со новите рестриктивни мерки.

Синдикалниот лидер открива: Царовска викна алфи мене да ме уапсат (ВИДЕО)

Дарко Андоновски — Thu, 04 Feb 2021 09:27:55 +0000

Утрово лидерот на синдикалците, Благоја Ралповски гостуваше во емисијата „Утро со Златев“ на Радио Лидер. Тој зборуваше за синдикалците, нивните права и преговорите со Владата. – Претходната министерка за труд и социјална политика политика викна алфи да ме уапсат затоа што имаше сомнеж дека јас сум ја снимал. Недозволиво е така да се однесуваат со синдикалните лидери, вели Ралповски за Радио Лидер. Тој кажува дека меѓународните организации се запознаени за лошата улога синдикатите во Македонија. – Во негативните извештаи од ЕУ има улога ова што се случува со синдикатите, потенцира Ралповски. Тој ексклузивно додава дека освен тоа што е запознаена ЕУ, запознаен е и меѓународниот центар „Солидарити“ од Америка кој се очекува да ги посети до крајот на овој месец. Тој вели дека два пати добил отказ, а тоа е недозволиво и тоа е кривично дело. Заврши со тоа што кажа дека бара да бидат заштитени со закон додека се на работа.

Ралповски со апел до надлежните: Судовите и затворите се дувла на коронавирусот, дајте им поголема заштна опрема на полицијата и службените лица

Дарко Андоновски — Thu, 26 Mar 2020 21:14:30 +0000

Во јавниот сектор имаме големи проблеми со оваа пандемија. Затоа што, еве вработени што се во судска или затворска полиција не се целосно опремени со заштитна опрема. А знаеме дека во судовите, а и адвокатите реагираа дека таму е дувло на коронавирусот. Нашите членови во кривичниот суд секојдневно се јавуваат со поплаки да реагираме да им се додели поголема заштита и да се направи поголем ред во судовите. Еве ја користам таа прилика да апелирам до надлежните за овој проблем, посочи Благоја Ралповски претседател на Конфедерацијата на слободни синдикати во вечерашната емисија „Што не е јасно“ на Алфа телевизија. Исто така, тој истакна дека иако земјоделието е една од најстратешките гранки во државата, земјоделците немаат доволно заштита, па дури не се ни осигурани од институциите за повреда на работа или по живот на работа, вели Ралповски.

Работна средна Мизрахи-Ралповски: Социјалниот дијалог важен сегмент за унапредување на работничките права

Ивана Ефремовски — Fri, 10 Jan 2020 14:41:18 +0000

Министерката за труд и социјална политика, Рашела Мизрахи, оствари работна средба со претседателот на Конфедерацијата на слободни синдикати на Македонија (КСС) Благоја Ралповски. Оваа прва работна средба од ваков тип е значајна од повеќе аспекти, а посебно од аспект на унапредување на социјалниот дијалог со цел подобрување на работничките права. Конфедерацијата на слободни синдикати во која се здружени 11 грански синдикати е значаен претставник на работниците членови на овој синдикат и токму затоа е важно да се слушнат нивните размисли како да се подобри социјалниот дијалог и структурата на комуникација со институцијата под чија капа се кројат најголемиот број закони кои ги засегаат работниците. Министерката Мизрахи и претседателот на КСС Ралповски ја искористија можноста на оваа работна средба автентично да се информираат за барањата на синдикатот, да поразговараат за економската и социјалната сигурност на работниците, за заштитата и унапредувањето на работничките права во функција на пристоен животен стандард, но и навремени и достоинствени плати за работниците. Стана збор и за гарантирањето на минималната плата, која не е доволно само да се зголеми туку и да се исплатува во целост. Исто така, се потенцираше дека е значајна здравата работна средина, но и побезбедни работни места, развојот на демократијата, социјалната правда и солидарноста . Токму затоа значајно е поттикнување и развивање на конструктивни односи помеѓу социјалните партнери, синдикатите, Владата и работодавачите, како и развивање на социјалниот дијалог и социјалното партнерство, но и поттикнување и унапредување на колективното договарање на сите нивоа.

КСС: Економско-социјалната состојба лоша, бараме сериозни преговори со Владата

Ивона Петрова — Mon, 30 Apr 2018 11:53:24 +0000

Конфедерацијата на слободни синдикати на Македонија смета дека економско-социјалната состојба во државата е лоша, оти социјалното партнерство и дијалог не функционира, се кршат одредби од колективни договори и закони, особено законите за работни односи и за пензиско осигурување, а се бележат притисоци за зачленување или прекин на членство во одредени синдикати. Пред претстојниот празник на трудот 1 Мај, од КСС најавија дека нема да одржат протест, а од Владата побараа отпочнување преговори во делот на платите, согласно Законот за работни односи и колективните договори, задолжително учество во најавениот ребаланс на Буџетот во делот на платите, како и социјалното партнерство да почне да функционира и на централно и на локално ниво. - Веќе имаме некои преговори со Владата на РМ и со премиерот Зоран Заев. Нашето трпение ќе биде дотаму додека членовите имаат трпение за исполнување нашите барања што се во рамки на законите и колективните договори. Кога ќе почуствуваме дека сме манипулирани и дека се купува време нема да чекаме да излеземе на улици или да почнеме со реализација на некоја порадикална синдикална мерка, рече на денешната прес-конференција претседателот на КСС, Благоја Ралповски. Ставот на КСС, посочи тој, е дека 1 Мај го одбележуваат и празнуваат, како и дека не чекаат да дојде овој празник за да излезат на улиците. - Тоа го правиме секогаш кога ќе почуствуваме дека има потреба да протестираме и кога ќе бидеме доведени во таква ситуација за да тоа биде единствен начин да дојде до реализација на барањата, истакна Ралповски. Посочи и дека во последно време ескалира проблемот со прекинувањето на работен однос на илјадници вработени во јавниот сектор, и потоа на нивно место вработување други, и побара надлежните инспекции на направат проверки и ревизии на сите отпуштања за кои постојат индиции дека се прекршени закони. МИА